O 1 de maio, ás 19.30h, o Teatro Colón será testemuña da primeira obra de teatro de humor programada na historia do EMHU, Go Home, que aborda, desde a comedia, o turismo de masas
Galder Varas, un dos cómicos máis celebrados do momento, aterrará con Esto no es un showo xoves 2 no Colón, no que ofrecerá dous pases cuxos billetes están esgotados
As últimas entradas dispoñibles para Go Home, que conta con David Amor e Josito Portocomo protagonistas, pódense adquirir a través da plataforma www.ataquilla.com
O Teatro Colón será testemuña das novas propostas escénicas que a cuarta edición do Encontro Mundial de Humorismo ofrecerá ao público nas súas dúas próximas xornadas. O mércores 1 de maio, Día do Traballador, ás 19.30h, chegará a quenda do espectáculo Go Home, dirixido por Tito Asorey, e que conta con Josito Porto e David Amor como protagonistas. A peza -a primeira obra de teatro de humor programada na historia do EMHU- aborda, en clave de humor, a problemática do turismo de masas da man dalgunhas das figuras máis queridas da escena galega, como o dramaturgo José Prieto ou a directora de iluminación Laura Iturralde.
Pola súa banda, na tarde do xoves, 2 de maio, un dos cómicos máis celebrados do momento, Galder Varas, desembarcará no EMHU para ofrecer unha dobre sesión do seu monólogo Esto no es un show. O espectáculo, que se poderá ver tamén no Teatro Colón en dobre función, ás 20.00 e 22.30h, promete improvisación, chistes, sketches e unha morea de gargalladas. Os billetes para ver a Galder Varas, cuxos vídeos acumulan milleiros de reproducións nas redes sociais, están esgotados desde hai semanas.
AXENDA EMHU 2024 – MÉRCORES 1 E XOVES 2 DE MAIO
SOBRE GO HOME
Mércores 1 de maio, ás 19.30 horas, no Teatro Colón (últimas entradas dispoñibles en www.ataquilla.com)
Go Home é o novo espectáculo de teatro que conta con David Amor e Josito Porto como protagonistas, en asociación con grandes nomes da escena galega como José Prieto, Tito Asorey, José Faro, Laura Iturralde, Patricia Ferreira ou Xavier Porto. Trátase dunha peza comprometida coa realidade que conta a historia de David, un fanático das viaxes que xa fixo todas as andanzas que as axencias de turismo lle podían ofertar… Todas, agás unha en concreto. Comeza así, para o noso protagonista, todo un mundo de emocións…
SOBRE ESTO NO ES UN SHOW
Xoves 2 de maio, ás 20.00 e 22.30 horas, no Teatro Colón (entradas esgotadas)
Se isto non é un show, estarase preguntando vostede, de que se trata entón? Pois probablemente do mesmo que outros moitos monólogos. Pode agardar un escenario, un micrófono e un cómico. Tamén pode agardar moita improvisación, chistes e bloques diferentes aos que puido ver de Galder Varas en redes. E, por último, pode agardar a honesta intención de facerlle rir a gargalladas. Mais o que non pode agardar é un show. Iso xa llo advertimos.
O EMHU, O GRANDE EVENTO DO HUMOR EN ESPAÑA
O Encontro Mundial de Humorismo celebra a súa cuarta edición na Coruña desde o 25 de abril e até o 5 de maio. Trátase da cita humorística máis relevante de España tanto polo número de actividades que ofrece como polos de espectadores: este ano sumará máis de 20.000 asistentes. O evento, impulsado polas produtoras Etiqueta Negra e El Espectador, conta co apoio do Concello da Coruña, da Xunta de Galicia a través da Axencia Turismo de Galicia e de Estrella Galicia.
A programación troncal do EMHU 2024 propón algúns dos espectáculos máis destacados do momento. É o caso de La capital del pecado 2.0, Mentes peligrosas, Esto no es un show, La ruina ou La nueva normalidad. Ademais, o Encontro Mundial de Humorismo conta don dúas galas de produción propia e que só se poden ver durante a celebración do evento na Coruña, como son Humoris Causa e Fantastic Colofon; e inclúe espectáculos realizados por algúns dos humoristas máis recoñecidos do país. É o caso de Celebreixon, con Roberto Vilar, ou da obra de teatro Go Home, dirixida por Tito Asorey e que conta con David Amor e Josito Porto no seu reparto. Entre as propostas desta edición tamén está o show Tengo cosas para hacer, da arxentina Dalia Gutmann, que inicia en maio unha xira por España que terá, como punto de partida, o EMHU.
