O auditorio da Sede Afundación acollerá a partir das 12.30h a mesa redonda de acceso libre ‘O negocio do humor’, na que participarán Álex Clavero, Juan Herrera, Raquel Martos e o propio director artístico do EMHU, Luis Piedrahita
O Encontro Mundial de Humorismo afronta a derradeira fin de semana da súa cuarta edición na Coruña con algúns dos pratos fortes do seu cartel deste 2024. É o caso de La ruina, o show de Tomás Fuentes e Ignasi Taltavull baseado no podcast hómonimo e que regresa ao EMHU cunha dobre sesión no Teatro Colón. As citas serán ás 12.30 e ás 18.00 horas e as entradas para ambos pases están esgotados desde hai semanas. Como é habitual na propsota, cada sesión precisará da colaboración activa do público, ademais das dúas figuras convidadas que participarán contando as súas “ruinas”, e quen as e os asistentes só descubrirán unha vez comece o espectáculo.
Por otra banda, o Pazo da Ópera acollerá este sábado, 4 de maio, unha dobre sesión do espectáculo Humoris Causa, ás 19.00 e 22.00 horas. Neste 2024, a produción propia do EMHU volverá xuntar, por primeira vez sobre un escenario, a catro dos mellores humoristas do país para facernos sorrir coma nunca. Nesta ocasión, a cita contará co imcomparable inxenio de Sílvia Abril, Leo Harlem, Goyo Jiménez e Luis Piedrahita, director artístico do EMHU.
Antes, na mañá do sábado, ás 12.30h, o debate estará servido no Auditorio da Sede Afundación, coa mesa redonda O negocio do humor, unha proposta de entrada libre na que participarán Álex Clavero, Juan Herrera, Raquel Martos e Luis Piedrahita. Cuestións como se o humor é un bo negocio, ou se é posible vivir del, serán o fío condutor para esta charla guiada polos protagonistas de algúns dos proxectos máis exitosos e creativos da radio, a televisión e o teatro do noso país.
A mesa O negocio do humor é unha das actividades paralelas que, no marco do EMHU, forman parte da campaña Cultura por Alimentos, impulsada por Afundación (Obra Social ABANCA) e na que se convida ao público a trocar a súa “entrada libre” ao auditorio por produtos non perecedoiros que, posteriormente, distribuirá o Banco de Alimentos Rías Altas.
Peche o domingo 5
O Encontro Mundial de Humorismo botará o pano da súa cuarta edición o domingo 5 de maio. Pola mañá, a partir das 12.30 horas, o Teatro Colón acollerá a gravación do podcast El sentido de la birra, no que Ricardo Moya entrevistará a Antonio Resines. Non quedan convites dispoñibles para a cita, incluída na programación de actividades paralelas do EMHU.
Xa pola tarde, a partir das 20.00 horas no mesmo recinto, terá lugar a gala final de clausura Fantastic Colofon, que nesta ocasión conducirán Javier Veiga, Xosé A. Touriñán, As R(h)umorosas (Carmen Méndez, Ledicia Sola e Marta Doviro) e David Cepo. Será unha noite ateigada de gags, risas e momentos únicos para gardar na memoria. Durante o desenvolvemento da gala, ademais, entregaranse os Premios EMHU 2024 a Antonio Resines, Goyo Jiménez e Xosé Ramón Gayoso.
AXENDA EMHU 2024 – SÁBADO 4 DE MAIO
O NEGOCIO DO HUMOR
Sábado 4 de maio, ás 12.30 horas, na Sede Afundación (entrada libre)
É o humor un bo negocio? Pódese vivir diso? Canto diñeiro ten Broncano no banco? Todas estas preguntas -e outras moitas- NON se responderán na mesa coloquio que presentan Álex Clavero, Raquel Martos, Juan Herrera e Luis Piedrahita. Os catro dedicaron a súa vida ao turbio negocio do humor, protagonizando algúns dos proxectos máis exitosos e creativos da radio, a televisión e o teatro. Na conversa O negocio do humor descubrirannos as súas experiencias, os seus éxitos e, sobre todo, os seus fracasos. O humor para eles é unha forma de vida, pero, tamén, unha actitude ante a mesma.
Álex Clavero dedícase a contar historias dende a verdade -aínda que igual é esaxerar-. Diante do micrófono ten o humor xestual, a simpatía, o ilóxico e o ritmo como ingredientes fundamentais. É o El Francotirarock no programa de El pirata y su banda, de RockFM. Foi guionista en programas de televisión como El Hormiguero e colaborador en espazos como Lo mejor que te puede pasar, de Nuria Roca.
