por martinho | Nov 20, 2017 | Autores/as, Literaria, Novas, Xeral
O venres 24 de novembro ás 20h no salón de actos da Casa da Cultura de Vilalba, presentación do libro GANDUXANDO VIDAS. Homenaxe a Xaquín Campo Freire.
Intervirán:
Alfonso Blanco Torrado (Xermolos/Irmandade Manuel María da Terrá Chá).
Nieves Espiñeira Medín (Ganduxando Vidas).
Manuel Castro Santamariña (IESCHA).
Xaquín Campo Freire (Homenaxeado).
Xulio Xiz (Coordinador do libro).
*Información facilitada dende a Área de Cultura do Concello de Vilalba
por Ana Mar Fraga Rábade | Nov 15, 2017 | Autores/as, Creación, Literaria
Noite con nubes brancas, soedade do deixado, luz dourada servida nun gran baleiro, lealdade do que agarda por un baleiro ermo, xogo dunha estrela en estancias sen inxenio.
Universo enteiro na casa da Corca, quietude da noite e fondo sono, falando baixiño. Tempo de preguntas, cando a eternidade sen alento da a volta.
Cando a desesperanza tingue de escuro a Corca, presta orella a sombra, que no mirar trae a morte.
Ana Mar Fraga Rábade
por martinho | Nov 14, 2017 | Autores/as, Literaria, Novas, Xeral
Xa temos data pa
ra a entrega dos premios do #CertameVilariñas 2017. Será o 2 de Decembro, sábado ás 18:30 na igrexa dos Vilares (Guitiriz). Andrea Araújo Alonso, Pedro Rielo Lamela e Toño Núñez serán agasallados con unha peza única da artista Viki Rivadulla, num acto poético coa participación de representantes da cultura e da poesia chairega na igrexa na que foi bautizado o poeta Díaz Castro.
Abundante foi a participación nesta primeira edición do Certame das Vilariñas 2017 convocado pola Asociación Sociocultural Lareira de Soños e o colectivo poético NPG (Nova Poesía Guitirica), para honrar a figura de Xosé María Díaz Castro, o gran poeta galego nacido precisamente na parroquia de Os Vilares en Guitiriz. Igualmente foi elevada a cifra de Vilariñas presentadas ao citado Certame. Autores noveis nestas lides poéticas competiron ao carón de autores xa consagrados.
E tal e como se anunciara, Culturalia GZ tivo a honra de encargarse da publicación de todas as Vilariñas, tanto as que resultaron gañadoras como as restantes que participaron no concurso, pero que non obtiveron galardón.
FALLO I CERTAME VILARIÑAS
O Primeiro Prêmio corresponde a Andrea Araújo Alonso, da Guarda e residente en Tomiño é a gañadora do Primeiro Certame de Micropoesía da Chaira coa vilariña “Teño un pintor”. Andrea estuda artes escénicas na Escola Superior de Vigo.
O segundo premio foi para o xornalista Pedro Rielo Lamela, de Pontevedra, coa vilariña “Gran carballo”.
En terceiro lugar, o profesor e escritor Toño Núñez Álvarez, de Navia de Suarna e residente en Lugo, coa vilariña “Abrín os ollos”.
As 150 Vilariñas, de grande nivel, recibidas de distintos lugares da xeografía galega e publicadas en www.culturaliagz.com.
Para a entrega de premios organizamos un acto poético público o sábado. 2 de decembro na igrexa dos Vilares ás 18:30 da tarde. Encargarase de facer a entrega as poetas chairegas Marica Campo e Luz Campello e a cantautora e mestra Sandra Tenreiro num acto conducindo por Martiño Maseda.
Tanto pola participación como pola calidade dos poemas, consideramos un éxito esta primeira edición das Vilariñas cuxo nome, en homenaxe ao poeta dos Vilares, e en concreto do lugar do Vilariño, conta xa con outra proposta poética orixinal e aberta á participación de quen o desexe pola súa sinxeleza.
A dificultade da escolla dos premiados é a demostración da alta calidade das Vilariñas apresentadas a este certame creado pola NPG Nova Poesía Guitirica e a Asociación Sociocultural Lareira de Soños dos Vilares.
*Máis información nos seguintes enlaces:
http://www.blogoteca.com/antonte/index.php?cod=148174
Antón Tenreiro Ferreiro
ANTÓN DE GUIZÁN
antontenreiro@gmail.com
www.blogoteca.com/antonte/
+34 662 183 149
por martinho | Nov 12, 2017 | Autores/as, Novas, Xeral
O próximo 18 de novembro, sábado, ás 20 hrs, no auditorio da Casa-Museo Manuel María, o grupo musical VooDoo levará a cabo un concerto. Este dúo composto por Maritxinha, no baixo e loops, e Belém Tajes, teclado e voces (voz tamén do grupo Luar na Lubre), foi o gañador en 2017 do Premio Martín Códax de Música Galega na categoría blues/funk/soul.
No concerto do 18 poderemos escoitar letras da música tradicional galega combinadas con harmonías soul e blues. Será un anticipo da súa música íntima e elegante que conforma o traballo musical que veñen de gravar e que proximamente sairá editado.
A entrada será libre até encher o aforo, mais pódense reservar as entradas escribindo un correo electrónico a contacto@casamuseomanuelmaria.gal ou chamando ao tel. 698177621.
*Información achegada dende a Casa-Museo Manuel María
por martinho | Nov 8, 2017 | Autores/as, Novas, Xeral
Celébrase o día 18 no Concello de Vilalba, ás 12 da mañá no Paseo dos Soños, un percorrido pola lembranza da xente honrada en anos anteriores, para chegar á deste ano dedicada a Mini e Mero, músicos e cantores. Será un paseo compartido e celebrado na palabra de distintas persoas que cos seus textos, darán voz aos aos vínculos cos cantores. Acabará coas verbas dos, desta volta, honrados para finalizar coas consideracións de Alfonso Blanco Torrado. Despois haberá un xantar fraternal e para participar haberá que anotarse previamente.
PROGRAMA:
12:00 H. Xunzanza no Muíño do Rañego, a carón do río Madalena (Concello de Vilalba).
Interpretación da Peza composta a Mini e Mero polo gaiteiro nubeiro Raúl Galego.
Recitado do poema a Mini e Mero por Xoán Xosé Fernández Abella.
Recepción a cargo de Jesús Mato Mato
A continuación, comezará a andaina polo Paseo dos Soños e por cada hectómetro de fantasía e ilusión intervirán:
Paco Martín, Xosé Lois García, Miro Casabella, Luís Foz, Marica Campo, Helena Villar Janeiro, Xesús Rábade Paredes, Rubén Aramburu, X.L. Santos Cabanas, Isidro Novo e Xulio Xiz.
Diante do XII hectómetro (creación de Xosé Val Díaz) intervirán Mini e Mero, e deseguido pechará o acto Alfonso Blanco.
Finalmente celebrarase o xantar de confraternidade no Restaurante Terra Chá.