Alén destes espectáculos, o Encontro Mundial de Humorismo 2024 conta cunha programación de actividades paralelas gratuítas que pretende favorecer que todos os públicos poidan gozar do grande evento do humor. É o caso do Match de Impro da Escuela Impro Coruña, o parladoiro Lo que me han enseñado los mayores, de Jordi Moltó, ou as gravacións dos podcast El Nicho, con David Perdomo, e El sentido de la birra, con Ricardo Moya, quen contará con Antonio Resines como convidado. Ademais, a veciñanza pode asistir ás conversas Coidado coas bromas. Unha mesa redonda sobre os perigos da comedia e O negocio do humor, ou mesmo á presentación do libro Pérdidas de risa, de Sílvia Abril.
O novo podcast de David Perdomo, El Nicho, será o evento encargado de inaugurar este EMHU 2024 no Auditorio da Sede Afundación, ás 20.00h, cun invitado moi especial: Xosé A. Touriñán
Pola súa banda, o Coliseum acollerá este venres, 26 de abril, ás 21.00h, o agardado espectáculo La capital del pecado 2.0, do ‘showman’ total Juan Dávila, que reunirá a máis de 6.500 persoas
A cuarta edición do Encontro Mundial de Humorismo, coa cifra récord de máis de 20.000 entradas despachadas, presentará na cidade herculina espectáculos como Mentes peligrosas,Esto no es un show, La ruina ou as galas exclusivas Humoris Causa e Fantastic Colofon
O EMHU 2024 pendurou o cartel “entradas esgotadas” na meirande parte dos espectáculos, mais é posible adquirir billetes a través de www.emhu.es para Celebreixon, Go Home e Tengo cosas para hacer; ou asistir ás actividades con entrada libre, como o Match de Impro, as mesas redondas Coidado coas bromas e O negocio del humor, ou a presentación do libro Pérdidas de risa
O Encontro Mundial de Humorismo arranca este xoves, 25 de abril, a súa cuarta edición na Coruña. Serán once xornadas para construír e destruír realidades a través do humor, ademais de derrubar tristuras e clixés coa mellor comedia do momento. Até o 5 de maio, o EMHU 2024 reunirá na cidade herculina ás figuras máis destacadas da escena humorística estatal e galega, como é o caso de Álex Clavero, Ana Morgade, Carolina Iglesias, David Amor, David Cepo, David Perdomo, Eva Hache, Galder Varas, Goyo Jiménez, Henar Álvarez, Ignasi Taltavull, Javier Veiga, Juan Dávila, Juan Herrera, Jordi Moltó, Leo Harlem, Luis Piedrahita, Raquel Martos, Roberto Vilar, Sílvia Abril, Tomàs Fuentes, Xosé Antonio Touriñán ou o trío As R(h)umorosas, conformado por Carmen Méndez, Ledicia Sola e Marta Doviro.
O podcast El Nicho, do coruñés David Perdomo, será o evento encargado de inaugurar este EMHU 2024 no Auditorio da Sede Afundación. A cita (xoves 25, ás 20.00 horas) contará cun invitado moi especial: Xosé A. Touriñán. A apertura de portas terá lugar ás 19.30 horas e o acceso será libre até completar a capacidade do auditorio. Cómpre salientar que esta actividade forma parte da campaña Cultura por Alimentos, na que o EMHU colabora con Afundación (Obra social ABANCA), de xeito que o público terá a opción de “trocar” a súa entrada de balde por unha doazón de alimentos non perecedoiros que, posteriorimente, distribuirá o Banco de Alimentos Rías Altas.
Pola súa banda, o venres, 26 de abril, o EMHU servirá un dos seu pratos fortes deste 2024 no Coliseum. A partir das 21.00 horas, máis de 6.500 persoas gozarán con La capital del pecado 2.0, deJuan Dávila, un dos ‘showman’ máis aclamados do momento; e que regresa ao evento logo de encher no EMHU 2023, en cuestión de minutos, o Teatro Colón. Para ver a Dávila nesta edición, os billetes esgotáronse nunhas horas.
