Exposición de pintura de L. Ernesto Montero na sala de exposicións da Casa da Cultura de Vilalba, mostra que leva por nome Latitud 8.
A exposición permanecerá aberta do día 8 ao 15 de marzo de 2018, ambos inclusive, podéndose visitar dentro do horario da casa da cultura.
Máis información no seguinte enlace.
A obra PEMENTEIRAS, da compañía Xoré Teatro, será representada o vindeiro día 9 de marzo ás 20:30 horas no Auditorio Municipal. É unha obra apta para todos os públicos.
SINOPSE: A obra narra a historia de dúas amigas que posúen un pensamento moi diferente da realidade social na que están inmersas. Sofía, unha muller nova, que ten grandes inquietudes e ganas de loitar polo seu recoñecemento persoal e profesional anímase a participar en calquera proxecto que mellore a súa situación actual. Por outro lado, Dosinda, unha muller tradicional arraigada aos valores do patriarcado, non amosa ningún interese en mellorar a súa situación social e familiar, xa que para ela as cousas sempre foron así e non deberían cambiar. Durante o desenvolvemento da obra, Sofía faille ver a Dosinda a situación na que se atopa e axúdalle a iniciar un proceso de reflexión persoal que lle deparará grandes cambios, tanto no ámbito familiar coma laboral.
Máis información no seguinte enlace.
Quixera facerme lume,
e prender as brasas que están morrendo
no lar.
Descansan,
xa son cinsas,
non prenden… non.
Quixera ser folla seca
que viaxa nos eidos do vento,
arrastrada pola poalla morna
da tarde
percorrendo camiños e carreiros.
Mais quixera facer somentes…
unha milagre,
voltar á vida esas follas mortas,
tamén esas flores murchas.
E nas brasas da lareira
poder prender de novo o lume…
mais… son somentes,
¡ pobre teima !
Aprendíz de maga,
ou de meiga,
a facer encantamentos e sortilexios,
bebedizos de namorar,
e outros soños…
Quero deixar levar o meu corpo espido
polo vento que pasa… silandeiro
á carón das cortiñas,
e se faga brétema,
mollando á mañán cando clarexa,
de orballo as herbas, e as estrugas.
Serei entón, humidade e desleixamento
dun pranto que preñe a terra
na que respiro,
nunha terra fermosa… pola que vivo.
(Imaxe baixada da rede)
DÍA DE ROSALÍA 2018 NA CASA HABANEIRA DE SANTABALLA
#AbrideAFiestra
O pasado 24 de febreiro na Casa Habaneira de Santaballa, a weblog cultural Culturalia GZ e o grupo poético NPG Nova Poesía Guitirica, en colaboración coa Liga Santaballesa, celebraron o Día de Rosalía 2018, baixo o lema #AbrideAFiestra, dentro dos actos promovidos pola AELG ao longo de toda a xeografía galega.
Nun acto conducido por Pas Veres, as nenas Érica Currás Blanco e Uxía Corral Eimil comezaron lendo o Manifesto do Día de Rosalía 2018, feito pola escritora María Reimóndez.
Despois apareceu naquel escenario poético de Santaballa a voz fonda das ROSALÍAS: Montse González Álvarez, Emilia Martínez Fuentes, María Pereira, Branca Villar, Asun Blanco, Pilar Maseda, Carmen Penín, Ana Mar Fraga Rábade, Ana Vila Portomeñe, Luz Airado, Mar Beres, Maica Pastoriza, Adolfina Mesa, Silvia Pardo e María Xosé Lamas.
Entre cada grupo de poetas participantes xurdiron os intermezzos musicais do acordeonista Manuel Figueira Mariño.
Nunha segunda parte deste evento rosaliano, do numeroso público asistente, emerxeron distintas voces co gallo de recitar os seus propios poemas ou os da poeta galega homenaxeada.
No seguinte enlace temos acceso ao libro dixital de dito evento poético.
Medre a Poesía!
A Asociación de Escritores e Escritoras en Lingua Galega (AELG), Asociación Galega de Editoras (AGE) e Federación de Librarías de Galicia (FLG) convocan a terceira edición dos Premios Gala do Libro Galego, a celebrar o sábado 19 de maio de 2018 no Teatro Principal de Santiago de Compostela, onde se darán a coñecer as obras gañadoras.
Estas distincións, sen dotación económica, xorden en primeira instancia das propostas das bases asociativas das tres entidades convocantes, para posteriormente seren sometidas a un proceso de preselección e á valoración e fallo por parte dun xurado externo.
Esta é a relación de obras finalistas:
OBRAS EDITADAS EN 2017
Ensaio e investigación
– Amada García e os seus arredores, de Bernardo Máiz Vázquez (Edicións Embora).
– Manuel Antonio. Unha vida en rebeldía, de Xosé Luís Axeitos (Edicións Xerais de Galicia).
– Margot Sponer. Do galego antigo ás fronteiras da resistencia, de Antón Figueroa (Edicións Laiovento).
– Rosalía de Castro. Cantos de independencia e liberdade (1837-1863), de María Xesús Lama (Editorial Galaxia).
Divulgación
– Cociña galega tradicional, de Matilde Felpeto (Edicións Xerais de Galicia).
– Os nomes do terror: Galiza 1936, Xosé Álvarez Castro, Xosé Ramón Ermida Meilán; Eliseo Fernández e Xoán Carlos Garrido Couceiro (coordinadores), (Sermos Galiza).
