O martes 4 de agosto terá lugar a apertura da Exposición BO CAMIÑO 2020 na Capela da Madanela en Arzúa.
Un ano máis, e xa van catro, despois do éxito das edicións anteriores, unha vintena de artistas profesionais galegos expoñen obras nas que o Camiño de Santiago é o protagonista: Óscar Aldonza, Isabel Alonso, Abel Barandela, Carlos Barcón, Violeta Bernardo, Tino Canicoba, Corín Cervera, Luis de las Cuevas, Margot Liñera, Lomarti, Marcos López, Miguel Anxo Macía, Adolfina Mesa, Novais, Otero Yglesias, Marta Pardo de Vera, Baldo Ramos, Manolo Rivera, Peña Romay, Xesús Méndez, Rebeca Novo, Antón Sobral, Mila Vázquez, Veiras Manteiga e Xoán Vila.
Dita exposición estará baixo a coordinación e comisariado de Cristina Carballedo Penelas, coordinadora de exposicions e de proxectos culturais.
Como cada ano, máis de 20 artistas profesionais presentan obras orixinais en distintas disciplinas, para colaborar coa asociación A CREBA: Óscar Aldonza, Maica Alonso, Carlos Barcón, Tino Canicoba, Corín Cervera, Luis de las Cuevas, Rosa Guisán, Pedro Gª Losada, Lomarti, Miguel Anxo Macía, Adolfina Mesa, Novais, Adrián Pandolfo, Baldo Ramos, Manolo Rivera, Peña Romay, Antón Sobral, Enrique Tenreiro, Veiras Manteiga, Xesús Méndez, Laureano Vidal, Xoán Vila.
O 40 por cen das ventas ira destinada a esta asociación.
Dita exposición será coordinada e comisariada por Cristina Carballedo Penelas, Coordinadora de exposicións e proxectos culturais.
O venres 28 de febreiro, ás 20:00 horas, no Salón de Actos da Deputacíon de Lugo, celebrarase un acto poético musical, no que as voces de Xosé Otero Canto, Adela Figueroa, Ana Mar Fraga Rábade, Ana Gamallo, Fernando García, Ánxela Gracián, Chelo Gayoso, Paco Ledo, Dulce María López, Emilia Martínez Fuentes, Martiño Maseda, Adolfina Mesa, Toño Núñez, Conchita Paz, Luisa Paz, Xosé Pedreira, Ana Rey, Isabel Rodríguez, Xosé Carlos Ulloa e Branca Villar porán corpo poético aos versos de “Follas Novas”, “Cantares Galegos” e demais obras da escritora homenaxeada, ou aos de propia autoría sobre temáticas abordadas por Rosalía de Castro. A cantautora Paloma Suanzes acompañará o acto con varias pezas musicais. O evento estará conducido por Montse González Álvarez.
Este sábado 25 de xaneiro, a partir das 17 horas, no salón de actos do Centro Cultural José Domínguez Guizán tivo lugar a entrega de premios dos distintos certames que se convocaron na XLVIII Edición do Nadal en Begonte (Poesía, Arte e Periodismo para adultos e de Debuxo para nenos).
Nun local case repleto de público, e ante a presenza de autoridades coma a Responsable de Cultura e Turismo da Xunta de Galicia en Lugo, María José Gómez ou o alcalde de Begonte, José Ulla Rocha, e representantes do Belén begontino e persoas integrantes dos xurados de cada modalidade, as persoas premiadas foron recibindo os seus galardóns, segundo os ía nomeando o incansable mestre de cerimonias, Xulio Xiz.
Así, a artista Adolfina Mesa recolleu o premio ao resultar gañadora do XXX Certame Galego de Arte José Domínguez Guizán contra a Violencia Sexual, coa súa obra Amor Mortal. Tamén o poeta Xosé Otero Canto estivo presente para recibir o galardón como gañador do XLIV Certame Nacional de Poesía Sobre o Nadal coa obra Xesús e a Crónica de Beria. Pola súa banda, no XLIV Certame Xornalístico Begonte e o Nadal, Pepe Pol recolleu o primeiro premio polo artigo Carta a los Reyes Magos y su respuesta, publicado en Galicia Digital, mentres que Beatriz Valcárcel recibiu o segundo premio polo artigo La historia real de un belén viviente, tamén publicado en Galicia Digital. E non podemos esquecer as nenas e os nenos que acudiron recoller cadanseus galardóns coma premiados no XLIV Certame de Debuxo Infantil sobre O Nadal.
O acto, ademais de servir como clausura das actividades na presente edición do Belén de Begonte, que vai camiño do médio século, tamén nos amosou a actuación do cuarteto de saxofón da Agrupación das Escolas Municipais de Música de Begonte, Rábade e Outeiro de Rei, xestionadas pola Asociación Músico Crisanto.
Véxase a continuación unha galería fotográfica que recolle distintos momentos da citada entrega de premios.
A obra “Amor mortal”, da artista e poeta Adolfina Mesa, resultou gañadora na 30ª Edición do Certame Galego de Arte “José Domínguez Guizán” contra a violencia sexual, do Belén de Begonte, fallado esta tarde en Lugo.
O fallo produciuse este xoves, 2 de xaneiro, no transcurso da inauguración da exposición das obras presentadas a dito Certame de Arte na sala expositiva do Edificio Administrativo da Xunta de Galicia en Lugo. A mostra coas obras participantes poderá visitarse ata o 11 de xaneiro. Despois será trasladada á Casa da Cultura de Begonte.
A artista Adolfina Mesa amosou a súa inmensa alegría ao saberse gañadora de tal Certame de Arte, non só por ser a primeira vez que se presentaba ao mesmo, senón tamén pola temática da loita contra a violencia sexual, tratada nesta trixésima edición dun Certame que enriquece o amplo abano de actividades vinculadas ao Belén de Begonte, declarado de Interese Turístico Galego.
O premio está dotado cun 1.500 euros e estatuíña de Sargadelos. Ademais esta obra gañadora, Amor mortal, será utilizada polo Concello de Begonte como imaxe nos materiais de sensibilización e divulgación contra a lacra da violencia sexual.
Tamén recibiu unha mención de honra a obra “Visibles e Invisibles”, do artista vilalbés Eduardo Baamonde, afincado en Vilagarcía de Arousa.
Velaquí unha galería gráfica da inauguración pictórica no Edificio Administrativo da Xunta de Galicia en Lugo.
*As imaxes son tomadas da Área de Cultura da Xunta de Galicia en Lugo.