Coa cifra récord de máis de 20.000 entradas e convites despachados, a cuarta edición do Encontro Mundial de Humorismo presentará na Coruña algúns dos espectáculos en xira máis relevantes do momento, como Mentes peligrosas, Esto no es un show ou La ruina, mais tamén ofrecerá as xa clásicas galas de produción propia Humoris Causa e Fantastic Colofon, a gala final na que se entregarán os Premios EMHU 2024 a Antonio Resines, Goyo Jiménez e Xosé Ramón Gayoso. Para todas estas citas as entradas están esgotadas desde hai semanas, pero o público aínda pode gozar dalgunhas propostas do EMHU 2024: quedan os últimos billetes dispoñibles para Celebreixon (con Roberto Vilar, 28 de abril, en dobre función), a obra de teatro Go Home (con David Amor e Josito Porto, 1 de maio, baixo a dirección de Tito Asorey) ou a estrea en España da xira Tengo cosas para hacer da arxentina Dalia Gutmann (3 de maio en Afundación). As entradas pódense adquirir a través da páxina web www.emhu.es ou da plataforma www.ataquilla.com.
Ademais, o público interesado en asistir ao EMHU de xeito gratuíto, terá a oportunidade de achegarse até a Sede de Afundación para rir co Match de Impro, da Escuela Impro Coruña (27 de abril, 12.30h) ou ser parte dos parladoiros Coidado coas bromas. Unha mesa redonda sobre os perigos da comedia(30 de abril, 20.00h) e O negocio do humor (4 de maio, 12.30h). Ademais, a Librería Santos Ochoa da rúa Teresa Herrera acollerá a presentación e sinatura do libro Pérdidas de risa, un actono que a súa autora, Sílvia Abril conversará co público nun diálogo moderado polo director artístico do EMHU, Luis Piedrahita.
DÚAS SEMANAS PARA CONSTRUÍR E DESTRUÍR COA MELLOR COMEDIA
O Encontro Mundial de Humorismo, a cita humorística máis relevante de España tanto polo número de actividades como de público, celebrará a súa cuarta edición na Coruña do 25 de abril ao 5 de maio. O evento está impulsado polas produtoras Etiqueta Negra e El Espectador, e conta co apoio do Concello da Coruña, da Xunta de Galicia a través da Axencia Turismo de Galicia e de Estrella Galicia.
A programación de pago do EMHU 2024 contará con dez espectáculos que terán lugar en cinco recintos culturais. As sedes serán o Coliseum, no que estará Juan Dávila; o Teatro Colón, que acollerá boa parte do programa –Celebreixon, Go Home, Esto no es un show, La nueva normalidad, La ruina e a gala de clausura Fantastic Colofon-; o auditorio do Palexco, no que se darán cita as Mentes peligrosas de Ana Morgade, Carolina Iglesias, Eva Hache e Henar Álvarez; a sede de Afundación, na que actuará a arxentina Dalia Gutmann; e o Pazo da Ópera, que acollerá o sábado 4 de maio a gala Humoris Causa -na que se atoparán por vez primeira xuntos nun escenario Leo Harlem, Luis Piedrahita, Goyo Jiménez e Sílvia Abril-.
Alén destes espectáculos, o EMHU conta cunha ampla programación de actividades paralelas gratuítas, de xeito que todos os públicos poidan acceder ao grande evento do humor do país. É o caso da proposta Lo que me han enseñado los mayores, de Jordi Moltó, ou a gravación do podcast El sentido de la birra, con Ricardo Moya, quen contará con Antonio Resines como convidado. As invitacións para estas dúas actividades esgotáronse en horas.
Porén, aínda é posible asistir a outras das actividades de entrada libre do EMHU. En Afundación (na que se convida ao público a participar na campaña Cultura por Alimentos, que supón “trocar” a entrada de balde por alimentos non perecedoiros para o Banco de Alimentos Rías Altas) daranse cita El Nicho de David Perdomo, Match de Impro da Escuela Impro Coruña, e os parladoiros Coidado coas bromas. Unha mesa redonda sobre os perigos da comedia e O negocio do humor. Ademais, a Libraría Santos Ochoa acollerá a presentación do novo libro de Sílvia Abril, nomeado Pérdidas de risa.