Juan Herrera é unha auténtica eminencia no mundo da radio e a televisión. É un dos piares fundamentais do entretemento tal e como o coñecemos: foi o creador de xoias como Humor Amarillo ou o Gran Prix, un dos guionistas do primeiro Club de la Comedia, e peza crave no nacemento de El Hormiguero. E isto é só a punta do iceberg.
Luis Piedrahita é humorista, escritor, ilusionista, presentador e director de cine. É colaborador e guionista do programa de entretenimiento máis exitoso da televisión: El Hormiguero 3.0. Tamén colabora habitualmente en La Ventana, na Cadena Ser. É autor de sete best sellers de humor, entre eles Cambiando muy poco algo pasa de estar bien escrito a estar mal escroto e A mí este siglo se me está haciendo largo.
Raquel Martos, xornalista, guionista e escritora que desenvolveu case toda a súa carreira no mundo audiovisual. Traballou en radio e televisión con figuras como Pablo Motos, Luis del Olmo, Carlos Alsina ou Julia Otero, entre moitos outros. Na súa extensa traxectoria pasou por medios como Onda Cero, M80, SER, Antena 3, Movistar Plus+ ou a televisión pública (La 1, La 2).
LA RUINA
Sábado 4 de maio, ás 12.30 e 18.00 horas, no Teatro Colón (entradas esgotadas)
La ruina é un show conducido por Ignasi Taltavull e Tomàs Fuentes no que tanto asistentes como invitados especiais comparten en público a súa anécdota máis embarazosa: aquela vez que a súa parella rompeu por WhatsApp, cando se durmiron nunha reunión importante, un malentendido cun taxista… A típica anécdota que, obviamente, sempre é ben recibida nunha cea! Cun invitado especial que compartirá as súas miserias -que será diferente en cada un dos pases programados este sábado, 4 de maio, na Coruña-, La ruina promete ser, de novo, un dos momentos máis inesquecibles do EMHU.
HUMORIS CAUSA
Sábado 4 de maio, ás 9.00 e 22.00 horas, no Palacio da Ópera (entradas esgotadas)
A gala con máis percorrido do EMHU regresa un ano máis para que as figuras da comedia máis destacadas do panorama nacional dean boa conta do seu inxenio. Humoris Causa é un espectáculo sen precedentes, que é, á súa vez, o precedente de propostas como Mentes peligrosas. Neste 2024, volverá xuntar, por primeira vez sobre un escenario, a catro dos mellores humoristas do país para facernos sorrir coma nunca. Nesta edición a cita ineludible do EMHU contará con Sílvia Abril, Leo Harlem, Goyo Jiménez e Luis Piedrahita.
Os espectáculos La capital del pecado 2.0, Mentes peligrosas, Esto no es un show, La ruina, Celebreixon, La nueva normalidad, Go Home e Tengo cosas para hacer formarán parte dunha programación que coroarán as galas Humoris Causa e Fantastic Colofon
Sílvia Abril, Leo Harlem, Goyo Jiménez e Luis Piedrahita conformarán o elenco que participe en Humoris Causa o 4 de maio no Pazo da Ópera; mentres que Javier Veiga, David Cepo, Xosé A. Touriñán e As R(h)umorosas serán os responsables de clausurar o EMHU o 5 de maio con Fantastic Colofon no Teatro Colón
As entradas e abonos da cuarta edición do EMHU poderanse adquirir desde este venres 22, a partir das 11.00 horas, en www.emhu.es e na plataforma en liña www.ataquilla.com
O Encontro Mundial de Humorismo avanza este mércores a programación troncal da súa agardada cuarta edición, que se celebrará na Coruña do 25 de abril ao 5de maio de 2024. Álex Clavero, Ana Morgade, Carolina Iglesias, Dalia Gutmann, David Amor, David Cepo, Eva Hache, Galder Varas, Goyo Jiménez, Henar Álvarez, Ignasi Taltavull, Javier Veiga, Juan Dávila, Leo Harlem, Luis Piedrahita, Roberto Vilar, Sílvia Abril, Tomàs Fuentes, Xosé A. Touriñán e As R(h)umorosas (Carmen Méndez, Ledicia Sola e Marta Doviro) son os primeiros nomes que se dan a coñecer do cartel do EMHU 2024, cuxas entradas sairán á venda este venres, 22 de decembro, a partir das 11.00 horas, na páxina web oficial www.ehmu.es e na plataforma en liña www.ataquilla.com.
