por martinho | Feb 18, 2019 | Autores/as, Literaria, Novas, Publicacións, Xeral
Despois da publicación en Culturalia GZ de dous ensaios sobre o poeta Luís Serguilha, Ana Maria Oliveira volve deleitarnos con Dez Poemas, (véxaxe enlace anterior) un pequeno poemario no que nos amosa a súa riqueza expresiva ao tempo que vai creando en cada poema individual un itinerario de emocións, sempre en estado latexante.
Tomando literalmente palabras remitidas pola propia autora podemos esbozar unha imaxe biobibliográfica da mesma:
Ana Maria Rodrigues Oliveira nasceu a 17 de Fevereiro de 1960, em Portugal, no Alto Alentejo no distrito de Portalegre e concelho de Castelo de Vide.
Antes de completar um ano de idade veio com os pais viver para a zona de Cascais e aí tem vivido desde então.
Em 1986 finalizou a licenciatura em Filosofia na Faculdade de Ciências sociais e humanas de Lisboa. Licenciatura que lhe permitiu dar aulas de filosofia durante alguns anos.
Edita o seu primeiro livro de poesia em 2008 através da Corpos Editora “Grito de liberdade”. Este livro é uma forma de partilhar emoções e vivências, encarando a poesia como uma catarse. Dedica este livro a todas as mulheres, pela luta e determinação com que enfrentam as adversidades de uma sociedade que ainda manipula e escraviza.
Ainda no mesmo ano participa em duas coletâneas: Uma de Prosa e Poesia “A arte pela escrita” da editora Escritartes e a outra, “Poemas sem fronteiras” “Ora, vejamos…2008” Editora LULU de Leiria que faz uma recolha impressionante da poesia contemporânea. Nesta última Ana Maria Oliveira obtém o prémio da Menção honrosa com o seu poema “Farsa”.
Escreve no site de poesia Luso poemas onde tem parte dos seus trabalhos.
Faz uma edição de autor “Espírito Guerreiro” o seu segundo livro de poesia, em 2014.
Mantem alguns sites onde divulga a sua escrita.
Ultimamente mantem-se ligada ao projeto “Filosofia para crianças”.
http://paula-esperar.blogspot.pt/
http://www.assinaturaeletromagnética.blogspot.com
https://devirquantico.blogspot.pt/
*Autoría da imaxe do fotoxornalista José Lorvão .
por martinho | Feb 15, 2019 | Autores/as, Creación, Literaria, Publicacións, Xeral
André Da Ponte ofrécenos, desta volta, unha versión en galego-portugués o poema Vladimir Ilich Lenine, de Vladimir Maiakovski.
O lector terá a oportunidade de gozar coa versión e o orixinal deste poema no seguinte arquivo anexo.
Ademais dunha pequena introdución e unha mínima bibliografía -que foi usada para a redación do itinerario vital do xenial poeta-, acompañando todo con notas sobre personaxes, lugares e acontecementos históricos que resultan difíciles para o lector galego. Segundo a opinión do propio André Da Ponte atopámonos diante dun exemplo de poema épico deste poeta ruso que marcou con intensidade non só a literatura rusa moderna, mais tamén a universal.
Nesta edición en PDF obsérvase a particularidade de que se a xente desexa imprimir o libro, pode confrontar o texto en ruso, que sempre ficará á esquerda da impresión, co texto en galego que ha de ficar sempre á dereita.
por martinho | Feb 15, 2019 | Autores/as, Novas, Xeral
O Ecomuseu de Barroso – espaço padre Fontes, en Montalegre, recibe o día 2 de marzo de 2019 a exposición “Arte na Raia II”, da Galeria Vieira Portuense (https://www.galeriavieiraportuense.net/)
A Galeria Vieira Portuense é unha galería de arte que organiza exposicións temporais de arte contemporánea, amosando a obra de artistas plásticos nacionais e estranxeiros, sendo esta a terceira vez que expón no espaço padre Fontes. A primeira exposición levaba por título “3.º Encontro Internacional de Arte ao Redor do Touro”; a segunda “Arte na Raia”.
