IEU.- Flora da Ulloa: Excursión botánica á Serra de Ligonde

Para este próximo domingo 1 de setembro, mesmo para quen conte estar con folgos despois do Agrucuir, teremos a 15ª excursión de Flora da Ulloa pola serra e arredores de Ligonde, até meiodía. Procuraremos especies que florecen nesta época, como a Scilla autumnalis que ilustra o cartel anexo, ao tempo que exploraremos varios hábitats dese territorio altoulloán, rexistrando o resto de plantas que se detecten.

*Información remitida desde o IEU.

IEU: Convite a Actividades Culturais

Información para convidar aos socios do IEU a participar nas seguintes actividades que se desenvolverán na Ulloa os próximos días:


—O venres 30 de agosto o grupo senderista Érbedo organiza unha RUTA NOCTURNA POR AMARANTE E MONTE FARELO. A saída é as 21,30 h. no castelo de Castro de Amarante. Son 13,4 Km de dificultade media. Para anotarse ou máis información en:

http://erbedo1.blogspot.com/

—O venres 30 e sábado 31 de agosto celébrase en Monterroso o VI FESTIVAL AGROCUIR DA ULLOA con concertos, espectáculos e obradoiros en diferentes espazos da vila. Máis información en: 

https://festivalagrocuir.wordpress.com/


—Do 27 de agosto ao 7 de setembro celébrase en Palas de Rei a XX MOSTRA INTERNACIONAL DE TEATRO. Teatro no Camiño de Santiago. Máis información en:

http://teatrometatese.blogspot.com/

—O venres 6 e o sábado 7 de setembro celebrarase en Santiago de Albá (Palas de Rei) o VIII festival SON D´ALDEA, con novos roteiros teatrais e escenarios de gran valor paisaxístico e patrimonial. Lembrade que no festival do ano pasado o IEU recibiu o Premio Son d´aldea 2018. Para anotarse ou máis información en:

http://sondaldea.es/

*Información facilitada desde a directiva do IEU.

I Festival Cultural POZOMOURO

Tras unha frutífera reunión entre a rapazada de Muimenta e arredores xunto coa Asociación Cultural Aquilino Iglesia Alvariño, xurdíu o I Festival Cultural “Pozomouro”. O acontecemento terá lugar na área recreativa “Ribas do Miño”, o vindeiro sábado 31 de agosto. Comezará ás 13:30 h coa sesión vermú que se prolongará ata o xantar. Posteriormente, dende as 16:00 h  ata as 20:00 h desenvolveranse numerosos obradoiros nos que os asistentes poderán participar e obter as súas propias elaboracións. Ademais venderanse rifas con premios dunha tómbola de antigüidades para todos os que as adquiran.

Ás 19:00 h dará comezo un coloquio feminista a cargo de Antía Yáñez, Miriam Beizana e Maite Mosconi. A partir das 20:00 h comezará o “Contrarecital Disco Hermo” de Lois Pérez, que nos acompañará ben seguro para animar a tarde. Poñerán punto e final á tarde un recital poético protagonizado por Tamara Labrada, Beatriz Dourado e Martiño Maseda, acompañado polo músico Luís Teixeiro.

A programación nocturna comezará ás 23:00 h e estará animada polos concertos de Germán Díaz, Los Tres en un Piso, Sócratas e Um Sincero. Poñerase punto e final ao festival cunha Foliada Aberta na que se convida aos asistentes a traer os seus instrumentos e unirse á festa.

Dende a organización agradecemos a vosa asistencia e agardamos que desfrutedes dunha xornada que marcara un fito na historia cultural do noso municipio.

*Información facilitada pola organización do POZOMOURO.

VI Roteiro AVELINO DÍAZ

En Meira, o domingo 1 de setembro, terá lugar unha nova edición do Roteiro Avelino Díaz, que chega á súa sexta edición. Nesta ocasión, o sentido da marcha será A Órrea – Meira.

Como complemento á ruta, haberá diferentes actuacións musicais, que se celebrarán a partir das 13.00 horas.

A hora de partida está prevista para as 10.30 horas diante da casa natal do poeta no lugar da Travesa, na parroquia da Órrea.

Quen desexe asistir ao xantar deberá anotarse antes do día 29 de agosto. Este xantar, concretado para as 14.30 horas no pavillón municipal meirego, consistirá nun menú con empanadilla, ensaladilla, codillo de cocho, sobremesa, café, pan, viño e auga, por un prezo de 15 euros para adultos e 10 para nenos.

IESCHA.- II Mostra Interactiva de Xogos Populares, con XOTRAMU

Velaí cartaz e nota informativa da II Mostra Interactiva de Xogos Populares, a cargo de XOTRAMU de Muimenta, organizada polo IESCHA, en colaboración co Concello de Vilalba, e que terá lugar o sábado, 24 de agosto de 2019, ás 18:00 horas, no Campo de Fútbol por riba das pistas de tenis de A Madelena, coincidindo coa Xira do San Ramón’2019.

*Información achegada polo IESCHA.