Guadi Galego presenta Síntese Horizonte, o seu novo directo, con tres concertos exclusivos nos que se acompañará dunha portentosa banda
A cantante e compositora regresa aos escenarios galegos tras máis dun ano de ausencia cun espectáculo que presentará o 26 de xaneiro en Santiago de Compostela, o 27 de xaneiro en Ferrol e o 13 de abril en Pontevedra
As entradas para o directo Síntese Horizonte no Teatro Principal de Santiago están á venda desde hoxe, mentres que as do Teatro Principal de Pontevedra estarán dispoñibles a partir de mañá e as do Jofre nos vindeiros días
Guadi Galego regresa aos escenarios galegos co seu novo espectáculo, Síntese Horizonte, unha proposta expresamente concibida para presentar, ao vivo, sobre as táboas dos teatros de Galicia. Serán tres concertos exclusivos nos que a cantante e compositora, acompañada dunha portentosa banda, ofrecerá en tres datas: o 26 de xaneiro no Teatro Principal de Santiago de Compostela, o 27 de xaneiro no Teatro Jofre de Ferrol e o 13 de abril no Teatro Principal de Pontevedra, no marco do ciclo Resoan. As entradas para a actuación de Guadi Galego en Santiago están á venda en www.compostelacultura.gal, as de Pontevedra poderanse adquirir desde mañá en www.ataquilla.com e as de Ferrol estarán dispoñibles proximamente.
Logo da Roibén (2022) e dunha simbólica ausencia nos escenarios do país,Guadi Galego segue a atravesar etapas e dá paso a novos horizontes, sen esquecer que a vida existiu e persiste nela. Se o pasado mes de setembro presentaba O.D.A, toda unha declaración de intencións sobre o concepto da madurez e a aceptación da vida, de cara ao inicio do 2024 regresa con Síntese Horizonte, unha aposta da propia Guadi Galego pola evolución do seu son, pois con cada disco, e con cada espectáculo, foi aprendendo a desaprender do establecido.
En Síntese Horizonte, Guadi Galego reivindica a firme crenza do poder transformador da música ao vivo. Por iso, para estes tres primeiros exclusivos directos, a artista acompañarase dunha portentosa banda conformada por grandes artistas do país, reunida especialmente para a ocasión. É o caso de Guillerme Fernández (guitarra acústica eléctrica e sintetizada), Rubén Iglesias (baixo e sintetizadores), Isaac Palacín (batería e percursión), Álex Fernández (teclados) e dun coro conformado por Paula Romero, Faia Díaz, Inés Salvado e Rocío Giménez.
A produción de Síntese Horizonte destaca, tamén, tanto pola súa coidada iluminación (baixo a dirección e o deseño de Laura Iturralde e José Faro, de NONONON.LAB) como pola súa posta en escena (de Marina Oural e Ugía Pedreira Oficina Galega de Outros Asuntos do Movemento), froito do traballo en común que as artistas desenvolven, desde hai meses, con Guadi Galego baixo a premisa de ofrecer ao público unha experiencia musical única e transformadora.
GUADI GALEGO
É unha das artistas máis relevantes da escena musical galega das últimas décadas. A súa andaina musical comezou sendo ela moi nova, un camiño fíado especialmente a Berrogüeto como vocalista, pianista e gaiteira, e que, co tempo, deu paso a outros proxectos máis persoais, como Espido ou Nordestin@s.
No 2009 inicia a súa carreira en solitario con Benzón. Logo chegarían os exitosos Lúas de Outubro e Agosto (con éxitos indiscutibles como Chea de vida ou Matriarcas), O mundo está parado, Inmersión, Costuras ou o máis recente Roibén, LP que presentou en diferentes puntos da xeografía peninsular. Este outono lanza o sinxelo O.D.A, toda unha declaración de intencións sobre a madurez e aceptación da vida, e na que reivindica o dereito a seguir experimentando, pois O.D.A non é só un punto de chegada: marca o inicio dunha nova etapa na carreira da artista.