– Terra. Ciencia, aventuras e sorpresas dunha viaxe arredor do mundo, de Xurxo Mariño (Edicións Xerais de Galicia).
– Universo matemático. Das ideas e das técnicas, de Antom Labranha (Edicións Xerais de Galicia).
Narrativa
– Abadessa, oí dizer, de varias autoras (Através Editora).
– Um elefante no armário, de Teresa Moure (Através Editora).
– A nena do abrigo de astracán, de Xabier P. DoCampo (Edicións Xerais de Galicia).
– O xardineiro dos ingleses, de Marcos Calveiro (Editorial Galaxia).
Infantil
– A batalla da pequena Chañan Curi Coca, de Rosa Aneiros, ilustrado por Almudena Aparicio (Edicións Xerais de Galicia).
– Bruxa e familia, de Paula Carballeira, ilustrado por Lucía Cobo (Oqueleo).
– A señorita Bubble, de Ledicia Costas, ilustrado por Andrés Meixide (Edicións Xerais de Galicia).
– Tinta de luz, de Xosé María Álvarez Cáccamo, ilustrado por Berta Cáccamo (Chan da Pólvora Editora).
Xuvenil
– 22 segundos, de Eva Mejuto (Edicións Xerais de Galicia).
– Os arquivos secretos de Escarlatina, de Ledicia Costas (Edicións Xerais de Galicia).
– Corredora, de María Reimóndez (Edicións Xerais de Galicia).
– Os nenos da varíola, de María Solar (Editorial Galaxia).
Libro ilustrado
– O branco non pinta!, ilustrado por María Brenn, de Antía Otero (Apiario).
– As estrambóticas aventuras do Barón Münchhausen, ilustrado por David Pintor (Bululú Editorial).
– A horta de Simón, ilustrado por Rocío Alejandro (Kalandraka Editora).
– Tinta de luz, ilustrado por Berta Cáccamo, de Xosé María Álvarez Cáccamo (Chan da Pólvora Editora).
Libro de banda deseñada
– Alter-Nativo, de Jorge Campos (Aira Editorial).
– O Bichero (VII), de Luís Davila (autoedición).
– Fóra do mapa, de Emilio Fonseca (Deputación da Coruña).
– Licor café. 13 grolos da Nova banda deseñada galega, de varias-os autoras-es (Demo Editorial).
– Tonecho, de Xaquín Marín (Editorial Galaxia).
Iniciativa bibliográfica
– Anna Turbau. Galicia, 1975-1979, Anna Turbau (Consello da Cultura Galega).
– Colección Xerais Básicos Ciencia (Edicións Xerais de Galicia).
– Colección Biblioteca de Teatro, Chévere (Kalandraka Editora).
– Mulleres bravas da nosa historia (Urco Editora).
Tradución
– A hora de espertarmos xuntos, de Kirmen Uribe, traducido por Isaac Xubín (Edicións Xerais de Galicia).
– Pippi Mediaslongas, de Astrid Lindgren, traducido por David A. Álvarez (Kalandraka Editora).
– O rapaz que nunca existiu, de Sjon, traducido por Elías Portela (Rinoceronte Editora).
– Vidas imaxinarias, de Marcel Schwob, traducido por Samuel Solleiro (Aira Editorial).
Poesía
– Camuflaxe, de Lupe Gómez (Chan da Pólvora Editora).
– Cervatos, de Lucía Novas (Kalandraka Editora).
– Culpable, de Eli Ríos (Edicións Xerais de Galicia).
– Na casa da avoa, de Marta Dacosta (Editorial Galaxia).
Teatro
– Marcha fúnebre para un monicreque, de Roi Vidal (Xunta de Galicia/Baía Edicións).
– Na butaca. Fantasía Nº 3 en Dor Maior, de Esther Carrodeguas (Editorial Galaxia):
– Río Bravo, Chévere (Kalandraka Editora).
– Suite Artabria, de Manuel Lourenzo (Edicións Xerais de Galicia).
Libro mellor editado
– Alter-Nativo, de Jorge Campos (Aira Editorial).
– Baixo as mesmas nubes, de Elga Fernández Lamas (Edicións Embora).
– Camuflaxe, de Lupe Gómez (Chan da Pólvora Editora).
– Lumes, de Ismael Ramos (Apiario).
– Pippi Mediaslongas, de Astrid Lindgren (Kalandraka Editora).
PREMIOS ÁS TRAXECTORIAS
Iniciativa cultural ou fomento da lectura
– Biblioteca Neira Vilas de Vigo.
– Chan da Pólvora (proxecto de libraría e edición).
– Clube de lectura feminista Libraría Lila de Lilith/Plataforma de Crítica Literaria A Sega.
– Viñetas desde o Atlántico.
Proxecto literario na rede
– BiosBardia, dirixida por César Lorenzo Gil, https://biosbardia.wordpress.com/
– Caderno da crítica, de Ramón Nicolás, https://cadernodacritica.wordpress.com/
– Criticalia, de Armando Requeixo, http://armandorequeixo.blogaliza.org/
– Galicia Encantada. Enciclopedia de fantasía popular de Galicia, dirixida por Antonio Reigosa, https://galiciaencantada.com/
Xornalismo cultural
– Ana Romaní
– Daniel Salgado
– Montse Dopico
– Montse Pena Presas