AXENDA EMHU 2024 – XOVES 25 E VENRES 26
SOBRE EL NICHO
Xoves 25 de abril, 20.00h
David Perdomo desembarca no Encontro Mundial de Humorismo con El Nicho, un espectáculo baseado no seu podcast sobre perfumes. Si, leron ben, perfumes: cheiros que non se poden compartir en Youtube, pero que, por fin, todo o mundo poderá gozar en directo. Unha experiencia olfactiva que nos levará por toda a historia con moito humor e retranca e na que, por suposto, estará acompañado. Polo seu programa pasaron figuras como Dani Rovira, Lúa Mosquetera, Pablo Meixe ou Bárbara Grandío, entre outros moitos referentes. Nesta ocasión especial, Perdomo non podería elixir un mellor invitado. Coruñés, do Dépor e un dos cómicos máis queridos polo público do EMHU: Xosé A. Touriñán.
SOBRE LA CAPITAL DEL PECADO 2.0 , DE JUAN DÁVILA
Venres 26 de abril, 21.00h
Juan Dávila, o auténtico showman, o mesías da improvisación, volve ao EMHU co monólogo cómico do momento. Un espectáculo ideal para ver coa familia, cun grupo de amigas, en parella, se estás solteiro ou solteira, se estás buscando novas oportunidades (quen sabe!) ou con algunha cita inesperada. Sábese como comeza, pero o final sempre é decisión do público: forma parte do imprevisible. Este primeiro venres do EMHU, un Coliseum ateigado gozará co show máis gamberro e atrevido do ano!
PROGRAMACIÓN EMHU 2024
Xoves 25 de abril, 20.00h | SEDE AFUNDACIÓN (entrada libre. Campaña Cultura por Alimentos) El Nicho. David Perdomo.
Venres 26 de abril, 21.00h | COLISEUM (entradas esgotadas) La capital del pecado 2.0. Juan Dávila.
Sábado 27 de abril, 12.30h | SEDE AFUNDACIÓN (entrada libre. Campaña Cultura por Alimentos) Match de impro. Escuela de Impro Coruña.
Sábado 27 de abril, 19.00 e 22.00h | PALEXCO (entradas esgotadas) Mentes peligrosas. Ana Morgade, Carolina Iglesias, Eva Hache e Henar Álvarez.
Domingo 28 de abril, 17.30 e 20.00h | TEATRO COLÓN Celebreixon. Roberto Vilar.
Martes 30 de abril, 19.30h | TEATRO COLÓN (convites esgotados) Lo que me han enseñado los mayores. Jordi Moltó.
Martes 30 de abril, 20.00h | SEDE AFUNDACIÓN (entrada libre. Campaña Cultura por Alimentos) Coidado coas bromas. Unha mesa redonda sobre os perigos da comedia. Dani Alés, Luis Álvaro, Alberto Olmos e José María Rodríguez Santos.
Mércores 1 de maio, 19.30h | TEATRO COLÓN Go Home. Espectáculo dirixido por Tito Asorey, con David Amor e Josito Porto.
Xoves 2 de maio, 20.00 e 22.30h | TEATRO COLÓN (entradas esgotadas) Esto no es un show. Galder Varas.
Venres 3 de maio, 19.00h | LIBRARÍA SANTOS OCHOA (r/ Teresa Herrera) (entrada libre) Presentación do libro Pérdidas de risa, de Sílvia Abril. Con Sílvia Abril e Luis Piedrahita.
Venres 3 de maio, 19.00h | SEDE AFUNDACIÓN Tengo cosas para hacer. Dalia Gutmann.
Venres 3 de maio, 21.00h | TEATRO COLÓN (entradas esgotadas) La nueva normalidad. Álex Clavero.
Sábado 4 de maio, 12.30h | SEDE AFUNDACIÓN (entrada libre. Campaña Cultura por Alimentos) O negocio do humor. Álex Clavero, Juan Herrera, Raquel Martos e Luis Piedrahita.