DATAS SÍNTESE HORIZONTE
26 de xaneiro, 20.30 horas – Teatro Principal de Santiago de Compostela Entradas en www.compostelacultura.gal 27 de xaneiro, 20.30 horas – Teatro Jofre de Ferrol Entradas á venda proximamente en www.ataquilla.com 13 de abril, 20.00 horas – Teatro Principal de Pontevedra. Ciclo ‘Resoan’ Entradas á venda a partir do mércores 29 en www.ataquilla.com
Artistas como Malandrómeda, CRNDS, Juait, Mundo Prestigio ou Grande Amore fan a súa propia revisión de 20 temas de DKTC, que estarán dispoñibles en todas as plataformas dixitais a partir das 00.00 horas do sábado 2 de decembro
As asistentes aos concertos deste sábado 2 na Sala Capitol e Malatesta recibirán agasallo o fanzine, que inclúe ilustracións exclusivas de creadores como Leandro Barea, Lidia Cao, Sekone, Miguel Peralta, Ana Langeheldt ou AL Crego, entre outras sinaturas
As entradas para a celebración dos ‘Tremendos Anos 20’, que terá lugar este sábado 2 entre as 19.00 e as 05.00 horas, están agotadas desde hai semanas
Dios Ke Te Crew festexará o seu viséximo aniversario o vindeiro sábado, 2 de decembro, cunha xornada maratoniana de concertos, mais tamén coa publicación dun disco-fanzine, no que 20 músicos e produtores reinterpretan outros tantos temas da mítica banda galega de rap, ás que tamén dan vida, a través de ilustracións, 20 artistas gráficos.
Os remixes poderanse escoitar a partir das 00.00h do sábado 2 nas principais plataformas dixitais, mais tamén estarán dispoñibles través dos códigos QR que se inclúen no fanzine, texto editado en formato A5 e agasallo que a banda entregará ao público asistente aos directos da Sala Capitol. O recinto pendurou hai semanas o cartel de “entradas esgotadas” para a celebración das dúas primeiras décadas de DKTC sobre os escenarios.
Músicos e produtores como Ortiga, Malandrómeda, Javi Fluzo, Grande Amore, Mundo Prestigio, Juait ou CRNDS fixeron novas versións de temas como Vas de verde, Ke traballe o rei, Todo da voltas, Mutant Roll, OG, Amolar ou Danza Maldita; por exemplo. Completan a lista nomes como 2pasos, Padre Murdock, Frank Juxley, DJ Mil, Hermano L, Karma Sound, Nashgul, Terrae, Coio, Figueroa, High Paw, Xurxo Master ou Mou.
Os vinte temas que se poderán escoitar co gallo da celebración dos Tremendos Anos 20 contarán foron plasmados en ilustracións por outros tantos artistas gráficos de todo o Estado. Así, DKTC completa a súa celebración cos traballos de Maz, Twee Muizen, GR170, Lidia Cao, Nove Noel, Luís Sendón, Ana Langeheldt, Daan Botlek, Daniel Muñoz ‘San’, Xoana Almar, Alba Fabre Sacristán, A.L. Crego, Alegría del Prado, Mr. Difuz, Sortwo, Sokram, Leandro Barea, Sr. X, Miguel Peralta ou Sekone fan a súa propia versión, en imaxes, dos 20 temas que se inclúen neste disco-fanzine.
FESTA TREMENDOS ANOS 20
Este sábado, 2 de decembro, a banda máis emblemática do hip hop galego celebrará por todo o alto as súas dúas décadas de traxectoria musical. A festa Tremendos Anos 20 preséntase, en palabras de DKTC, como unha ocasión “única” e “irrepetible” que, a modo de “exclusiva cerimonia litúrxica”, festexará vinte anos de vida a través dun “abraiante akelarre musical de amizades”.A banda acompañaranse de artistas como Malandrómeda, Grande Amore, Boyanka Kostova, Leo i Arremecághona, Vituco Neira (Ruxe-Ruxe), Santino e Guillerme (Quempallou), con quen compartirán escenario con DKTC na noite do 2 de decembro na Sala Capitol, espazo no que tamén actuarán Hermano L, High Paw e DJ Mil desde as 19.30 horas.
Os festexos continuarán na Sala Malatesta. Entre as 00.30 e as 05.00 horas, celebrarase o concerto de Los Rastreadores (Ortiga & Grande Amore) e os showcases de Rebeliom do Inframundo, Saibran Yi yi, Ra Velenosa e Rico Suávez, ademais dos dj sets de Chicho Selektor, Padre Murdock e Croma, e outras sorpresas adicionais.
SOLICITUDE DE ACREDITACIÓNS O prazo de recepción de solicitudes a través de correo electrónico (lucia.pita@theofficeco.es) rematará o mércores 29 ás 14.00 horas e as acreditacións confirmaranse antes das 14.00 horas do xoves 30. Grazas pola vosa paciencia e atención!
