por martinho | Jun 27, 2018 | Autores/as, Literaria, Novas, Publicacións, Xeral
Frescos únicos na Igrexa dos Vilares
Estamos diante dun serio perigo de desaparición definitiva dos frescos dos Vilares pola falta de sensibilidade das administracións a pesares de levar catro anos petando en tódalas portas e advertindo da degradación das pinturas murais, unha xoia da iconografia relixiosa da Terra Chá.
Mesmo coa aprobación na Comisión de Cultura do Parlamento Galego, non se teñen habilitado fondos nin posto de acordo as diferentes administracións para evitar o posíbel desastre patrimonial que tem sobrevivido cinco séculos e vai camiño de ser destruído en só 25 anos.
Estes elementos pictóricos fóronse conservando pola costume profiláctica desde o século XVI de calear as paredes para evitar a proliferación de pestes e enfermidades.
Datan, segundo un estudo de Juan M. Monterroso Montero, do Século XVI, probablemente de 1530 a 1540 na que coinciden tamén cos da igrexa de San Estevo de Parga e probablemente o autor, polas coincidencias iconográficas das pinturas, da autoría do Mestre de Parga, moi coñecido na época.
Os frescos sitúanse á dereita e á esquerda. Así na parede da esquerda á entrada representan tres escenas; a lamentación de Cristo Morto, a imposición da casulla a San Ildefonso e Santiago Matamouros. Os da parede á dereita da entrada representan ornamentos xeométricos e fragmento de escenas de paisaxe.
Deixamosvos aquí este estudo do profesor Monterroso para sensibilizar sobre este tesouro vilarego que devemos defender como respeito da nosa própria história e a dos nossos antepassados.
Nos próximos meses iniciaremos unha campaña para acadar a recuperación definitiva destas pinturas, unha xoia renacentista única e que foi testemuña do nacemento e despedida de milleiros de vilaregos e tamén visionada por milleiros de visitantes á Romaría dos Desamparados na busca de cura aos seus males.
Aguardemos que a Virxe e San Vicenzo axuden a preservar as paredes do seu templo e que vilaregos e vilaregas así como todos aqueles Chairegos sensíveis co nóso património os apoien nesa labor.
Velaquí o enlace ao estudo antes citado.
Os Vilares Lareira de soños
por Emilia Martínez Fuentes | Jun 27, 2018 | Autores/as, Creación, Literaria, Xeral
Pérdome nas sombras… dunha noite
onde ata a lúa se agocha de mín…
Escoito ó lonxe o triste ouvear
dun lobo solitario que ó ceo berra…
Corren as nubes cada vez máis mouras,
preñadas de tronos que ameazan con rachar
a miña sombra…
E o triste ouvear… segue ó lonxe
coma unha letanía nada no silencio,
que vai envolvendo o meu medo…Lóstregos en darredor, lume celeste
que se acende no monte e disípase a escuridade
por cachos… de intre.
As sombras seguen a reinar cabo de mín.
Teño medo… da noite e dos seus meigallos.
Deste pesadelo que me pón bencellos
darredor das mans e amárranme forte…
Caio de xeonllos no fondo do valado,
nunha gábea tan fonda coma o meu soño…
Abro os ollos, por entre as nubes
deste ceo anubrado a lúa ábrese camiño
e óllame dende o seu trono, dame alento…
o ouvear xa se escoita máis lonxe… máis lonxe, lastimeiro, preto da nada…
A luz da lúa racha as tebras…
Os suores mollan o meu corpo espido,
na almofada descansa… o pesadelo.
A respiración vólvese calma…
e os lobos seguen a ouvear… ó lonxe.
por martinho | Jun 27, 2018 | Autores/as, Creación, Literaria, Xeral
ANTOLOGIA POESIA PALESTINA MODERNA (X)
Yabra Ibrahim Yabra
جبرا إبراهيم جبرا
Quibia
Balas
na noite de lua cheia
sulcaram lombas e caminhos.
Balas
bateram contra os valados
e portas e janelas espancaram
direitas contra os corações e as entranhas.
Balas
trás as pedras,
através dos desfiladeiros,
trás os sacos de areia.
Balas.
Murtas de sangue polas* pedras se espalham
e nas paredes ornamentos de sangue.
Balas
e gelignita
atiram os corpos às hienas.
Semeamos o trigo, mas não o colheitamos,
regamos as videiras, mas não bebemos do vinho.
Em vão se banhara a noite nossa com recendo a laranjeiras.
Corre o nosso sangue pola* terra vermelha,
e polas* pedras.
Sob exércitos de formigas procurai as nossas mãos.
Fechai as portas,
apartai-vos das janelas,
ocultai-vos da lua,
amparai-vos da noite.
Mas, são de madeira as portas
e as janelas não se fazem para evitar
o ar, a lua,
a gelignita
e os dentes caninos das hienas.
O coração é de ferro, mas
para as balas, a gelignita e os caninos
mais débil é que a madeira.
os braços de Fátima circundam o corpo de Hasán:
Uma poça de sangue,
e do pai de Hasán não resta
mais que o qumbaz em farrapos.
Buscai-os sob as pedras
e juntai os braços aos corpos.
Nós semeamos o trigo, mas não o colheitamos,
espargimos água nas videiras, mas não bebemos o vinho.
Banhou-se em vão a nossa noite com o recendo das laranjeiras.
Corre o sangue nosso pola* terra vermelha
e polas* pedras.
Buscai as nossas mãos sob os exércitos de formigas.
Balas
batem nas pedras.
Gelignita.
A noite atormenta
entre as nossas oliveiras e videiras.
http://www.kataranovels.com/test/wp-content/uploads/2014/02/jabra.jpg
por martinho | Jun 27, 2018 | Autores/as, Novas, Xeral
A Orquestra Xove Sinfónica de Galicia visitará o auditorio Carmen Estévez o xoves 12 de xullo ás 20:30h, concerto que contará con Rubén Gimeno como director.
Programa do concerto:
Primeira parte
Condenación de Fausto. Marcha Húngara de Berlioz
Suite del Cascanueces de Chaikovsky
-Marcha
-Danza china
-Danza Rusa trepak
-Danza árabe
-Danza de los Mirlitones
-Vals de las flores
Bolero de Ravel
Segunda Parte
Obertura Poeta y Aldeano de Suppé
Intermezzo de Manon Lescaut de Puccini
Obertura La italiana en Argel de Rossini
Obertura 1812 de Chaikovsky
Lugar: Auditorio Municipal Carmen Estévez
Data: xoves , 12 de xullo de 2018
Hora: 20.30 horas
Entrada: 5€
As entradas xa a venda en Ataquilla.com ou na casa da Cultura.
*Información achegada dende a Área de Cultura do Concello de Vilalba.
por martinho | Jun 27, 2018 | Autores/as, Novas, Xeral
Os rapaces do Centro Ocupacional Vilalba Terra-Chá, presentan a comedia “A Consulta”, na que veremos un doutor moi peculiar, que trata de dar resposta aos problemas dos seus peculiares pacientes.
Terá lugar o vindeiro venres 29 de xuño ás 19.00h no auditorio Carmen Estévez, coa entrada de balde.
*Información facilitada pola Área de Cultura do Concello de Vilalba.