“Arte na Raia II” vai contar con nomes como Celestinho André, Adolfina Mesa, Paulo Fontinha, Rui Duarte, Carneiro Rodrigues, Ana Justo, Eugénia Carvalho, Ana Camilo, Hermínia Cândido, Ester de Sousa e Sá, José Manuel Exojo, Adriana Henriques, Carmela Taboada Perianes, Augusta Albuquerque, Carlos Godinho, Amândio Amado Vasconcelos, Ny Machado, Fátima Figueiras, Francisco Dias, Adelaide Moça, Diana Bizarro, Silvana Violante, André Capote, Arnaldo Macedo, António Miranda, Mário Rebelo de Sousa, Monteiro da Silva, Lena Macedo, Artur Silva e Pedro S. Morillo. Velaquí o enlace onde aparece o currículo dos artistas: https://artenaraiaii.blogspot.com/
A mencionada exposición permanecerá á vista do público na sede do Ecomuseu de Barroso desde o 2 de marzo ata o 29 de abril de 2019.
Debemos lembrar que a entrada no Ecomuseu de Barroso é de balde.
Os asistentes que precisen visitas guiadas, haberán de concertalas previamente enviando un email a sede@ecomuseu.org
Horario:
Aberto todos os días
10:00 – 13:00
14:00 – 18:00
Ecomuseu de Barroso
Terreiro do Açougue, n.º11
5470-251 Montalegre
telefone: 276 510 203
*Información recollida no Ecomuseu de Barroso.
por martinho | Feb 13, 2019 | Autores/as, Literaria, Novas, Xeral
O vindeiro 30 de marzo, na Livraria Poetria no Porto, terá lugar un desembarco de poesía galega (Roi Vidal, Xabier Xil, Paula Carballeira, Raúl Gomez Pato, Rosalía Fernández Rial, Eduardo Estévez, Suso Díaz e Quico Cadaval) co gallo de tentar arrincar algúns marcos que impiden que a poesía salte lindes.
O espazo da Livraria Poetria será escaso, así que haberá que ocupar todas as Galerías Lumiere. E xa se verá se estas tamén quedan pequenas.
O correr vinho do Porto e o fluír do licor café han de calmar todas as emocións.
*Información facilitada por Francisco Macías (Edicións Positivas).
por martinho | Feb 13, 2019 | Autores/as, Literaria, Novas, Xeral
CELEBRA CONNOSCO O ANIVERSARIO DE ROSALÍA
O vindeiro 24 de febreiro, domingo, é o Día de Rosalía e aniversario do seu nacemento. A Casa-Museo Manuel María, como en moitos lugares do país, tamén queremos festexar esta data e convidámoste a celebralo connosco. Será ás 12.30 e non durará máis de unha hora.
A actividade consistirá nunha pequena homenaxe popular, frente a Casa-Museo, en que se intercalará a música co recitado e a lectura de poemas de Rosalía.
A maneira coa que podes participar pode ser:
–Alborada para Rosalía. Os grupos tradicionais ou as gaiteiras e gaiteiros que se queiran anotar (contacto@casamuseomanuelmaria.gal), tocarán, cada un dos grupos ou gaiteiras/os, unha peza en honra de Rosalía (poderá ser a Alborada ou outra que queiran). Esta actividade está promovida pola Asociación de Gaiteiras/os Galegas/os e a Fundación Rosalía.
–Rosalía na túa voz. As persoas que queiran poderán recitar ou ler un poema de Rosalía. Para isto cómpre enviar, para non repetir poemas, un correo electrónico (contacto@casamuseomanuelmaria.gal) co nome da persoa, o poema que vai ler ou recitar e un número de teléfono de contacto.
-Asistindo e gozando da actividade.
*Información facilitada desde a Casa-Museo Manuel María