Sometidos non, de ningún xeito derrotados. Convencidos somos pola acollida do silencio. Negándose á capitulación, a fortaleza da escrita. O abrigo neste reduto de resistencia. Sermos aínda, no escenario ignorado polas olladas violentas. A carón do lume que non ameazan as présas. Nesta minoría necesaria, neste recanto apartado da rabia, que anhela terreos que lle acoutamos. Vixentes aquí, na raxeira do sorriso cómplice, que nos sostén ante a barbarie.
Por conseguinte, que hoxe teime o latexo en non someterse, en porfiar na utopía. Que insista a vida en contarse e descontarse, en diluírse plena, enfrontando días murchos, miradas exánimes. Rexeitando desde o alto os monstros que aganchan ávidos polos muros. Conspirando, malia todo, dan man da beleza, que traza en nós o esbozo dunha caricia salvadora. Dun aloumiño que agarda, se cadra na propia espiña.
O cantareiro e bailador actuará o mércores 29 de novembro no auditorio Gustavo Freire de Lugo, no que se acompañará tanto dunha ampla banda coma de Laura Burgué, Branca Villares, David Vilares, Xabi Iglesias e as pandeireteiras de Cántigas e Frores O escenario do Teatro Afundación de Vigo será o derradeiro que Feijoó visite nesta xira, e ao que tamén subirán, como colaboradoras, Natalie Haas, Andrea Pousa, Fran Sieira, Luis Lavado, María e Luís Prego, María Vidal e as pandeireteiras de O Fiadeiro
O cantareiro, instrumentista e bailador Xisco Feijoó despedirase esta semana da xira de presentación de Peixe, o seu primeiro proxecto en solitario. Os dous derradeiros concertos terán lugar eno 29 de novembro en Lugo e p 1 de decembro en Vigo, e nestes directoso artista acompañarase tanto dunha ampla banda de oito músicas como de numerosas creadoras e amizades sobre o escenario, entre as que se atopan Fran Sieira, David Vilares, Andrea Pousa, Laura Burgué, as pandeireteiras de O Fiadeiro e de Cántigas e Frores, ou mesmo a chelista estadounidense Natalie Haas.
Cada concerto, ateigado de música, danza e arte, será único e irrepetible. Será a celebración da vida dun proxecto que, a partir do vindeiro ano, se transformará noutra proposta, con novas cores e sonoridades. Previamente, e para por o punto e final, Xisco Feijoó actuará como arrancou o proxecto: acompañado dunha imponente banda de grandes músicas do país. Miryam González, Pipo Alvariño, Galen Fraser, María San Miguel, José Manuel Díaz, Marilú Campos, Antón Pombar e Sandra Costa compartirán escenario con Feijoó nestas actuacións, que contan co apoio da Xunta de Galicia a través da Axencia Galega das Industrias Culturais (Agadic).
A primeira das citas chegará este mércores, 29 de novembro. Será no Auditorio Municipal Gustavo Freire de Lugo. A partir das 20.30 horas, Xisco Feijoó despregará todo o seu talento da man tanto da súa banda coma da de Laura Burgué (gaita), Branca Villares (voz e percusión), David Vilares (voz), Xabi Iglesias (baile) e das pandeireteiras de Cántigas e Frores. As entradas para esta actuación están dispoñibles en www.enterticket.es
A derradeira volta para despedir Peixeserá na súa cidade, Vigo. O venres 1 de decembro, o Teatro Afundación (García Barbón) será o escenario que acolla o derradeiro directo da xira, a partir das 20.30 horas. Será un festivo e alegre “enterro” do Peixe, unha singular metamorfose na que Xisco sairá ao escenario con artistas como Natalie Haas (cello), Andrea Pousa (voz), Fran Sieira (baile), Luis Lavado (voz), María e Luís Prego (baile), María Vidal (voz e percusión) e das pandeireteiras de O Fiadeiro. As entradas xa están á venda no espazo web www.ataquilla.com
Xisco Feijoó e a xira de Peixe
Xisco Feijoó é, sen dúbida, unha das figuras clave na recuperación de música tradicional galega durante as décadas do 80, 90 e primeiros 2000. Logo dun incesante traballo de recuperación etnográfica, así como de colaborar con ducias de artistas de proxección internacional, como Mercedes Peón, Xosé Manuel Budiño, Carlos Núñez, Kepa Junquera, Berrogüetto ou Rodrigo Romaní,en xullo de 2021 lanzou Peixe, o seu primeiro proxecto en solitario. Desde entón ofreceu case medio cento de actuacións en diferentes localidades de Galicia, ademais doutros municipios da península, como Madrid, Bilbao, Valencia, Segovia e Plasencia; ou mesmo de Europa, na que temas como Animal soaron en Xenebra, Munich, Hamburgo, Frankfurt e Varsovia.
