por martinho | Oct 11, 2018 | Autores/as, Novas, Xeral
O sábado, 20 de outubro, ás 20 hrs teremos na Casa-Museo un concerto
acústico de CUARTA XUSTA, grupo de rock melidense, formado en 2016, e
que ten por lema musical “Berrar con música as inxustizas que nos
rodean”. “Un novo espertar” é o título do seu primeiro traballo
discográfico composto por temas de contido social e reivindicativo, nel
colaboraron varios artistas da escena musical galega como Vituco Neira e
Miguel Duarte de Ruxe-Ruxe, Bocixa de Zënzar, Jasper de Nao ou Javi
Maneiro de Herdeiros da Crus.
As persoas interesadas podedes reservar billete (5 euros) en
contacto@casamuseomanuelmaria.gal
Aquí queda un adianto do que poderemos desfrutar o sábado 20 no
auditorio da Casa-Museo https://www.youtube.com/watch?v=EIguxkNLkpY
*Información facilitada pola Casa Museo Manuel María
por martinho | Oct 11, 2018 | Autores/as, Novas, Xeral
Enviamos cartaz e nota informativa da 2ª Función dos III Sábados de Teatro coa posta en escea da obra HOTEL DESENCANTO a cargo do grupo HIPÓCRITA TEATRO e que terá lugar o vindeiro sábado, 13 de outubro, ás 20:30 horas, no Auditorio Municipal de Vilalba.
A función conta coa colaboración da Área de Cultura da Deputación de Lugo, dentro do Programa Buxiganga’2018.
*Información facilitada polo IESCHA
por martinho | Oct 11, 2018 | Autores/as, Literaria, Novas, Xeral
O vindeiro día 3 de Novembro, no local social da Asociación Gastronómica e Cultural LAR DE UNTA de Betanzos, terá lugar a presentación do poemario dixital PURA VIDA, de María Pereira (Oslita), adicado a Sila de Luz, a rapaza de Coirós finada hai poucas semanas prematuramente por mor dun cancro e amiga da autora.
O acto, organizado por CulturaliaGZ, NPG Nova Poesía Guitirica (grupo do que forma parte María Pereira) e a Vocalía de Cultura do Lar de Unta, dará comenzo ás 18:00 horas e contará coa propia autora, diversos poetas, música e amizades e familia de Sila de Luz.
O poemario está prologado polo poeta vilalbés Martiño Maseda e editado polo soporte dixital CulturaliaGZ dentro das publicacións literarias Estraperlo Culturalia e poderase descargar gratuitamente en PDF unha semana antes do acto. Con posterioridade poderase descargar tamén no portal Galícia Digital.
María Pereira, natural de Betanzos, é documentalista, voceira dos Mariñeiros galegos en Noruega que reivindican os seus 
dereitos e directiva da Asociación Lar de Unta.
Ten participado en diversos recitais poéticos co grupo NPG Nova Poesía Guitirica e publicado poemas en diversas publicacións colectivas, tanto en papel como dixitais.
Este acto forma parte do programa de novidades #DoTrinque que desenvolven conxuntamente CulturaliaGZ, NPG e a Asociación Sociocultural Lareira de soños dos Vilares, e no que se presentan novidades literarias, musicais e artisticas.
Este é o segundo evento, o primeiro foi a presentación do disco “A Victoria da luz” de Xardín Desordenado na Escola Habaneira de Guitiriz o pasado 5 de Outubro.
O acto é aberto ao público.
María Pereira: +34674586147
maría.isabel.pereira.varela@gmail.com
https://www.facebook.com/events/533059117107263/?ti=cl
Os Vilares, lareira de soños
dosvilares@gmail.com
+34 662 183 149
www.facebook.com/osvilares
