O venres 25 de outubro, Gala dos Premios Mestras e Mestres da Memoria 2019, no Centro Cultural Vello Cárcere da cidade de Lugo (Av. Alcalde Anxo López Pérez, 34 –como chegar) ás 19.00. Nesta sétima edición dos “Premios Mestra e Mestre da Memoria” (cuarta edición da Gala) Dorothé Schubarth e a Pablo Quintana recibirán os diplomas que os acreditan como Mestra e Mestre da Memoria, previa lectura das laudatios correspondentes a cada unha/un delas/es, a cargo respectivamente de Antón Santamarina e Xosé Luís Freire.
Ás 11.30, un novo Paseo pola Pontevedra Literaria, neste caso a cargo de Elena Gallego Abad, con título Pontevedra Dragaliana. Dragóns e recunchos máxicos na Pontevedra vella. Para se inscribir é necesario enviar a solicitude a pontevedraliteraria@gmail.com. A inscrición farase por orde de chegada ao correo electrónico. Prazas limitadas: 50 persoas.
Ás 12.00 comezan os Paseos pola Coruña Literaria Outono 2019, coa proposta A Coruña: cartografía con puntos de fuga a cargo de Dores Tembrás. A inscrición pódese facer en Normalización Lingüística, no Centro Ágora, chamando ao 981 184 200 ext. 34322 (a partir das 9:00 h, en calquera dos casos) e no correo lingua@coruna.es. Adiantámosche que o luns 28 abrirá o prazo de inscrición no segundo dos paseos, o proposto por Tito Pérez, Un paseo polo barrio.
1. Para o profesorado do ensino non universitario e futuros/as ensinantes do ensino non universitario, a matrícula, gratuíta, farase desde o 3 de outubro até o 24 de outubro a través da web da Asociación Sócio-Pedagóxica Galega.
2. Para as persoas que non estean nesas circunstancias ou que non lles interese o certificado homologado, deberán incribirse dirixíndose á secretaría técnica da AELG desde o 3 de outubro até o 24 de outubro a través do correo oficina@aelg.org ou o teléfono 981 133 233 (de luns a venres, en horario de 9.00 a 14.30), e a Asociación de Escritoras e Escritores emitiralles un diploma acreditativo de asistencia.
*Información achegada desde a Secretaría Técnica da AELG.
Hoxe, luns 30 de setembro, comeza Con barqueira e remador. VIII Obradoiro Internacional de Tradución Poética, que conta coa colaboración da AELG no acto que se celebra o vindeiro mércores día 2 ás 20.00 na Casa das Campás: trátase dun recital multilingüe mostra tanto do traballo poético das/os autoras/es participantes como do labor de tradución (ao galego) desenvolto durante o proxecto.
Do 1 ao 6 de outubro
terá lugar a Feira Internacional del Libro del Eje Cafetero na cidade de
Pereira (Colombia), unha iniciativa de varias institucións culturais
e empresariais do Departamento de Caldas, á que foi convidado Cesáreo
Sánchez Iglesias en calidade de presidente da AELG, quen desenvolverá un
programa de actividades destinado a difundir a literatura galega.
A actividade terá lugar o sábado 29 de xuño, na Coruña. A partir das 11:30 horas desenvolverase o programa de actos previsto, que se achega en arquivo anexo.
Como é habitual, remataremos a homenaxe cun xantar de confraternidade que celebraremos no restaurante Domus (Rúa Ángel Rebollo, 91, A Coruña –como chegar-), e cuxo prezo por persoa é de 37€, que se pagará no propio restaurante nunha mesa que habilitaremos ao efecto. As prazas no restaurante son limitadas: agradecemos que fagas a túa reserva canto antes. De estardes interesados/as en asistir ao xantar confirmádenolo chamando até o martes, terza feira, 25 de xuño -inclusive- ao teléfono:
A Sección de literatura de tradición oral da AELG propón visitar o Concello das Pontes para asistir a esta Polafía. O que suceda nesta Polafía, como xa sucedeu en todas as anteriores, gravarase para incorporar ao arquivo oral da web AELG.
Contaremos con actuacións musicais e as intervencións de:
Ovidio García Pazos, Xosé López Soto, Antonio Lourenzo Cabarcos (Toñito de Ferpu), Maruja López Rivera (Maruja da Ibérica), José López Martínez (Pepe de Rosalía), Esperanza Piñeiro de San Miguel, Nieves Montero Corral, Juan Eladio Pico Romero (Eladio O Cego), Jesús Prieto (Suso do Aparral), Sara Ramil, Elisa Romero Ferreiro, Isidro Novo, Lois Pérez e… un mundo de xente.
Este acto, coorganizado pola Sección de Literatura de Tradición Oral da AELG e a Asociación de Estudos Históricos e Sociais Hume, conta co apoio da Deputación da Coruña, a Consellaría de Cultura e Centro Español de Derechos Reprográficos (CEDRO) e coa colaboración do Concello das Pontes.