O EMHU, a cita humorística máis relevante de España polo seu número de actividades e público (máis de 15.000 espectadores no 2023), está impulsado polas produtoras Etiqueta Negra e El Espectador, e conta co apoio de Estrella Galicia, Concello da Coruña e Xunta de Galicia a través da Axencia Turismo de Galicia. O Encontro Mundial de Humorismo reunirá no 2024, durante 11 xornadas, as figuras máis destacadas da comedia galega e estatal. Serán casi unha ducia de días nas que o humor e a improvisación provocarán o sorriso e o deleite do público da man dalgúns dos espectáculos máis seguidos do momento. É o caso de La capital del pecado 2.0, Mentes peligrosas ou Esto no es un show; mais tamén de producións propias como Fantastic Colofone Humoris Causa, citas nas que o EMHU xunta en cada edición un elenco de grandes figuras que se atoparn, por primeira vez, nun mesmo escenario.
A programación troncal de espectáculos do Encontro Mundial de Humorismo 2024 arrancará o venres 26 de abril no Coliseum da Coruña, con La capital del pecado 2.0, deJuan Dávila, que regresa ao EMHU tras esgotar todas as entradas para a súa función da pasada edición en poucos minutos. O evento continuará o sábado 27 cun dos ‘shows’ máis relevantes do momento, que ten a súa orixe e inspiración no propio EMHU, e que se atopa de xira polos teatros españois: Mentes peligrosas. Así, Ana Morgade, Carolina Iglesias e Eva Hache visitarán o auditorio de Palexco nunha noite que contarán con Henar Álvarez como convidada especial. O domingo 28 será a quenda dun dos grandes cómicos da televisión galega: Roberto Vilar festexará 30 anos sobre as táboas en Celebreixon, que se poderá ver no Teatro Colón, unha das sedes habituais do EMHU.
O mércores 1 de maio volverá a programación de espectáculos de pago ao Colón con Go Home, a nova proposta escénica dirixida por Tito Asorey e interpretada por David Amor e Josito Porto; que dará paso no mesmo recinto, ao día siguiente (xoves 2), a un dos grandes nomes da última tempada: o humorista Galder Varas con Esto no es un show, cuxos vídeos suman milleiros de reproducións nas redes sociais. E xa na súa segunda fin de semana, o EMHU comezará o venres 3 en Afundación, co espectáculo Tengo cosas para hacer, da arxentina Dalia Gutmann, e o monólogo cómico La nueva normalidad, de Álex Clavero, no Colón. Precisamente no mesmo teatro da avenida da Mariña terá lugar, na mañá do sábado 4, unha das propostas máis queridas polo público do EMHU: a gravación deLa ruina, con Ignasi Taltavull e Tomàs Fuentes, un show para escachar de risa no que os cómicos convidan aos espectadores a narrar “as súas ruínas” ou momentos mási vergoñentos. De noite, o Pazo da Ópera acollerá, como é habitual, a gala con maior traxectoria do evento: Humoris Causa, que nesta ocasión reunirá, por primeira vez sobre un escenario, a Sílvia Abril, Leo Harlem, Goyo Jiméneze Luis Piedrahita, director artístico do EMHU.
Finalmente, o EMHU botará o pano da súa cuarta edición o domingo 5 de maio, a partir das 20.00 horas, no Teatro Colón, coa gala final de clausura Fantastic Colofon, que nesta ocasión conducirán Javier Veiga, Xosé A. Touriñán, As R(h)umorosas (Carmen Méndez, Ledicia Sola e Marta Doviro) e David Cepo. Será unha noite ateigada de gags, risas e momentos únicos para gardar na memoria. Durante o desenvolvemento da gala, ademais, entregaranse os Premios EMHU 2024.
ENTRADAS E ABONOS
As entradas e abonos do EMHU 2024 sairán á ventda este venres 22, a partir das 11.00 horas, na web oficial www.ehmu.es e na plataforma en liña www.ataquilla.com. O público poderá adquirir, tal e como é habitual no EMHU, catro tipos de abonos:
Abono ‘Bueno’: Humoris Causa + Mentes peligrosas (60€ + gastos de xestión)
Abono ‘Bueno, bueno’: La capital del pecado 2.0 + Mentes peligrosas + Celebreixon + Go Home (78€ + gastos de xestión)
Abono ‘Bueno, de lo bueno, lo mejor’: Tengo cosas para hacer + La nueva normalidad + La ruina + Humoris Causa + Fantastic Colofon (87€ + gastos de xestión)
Abono ‘Bueno, de lo bueno lo mejor, de lo mejor, lo superior’: La capital del pecado 2.0 + Mentes peligrosas + Celebreixon + Go Home + La nueva normalidad + Esto no es un show + Tengo cosas para hacer + Humoris Causa + La ruina + Fantastic Colofon (162€ + gastos de xestión)
A programación do EMHU completarase con máis espectáculos e diferentes actividades paralelas, dirixidas a todos os públicos, que se darán a coñecer nas vindeiras semanas. Para máis información sobre horarios, artistas ou espectáculos, recoméndase visitar o espazo web oficial www.emhu.es.