Sábado 4 de maio, 12.30 e 18.00h | TEATRO COLÓN (entradas esgotadas) La Ruina. Ignasi Taltavull e Tomàs Fuentes.
Sábado 4 de maio, 19.00 e 22.00h | PAZO DA ÓPERA (entradas esgotadas) Humoris Causa. Goyo Jiménez, Leo Harlem, Luis Piedrahita e Sílvia Abril.
Domingo 5 de maio, 12.30h | TEATRO COLÓN (convites esgotados) El sentido de la birra. Ricardo Moya e Antonio Resines.
Domingo 5 de maio, 20.00h | TEATRO COLÓN (entradas esgotadas) Fantastic Colofon. As R(h)umorosas, David Cepo, Javier Veiga e Xosé A. Touriñán. Inclúe a entrrega dos Premios EMHU 2024 a Antonio Resines, Goyo Jiménez e Xosé Ramón Gayoso.
La capital del pecado 2.0, Mentes peligrosas, Esto no es un show, La ruina, Humoris Causa e Fantastic Colofon penduraron o cartel de ‘entradas esgotadas’ hai semanas; ao igual que as actividades Lo que me han enseñado los mayores e El sentido de la birra, citas para as que non quedan convites dispoñibles
Aínda é posible adquirir os últimos billetes para os espectáculos Celebreixon, Go Home, Tengo cosas para hacer e La nueva normalidad
EMHU colaborará coa Obra Social ABANCA na campaña Cultura por Alimentos, convidando ao público asistente ás actividades paralelas gratuítas que teñan lugar na Sede Afundación a que faga as súas achegas con produtos non perecedoiros que distribuirán, posteriormente, desde o Banco de Alimentos Rías Altas
A dez días do inicio da súa cuarta edición, o Encontro Mundial de Humorismo segue a bater récords. O EMHU leva despachadas máis de 20.000 entradas e convites para os seus espectáculos e actividades, que terán lugar entre o 25 de abril e o 5 de maio na Coruña. Numerosos shows xa penduraron hai semanas o cartel de ‘sold out’. É o caso de La capital del pecado 2.0 e Fantastic Colofon, ademais das propostas que contarán con dobre función, como son Mentes peligrosas, Esto no es un show, La ruina e Humoris Causa. Alén dos espectáculos, as actividades gratuítas que requiren retirada de convite previo, como é Lo que me han enseñado los mayores ou El sentido de la birra, tamén despertaron interese entre o público, que esgotou todas as invitacións dispoñibles.
Porén, todas as persoas que aínda non teñan abono ou entradas para o EMHU, teñen opción de mercar algunhas das últimas entradas dispoñibles para propostas como Celebreixon (con Roberto Vilar, 28 de abril), Go Home (con David Amor e Josito Porto, 1 de maio), Tengo cosas para hacer (con Dalia Gutmann, 3 de maio) ou La nueva normalidad (con Álex Clavero, 3 de maio).
Alén destes espectáculos, o EMHU conta cunha ampla programación de actividades paralelas gratuítas, de xeito que todos os públicos poidan acceder ao grande evento do humor do país. É o caso da gravación do podcast El Nicho (con David Perdomo e Xosé A. Touriñán), do espectáculo de improvisación Match de Impro (co alumnado da Escuela de Impro Coruña), dos parladoiros Coidado coas bromas: os perigos da comedia e O negocio do humor, que terán lugar na Sede de Afundación; ou da presentación do libro Pérdidas de risa, no que Sílvia Abril conversará co público nun diálogo moderado polo director artístico do EMHU, Luis Piedrahita.
O EMHU colabora con Cultura por Alimentos
O Encontro Mundial de Humorismo colabora na súa cuarta edición co programa Cultura por Alimentos, impulsado por Afundación, Obra social ABANCA. A intención desta campaña é que o público que asista ás actividades paralelas gratuítas do EMHU que teñan lugar na Sede de Afundació poida participar desta acción solidaria facendo unha doazón de alimentos non perecedoiros.