Durante o desenvolvemento da xira Peixe, Feijoó compaxinou as distintas actuacións co seu labor como mestre da ETRAD, coordinador da sección de canto da orquestra folk SonDeSeu e como director xeral do espectáculo Unha xeración, dous mundos, que se estreou no Grand Liceu de Barcelona en decembro de 2022; ademais de ser un dos autores, xunto con C. Tangana, do himno Oliveira dos Cen Anos.
Agora, Xisco Feijoó regresa a dúas das cidades galegas que acolleron a presentación de Peixe.Volve para despedir, dun xeito único, un proxecto que marcou todo un fito na súa carreira artística: logo de máis de trinta anos de investigación e recuperación etnográfica, nos que recolleu e deu vida a numerosas melodías e ritmos tradicionais, e de colaboracións en numerosos proxectos do país; o artista publicou un traballo discográfico no que ofreceu unha novidosa mirada contemporánea sobre a música tradicional. Dous anos despois, o creador dá a despedida “a un ilusionante proxecto que naceu no cerne da pandemia e que agora tomará novas formas, como parte desa metamorfose que todas e todos os artistas experimentamos grazas ás experiencias vividas”.
Como a realidade é terriblemente teimosa en impedir que deixemos de conmemorar a data do 25 N, Día Internacional da Eliminación da Violencia contra a Muller, desde Culturalia GZ tamén teimaremos en enfrontar esta continxencia negativa a nivel social, que ten como vítima principal á muller, coa palabra loitadora que representantes do eido literario, artístico ou educativo achegan para armar unha publicación diversa e comprometida como a que conforma esta pequena obra dixital.
25 NVoces contra o machismoxunta nun único berro a vontade e o compromiso de nove autoras que desde a súa perspectiva singular buscan afianzar a forza colectiva necesaria para rematar de maneira definitiva contra a lacra secular do machismo. A arte, a través da imaxe ou da palabra, de Andrea Fernández Maneiro, Lourdes Maceiras, Mariña Maceiras Segovia, Adolfina Mesa, Carlota Millor, Silvia Pardo Galdo, Clara Pino, Silvia Tasende e Patricia Torrado Queiruga.
A primeira é un espectáculo para nenas e nenos maiores de tres anos e leva por título Fazulas e o ladrón de paraugas. Esta actividade é unha narración oral con monicreques e música que preparou Fran Campos, de Bandullo Azul, e que será o sábado, día 25 de novembro, ás 17 h. Está baseada no libro “O ladrón de paraugas” de Xosé Lueiro e conta a viaxe iniciada por Fazulas, o gato persa de dona Adelaida, na súa teima por saber de que cor é o vento. Para dar resposta a ese misterio, emprenderá unha fantástica aventura, collido da empuñadura dun paraugas.
Para asistir a este espectáculo é necesario facer reserva (billete 2 euros) no enderezo electrónico contacto@casamuseomanuelmaria.gal ou no whatsapp 698177621.
A segunda actividade será o domingo, día 26 de novembro, ás 12.30. Trátase da presentación da webserie Un ronsel de futuro, historias soterradas, un filme de Señor López Producións, que trata de achegar a través do cinema toda a inmensidade dos catro museos que fan parte da Rede Museística provincial de Lugo. A historia de ficción ten o seguinte fío argumental: Braulio acaba de saír do cárcere logo de cumprir unha condena por facer grafites de dinosauro no patrimonio. Para poder saír de Bonxe acepta un titor, Alexandre, que cunha metodoloxía moi peculiar, faralle ver a necesidade de realizar esta webserie documental sobre a Rede Museística como parte da súa reinserción na sociedade. Co paso dos capítulos todo encaixará na cabeza de Braulio.
Esta webserie que se presentou nos Cines Númax e en Bos Aires, da man da Universidade Nacional Tres de Febrero, agora preséntase cun formato espectáculo en distintas localidades da provincia de Lugo. A primeira localidade será Outeiro de Rei, e en concreto a Casa-Museo Manuel María, para posteriormente e en próximas datas pasar por Barreiros, O Courel, Sarria, Meira, Lugo….
Esta actividade vai dirixida para todos os públicos, é de entrada libre mais é necesario facer reserva en contacto@casamuseomanuelmaria.gal ou no whatsapp 698177621
