por martinho | Nov 27, 2018 | Autores/as, Novas, Xeral
Ballet “SHEREZADE” e “CHOPINIANA” coa orquestra “Real Kyiv Filarmonica Orquesta”.
O domingo 30 de decembro, o auditorio Carmen Etévez de Vilalba acollerá o Ballet “Sherezade” e “Chopiana” co acompañamento da Orquestra Real Kyiv Filarmonica Orquesta”.
Lugar: Auditorio Municipal Carmen Estévez
Data: Domingo, 30 de decembro de 2018
Hora: 20.30 horas
Entrada anticipada adultos: 13€- Taquilla _15€
Entrada anticipada nenos: 8€- Taquilla _10€ ( ata 14 anos inclusive)
Evento con butacas numeradas.
As entradas xa a venda en Ataquilla.com ou na casa da Cultura.
*Información achegada desde a área de Cultura do Concello de Vilalba.
por martinho | Nov 27, 2018 | Autores/as, Novas, Xeral
A Orquestra Sinfónica de Galicia visitará o auditorio Carmen Estévez o venres 30 de novembro ás 20:30h, concerto que contará con José Trigueros como director.
Programa do concerto:
I
WOLFGANG AMADEUS MOZART (1756-1791)
Sinfonía nº 40, en sol menor, KV 550
Molto allegro
Andante
Menuetto. Allegretoo
Allegro assai
II
LUDWIG VAN BEETHOVEN (1770-1827)
Sinfonía nº 7, en la mayor, op. 92
Poco sostenuto
Allegretto
Presto
Allegro con brio
Lugar: Auditorio Municipal Carmen Estévez
Data: venres, 30 de novembro de 2018
Hora: 20.30 horas
Entrada anticipada: 10€- Taquilla _12€
Evento con butacas numeradas
*Información facilitada pola áreda de Cultura do Concello de Vilalba.
por martinho | Nov 27, 2018 | Autores/as, Novas, Xeral
Este sábado na Casa-Museo Manuel María programamos, para as 18 hrs, a obra de monicreques “A familia unida”, que levará a cabo Títeres Mircromina. A peza, de 50 minutos de duración, é un clásico de luva libre e desenfadada, chea de ritmos, xogos e cachiporra, que se mira na tradición Pulcinela, Bululú e Punch.
A sipnose da obra é a seguinte: André, o presidente, propietario e presentador do espectáculo busca empregado. A quen non lle interesa un bo traballo , unha colocación de por vida para un emprendedor coas mellores condicións de traballo posíbeis? Cromina, despois de ser pai, enfronta a súa natureza casual e festeira á responsabilidade e seriedade das circunstancias a través de clásicos como a autoridade, a paternidade, o dragón e até enfrontarse á propia morte.
A obra programada encádrase dentro do programa de teatro profesional PROSCENIO que impulsa a área de Cultura da Deputación de Lugo para contribuír á difusión do teatro na súa vertente profesional en entidades municipais e culturais da provincia, así como potenciar a actividade cultural.
A entrada é libre (para todos os públicos a partir dos 4 anos) até encher o aforo mais as persoas interesadas en asistiren deben facer a reserva previamente en contacto@casamuseomanuelmaria.gal ou chamando ao teléfono 698177621.
por martinho | Nov 27, 2018 | Autores/as, Novas, Xeral
Xa está aquí unha nova edición das Foliadas de Outono de Castiñeiro Milenario.
Comezaremos a xornada foliadeira cun tempo adicado á aprendizaxe da música tradicional. Nesta ocasión propoñemos un obradoiro de bombo que impartirá Miguel Anxo López “Chino”, recoñecido percusionista na escena da música tradicional. O obradoiro empezará ás 19:30 e terá unha duración aproximada de 90 minutos. Para @s asociad@s de Castiñeiro Milenario será de balde e un custe de 10€ para os non asociad@s. É preciso apuntarse se queres asistir e podes facelo enviando un correo a castineiromilenario@hotmail.com ou chamando ao 616705174.
Despois do tempo de formación, comezará a foliada propiamente dita a partir das 21:30, aproximadamente. Nesta ocasión estamos especialmente orgullosos da presenza dos dous primeiros grupos: Os Miñocas e os Airiños da Terra Chá, pois moitos dos seus integrantes teñen unha estreita relación coa nosa asociación. Así que abrirán a foliada, dirixidos polo gran Brais Monxardín, os nenos e nenas do grupo de música tradicional da escola de Rábade, Begonte e Outeiro de Rei, que viñeron a chamarse Os Miñocas e despois collerán o testemuño o grupo de veteran@s da mesma escola, Os Airiños da Terra Chá; para rematar por todo o alto, os marabillosos cantareiros de Trevellos que porán peche á foliada oficial. Ao remate da súa intervención, comezará a foliada aberta.
Como sempre, agradecer aos grupos que participan na foliada a súa presenza, a Miguel Anxo polas facilidades postas para desenvolver o obradoiro, a Brais Monxardín polo seu empeño para que a escola de Rábade, Begonte e Outeiro de Rei estivera nesta foliada e, por último, á Asociación Veciñal do Castro por deixarnos empregar ás súas instalacións da Casa do Pobo.
Toda a info en https://castinheiromilenario.wordpress.com/2018/11/21/foliada-de-outono-2018/
Adxuntamos o cartaz da foliada.
AC Castiñeiro Milenario
Pacios, 85 27373 Begonte
http://castinheiromilenario.wordpress.com
https://gl-es.facebook.com/castineiro.milenario
https://twitter.com/CastinheiroMile
https://www.flickr.com/photos/castinheiromilenario/
http://festival27373.wordpress.com/
por martinho | Nov 27, 2018 | Autores/as, Novas, Xeral
Velaí o cartaz, tríptico1, tríptico 2 e nota informando da exposición O MEU MUNDO, óleos de CARLOS MARTÍNEZ, que organiza o IESCHA, coa colaboración do Concello de Vilalba.
O acto de inauguración terá lugar o vindeiro xoves, 29 de novembro, ás 20:30 horas, na Sala de Exposicións do Auditorio Municipal de Vilalba.
*Información achegada polo IESCHA.