A campaña Cultura por Alimentos consiste en cambiar simbolicamente a entrada -de balde- pola doazón de produtos que, grazas á colaboración coa Federación Española de Bancos de Alimentos, Afundación entregará á entidade local Banco de Alimentos Rías Altas para a súa posterior distribución. Desde o Encontro Mundial de Humorismo convídase a todas as persoas asistentes ás actividades da programación paralela a que fagan a súa achega (troquen o seu acceso libre e gratuíto por unha doazón de alimentos non perecedoiros) e así poder construír un EMHU diferente.
Os espectáculos La capital del pecado 2.0, Mentes peligrosas, Esto no es un show, La ruina, Celebreixon, La nueva normalidad, Go Home e Tengo cosas para hacer formarán parte dunha programación que coroarán as galas Humoris Causa e Fantastic Colofon
Sílvia Abril, Leo Harlem, Goyo Jiménez e Luis Piedrahita conformarán o elenco que participe en Humoris Causa o 4 de maio no Pazo da Ópera; mentres que Javier Veiga, David Cepo, Xosé A. Touriñán e As R(h)umorosas serán os responsables de clausurar o EMHU o 5 de maio con Fantastic Colofon no Teatro Colón
As entradas e abonos da cuarta edición do EMHU poderanse adquirir desde este venres 22, a partir das 11.00 horas, en www.emhu.es e na plataforma en liña www.ataquilla.com
O Encontro Mundial de Humorismo avanza este mércores a programación troncal da súa agardada cuarta edición, que se celebrará na Coruña do 25 de abril ao 5de maio de 2024. Álex Clavero, Ana Morgade, Carolina Iglesias, Dalia Gutmann, David Amor, David Cepo, Eva Hache, Galder Varas, Goyo Jiménez, Henar Álvarez, Ignasi Taltavull, Javier Veiga, Juan Dávila, Leo Harlem, Luis Piedrahita, Roberto Vilar, Sílvia Abril, Tomàs Fuentes, Xosé A. Touriñán e As R(h)umorosas (Carmen Méndez, Ledicia Sola e Marta Doviro) son os primeiros nomes que se dan a coñecer do cartel do EMHU 2024, cuxas entradas sairán á venda este venres, 22 de decembro, a partir das 11.00 horas, na páxina web oficial www.ehmu.es e na plataforma en liña www.ataquilla.com.
O EMHU, a cita humorística máis relevante de España polo seu número de actividades e público (máis de 15.000 espectadores no 2023), está impulsado polas produtoras Etiqueta Negra e El Espectador, e conta co apoio de Estrella Galicia, Concello da Coruña e Xunta de Galicia a través da Axencia Turismo de Galicia. O Encontro Mundial de Humorismo reunirá no 2024, durante 11 xornadas, as figuras máis destacadas da comedia galega e estatal. Serán casi unha ducia de días nas que o humor e a improvisación provocarán o sorriso e o deleite do público da man dalgúns dos espectáculos máis seguidos do momento. É o caso de La capital del pecado 2.0, Mentes peligrosas ou Esto no es un show; mais tamén de producións propias como Fantastic Colofone Humoris Causa, citas nas que o EMHU xunta en cada edición un elenco de grandes figuras que se atoparn, por primeira vez, nun mesmo escenario.
A programación troncal de espectáculos do Encontro Mundial de Humorismo 2024 arrancará o venres 26 de abril no Coliseum da Coruña, con La capital del pecado 2.0, deJuan Dávila, que regresa ao EMHU tras esgotar todas as entradas para a súa función da pasada edición en poucos minutos. O evento continuará o sábado 27 cun dos ‘shows’ máis relevantes do momento, que ten a súa orixe e inspiración no propio EMHU, e que se atopa de xira polos teatros españois: Mentes peligrosas. Así, Ana Morgade, Carolina Iglesias e Eva Hache visitarán o auditorio de Palexco nunha noite que contarán con Henar Álvarez como convidada especial. O domingo 28 será a quenda dun dos grandes cómicos da televisión galega: Roberto Vilar festexará 30 anos sobre as táboas en Celebreixon, que se poderá ver no Teatro Colón, unha das sedes habituais do EMHU.
