Estas son as actividades que propón a AELG durante a semana do 4/11 ao 10/11:
- O xoves 7 de novembro terá lugar a primeira das sesións das II Xornadas de Literatura Infantil e Xuvenil e animación á lectura: Contos e cantos de Tradición Oral, coa intervención Reinventando a tradición oral a cargo de Paula Carballeira. Será ás 16.30 no salón de actos da Facultade de Ciencias da Educación da UDC.
- O venres 8 celebrarase en Vigo a cuarta sesión fotográfica e videográfica a Socios/a. Os contidos obtidos servirán para manter actualizado o Centro de Documentación de Escritoras-es da web da AELG.
- Ás 12.00 do sábado 9, unha nova sesión dos Paseos pola Coruña Literaria Outono 2019, o proposto por Tito Pérez: Un paseo polo barrio. A inscrición pódese facer en Normalización Lingüística, no Centro Ágora, chamando ao 981 184 200 ext. 34322 (a partir das 9:00 h, en calquera dos casos) e no correo lingua@coruna.es.
Informamos de que xa está aberto o prazo de inscrición da IV Xornada da Sección de Literatura Dramática. Cartografías da palabra en acción, a celebrar na Coruña o 23 de novembro, sábado. Tamén de que seguen en desenvolvemento tres obradoiros de creación literaria da Escola de Escritoras-es da AELG, en San Sadurniño, Rianxo e Pontevedra.
*Información facilitada desde a Secretaría Técnica da AELG.