O mércores 1 de maio volverá a programación de espectáculos de pago ao Colón con Go Home, a nova proposta escénica dirixida por Tito Asorey e interpretada por David Amor e Josito Porto; que dará paso no mesmo recinto, ao día siguiente (xoves 2), a un dos grandes nomes da última tempada: o humorista Galder Varas con Esto no es un show, cuxos vídeos suman milleiros de reproducións nas redes sociais. E xa na súa segunda fin de semana, o EMHU comezará o venres 3 en Afundación, co espectáculo Tengo cosas para hacer, da arxentina Dalia Gutmann, e o monólogo cómico La nueva normalidad, de Álex Clavero, no Colón. Precisamente no mesmo teatro da avenida da Mariña terá lugar, na mañá do sábado 4, unha das propostas máis queridas polo público do EMHU: a gravación deLa ruina, con Ignasi Taltavull e Tomàs Fuentes, un show para escachar de risa no que os cómicos convidan aos espectadores a narrar “as súas ruínas” ou momentos mási vergoñentos. De noite, o Pazo da Ópera acollerá, como é habitual, a gala con maior traxectoria do evento: Humoris Causa, que nesta ocasión reunirá, por primeira vez sobre un escenario, a Sílvia Abril, Leo Harlem, Goyo Jiméneze Luis Piedrahita, director artístico do EMHU.
Finalmente, o EMHU botará o pano da súa cuarta edición o domingo 5 de maio, a partir das 20.00 horas, no Teatro Colón, coa gala final de clausura Fantastic Colofon, que nesta ocasión conducirán Javier Veiga, Xosé A. Touriñán, As R(h)umorosas (Carmen Méndez, Ledicia Sola e Marta Doviro) e David Cepo. Será unha noite ateigada de gags, risas e momentos únicos para gardar na memoria. Durante o desenvolvemento da gala, ademais, entregaranse os Premios EMHU 2024.
ENTRADAS E ABONOS
As entradas e abonos do EMHU 2024 sairán á ventda este venres 22, a partir das 11.00 horas, na web oficial www.ehmu.es e na plataforma en liña www.ataquilla.com. O público poderá adquirir, tal e como é habitual no EMHU, catro tipos de abonos:
Abono ‘Bueno’: Humoris Causa + Mentes peligrosas (60€ + gastos de xestión)
Abono ‘Bueno, bueno’: La capital del pecado 2.0 + Mentes peligrosas + Celebreixon + Go Home (78€ + gastos de xestión)
Abono ‘Bueno, de lo bueno, lo mejor’: Tengo cosas para hacer + La nueva normalidad + La ruina + Humoris Causa + Fantastic Colofon (87€ + gastos de xestión)
Abono ‘Bueno, de lo bueno lo mejor, de lo mejor, lo superior’: La capital del pecado 2.0 + Mentes peligrosas + Celebreixon + Go Home + La nueva normalidad + Esto no es un show + Tengo cosas para hacer + Humoris Causa + La ruina + Fantastic Colofon (162€ + gastos de xestión)
A programación do EMHU completarase con máis espectáculos e diferentes actividades paralelas, dirixidas a todos os públicos, que se darán a coñecer nas vindeiras semanas. Para máis información sobre horarios, artistas ou espectáculos, recoméndase visitar o espazo web oficial www.emhu.es.
AVANCE PROGRAMACIÓN EMHU 2024
26/04, Coliseum | La capital del pecado 2.0, de Juan Dávila. 27/04, Palexco | Mentes peligrosas. Con Ana Morgade, Carolina Iglesias, Eva Hache e Henar Álvarez. 28/04, Teatro Colón | Celebreixon, de Roberto Vilar. 01/05, Teatro Colón | Go Home. Con David Amor e Josito Porto. 02/05, Teatro Colón | Esto no es un show, de Galder Varas. 03/05, Afundación | Tengo cosas para hacer, de Dalia Gutmann. 03/05, Teatro Colón | La nueva normalidad, de Álex Clavero. 04/05, Teatro Colón | La ruina. Con Ignasi Taltavull e Tomàs Fuentes. 04/05, Pazo da Ópera | Humoris Causa. Con Goyo Jiménez, Leo Harlem, Luis Piedrahita e Sílvia Abril. 05/05, Teatro Colón | Fantastic Colofon. Con As R(H)umorosas (Carmen Méndez, Ledicia Sola e Marta Doviro), David Cepo, Javier Veiga e Xosé. A. Touriñán.
O EMHU, o evento humorístico máis relevante de España, ampliará a súa programación no 2024 para ofrecer 11 xornadas continuadas de shows nos que participarán as figuras máis relevantes da escena galega e estatal
Espectáculos únicos, elencos exclusivos e producións propias formarán parte do cartel da cita, que un ano máis conta con Luis Piedrahita como director artístico
O Encontro Mundial de Humorismo celebrará a súa cuarta edición do 25 de abril ao 5 de maio na cidade da Coruña. EMHU, a cita humorística máis relevante de España, reunirá en 2024, durante 11 xornadas, as figuras máis relevantes da comedia galega e estatal. Serán case unha ducia de días nas que o humor, a improvisación e o impredicible derrubarán, coma se dunha máquina de demolición se tratara, a realidade en prol do sorriso, o deleite e a imaxinación. Porque, tal e como sinala Luis Piedrahita, director artístico do EMHU, “o humor destrúe, si, pero sempre para construír”.
O EMHU, impulsado polas produtoras Etiqueta Negra e El Espectador, regresará aos escenarios coruñeses na primavera de 2024 potenciando a súa proposta programática. O evento, que conta co apoio do Concello da Coruña, Xunta de Galicia a través da Axencia Turismo de Galicia e Estrella Galicia, ampliará a súa duración, que pasará a ofrecer un total de 11 xornadas continuadas de humor en maiúsculas, repletas dos shows máis seguidos do momento, producións propias e espectáculos únicos, que contarán cos principais nomes da comedia galega e nacional. Entre as sesións exclusivas que se poderán ver na Coruña, están galas como Fantastic Colofon ou Humoris Causa, citas nas que o EMHU reúne un elenco de grandes figuras que se atopan por primeira vez nun mesmo escenario e nas que o público esgota rapidamente todos os billetes.
O humor regresará á cidade da Coruña como unha máquina de demolición, protagonista do cartel desta cuarta edición, creado polo deseñador gráfico e ilustrador Riki Blanco, que coroa unha bóla de derriba flotante que esboza un sorriso. Tal e como explica Luis Piedrahita, “o humor é unha deconstrucción construtiva que traballa demolendo pensamentos anquilosados, gravidades impostadas e outros ‘blablabás’ para despois rearmar o quebracabezas dos seus anaquiños”. “O humor aborrece o solemne, o pesado e, sobre todo, aos pesados. Cando alguén cos pés no chan ameaza con restrinxir o espazo aéreo das cabezas, o humor torpedéao sen piedade e reconstrúeo de novo, poñéndolle os pés nas nubes e a cabeza na lúa. O humor destrúe, pero sempre para construír”, sinala o director artístico do EMHU.
“O humor é unha detonación controlada. Ao desorganizar a lóxica da realidade, formamos novas e impredicibles estruturas mentais. Logo da devandita demolición, xorden novas arquitecturas para o deleite dos sentidos e da intelixencia”, asevera Riki Blanco, responsable da imaxe gráfica do EMHU xunto coa deseñadora lucense Rebeca Losada. “O humor non é un acto destrutivo, todo o contrario: derruba fugazmente a realidade para construír unha nova versión, debedora da orixinal. Non se esquece dela, xa que sen esa referencia non funcionaría”, engade Blanco.
EMHU
O Encontro Mundial de Humorismo é a cita coa comedia máis relevante e multitudinaria de España. Figuras como Andreu Buenafuente, Sílvia Abril, Leo Harlem, Eva Hache, Javier Cansado, Carolina Iglesias, Ignatius Farray, Ana Morgade, Dani Rovira, Juan Dávila, Eva Soriano, Javier del Pino, Javier Veiga, Oswaldo Digón ou Xosé A. Touriñán, entre outras moitas, formaron parte do cartel nas súas tres primeiras edicións, nas que o público puido gozar de espectáculos como Estirando el chicle, Buenismo Show, Saldremos mejores, La ruina ou La vida moderna.
O EMHU dará a coñecer proximamente os nomes que conformarán o cartel da súa cuarta edición. A programación troncal de espectáculos do EMHU completarase con diferentes actividades paralelas, dirixidas a todos os públicos, que se desenvolverán en distintos recintos culturais da cidade da Coruña.