AVANCE PROGRAMACIÓN EMHU 2024
26/04, Coliseum | La capital del pecado 2.0, de Juan Dávila. 27/04, Palexco | Mentes peligrosas. Con Ana Morgade, Carolina Iglesias, Eva Hache e Henar Álvarez. 28/04, Teatro Colón | Celebreixon, de Roberto Vilar. 01/05, Teatro Colón | Go Home. Con David Amor e Josito Porto. 02/05, Teatro Colón | Esto no es un show, de Galder Varas. 03/05, Afundación | Tengo cosas para hacer, de Dalia Gutmann. 03/05, Teatro Colón | La nueva normalidad, de Álex Clavero. 04/05, Teatro Colón | La ruina. Con Ignasi Taltavull e Tomàs Fuentes. 04/05, Pazo da Ópera | Humoris Causa. Con Goyo Jiménez, Leo Harlem, Luis Piedrahita e Sílvia Abril. 05/05, Teatro Colón | Fantastic Colofon. Con As R(H)umorosas (Carmen Méndez, Ledicia Sola e Marta Doviro), David Cepo, Javier Veiga e Xosé. A. Touriñán.
A nova gala ‘Animus Iocandi’, con Ana Morgade, Eva Soriano, Leo Harlem e Sílvia Abril, e o show do podcast ‘La Ruina’, protagonistas da penúltima xornada do EMHU este sábado 6 de maio
O Teatro Colón recibirá contra ás 12:30 horas deste sábado o escachante espectáculode Ignasi Taltavull e Tomàs Fuentes, mentres que o Palexco acollerá a estrea absoluta da nova gala do EMHU, cunha dobre función programada para ás 19:00 e as 22:00 horas
Todas as entradas para estes espectáculos que terán lugar na derradeira fin de semana da III edición do Encontro Mundial de Humorismo están xa esgotadas
Finalmente, este domingo, 7 de maio, o EMHU 2023 botará o pano coa celebración da gala ‘Fantastic Colofon’, que contará coa participación de Carolina Iglesias, Luis Piedrahita e Pantomima Full e na que se entregarán os Premios EMHU 2023
Ana Morgade, Eva Soriano, Leo Harlem, Sílvia Abril, Ignasi Taltavull e Tomàs Fuentes son protagonistas da penúltima xornada do III Encontro Mundial de Humorismo, que chega este sábado, 6 de maio, con todas as localidades esgotadas para as tres funcións que se sucederán ao longo do día.
Pola mañá, contra ás 12:30 horas, o Teatro Colón acollerá unos dos espectáculos máis destacados dos últimos tempos: La Ruina, a proposta coa que os guionistas e cómicos Ignasi Taltavull e Tomàs Fuentes fan que tanto asistentes á función coma figuras convidadas compartan a súa anécdota máis vergoñenta en público. Polos micrófonos do show xa amosaron as súas ‘miserias’ ou ruinas nomes como Berto Romero, Facu Díaz ou Marc Giró. Quen será a persoa convidada desta fin da semana é un misterio, máis os sorrisos estarán garantidos.
Xa pola tarde, o EMHU regresará ao Palexco para presentar a estrea absoluta dunha produción propia: a nova gala Animus Iocandi, que xunta por vez primeira nun mesmo escenario a catro dos nomes máis grandes da comedia actual en España: Ana Morgade, Eva Soriano, Leo Harlem -Premio EMHU 2023 Wenceslao Fernández Flórez, que recollerá o domingo 7 ao inicio da gala Fantastic Colofon– e Sílvia Abril. A estrea será por todo o alto, con dúas funcións (19:00 horas e 22:00 horas) de 90 minutos ás que asistirán 3.000 persoas. Presente e futuro da comedia farán estalar o auditorio en aplausos e risas nunha última cita ineludible e inesquecible antes do evento final da edición deste ano.
Finalmente, o domingo 7, ás 20:00 horas, o Teatro Colón acollerá a gala de peche da presente edición, Fantastic Colofon, creada expresamente para o festival, que contará coa participación de Carolina Iglesias, Luis PIedrahita (director artístico do EMHU) e do dúo Pantomima Full, conformado por Alberto Casado e Rober Bodegas. Durante a gala -que estará chea de monólogos, sketches, gags e moitas sorpresas- entregaranse os galardóns deste III Encontro Mundial de Humorismo, que este 2023 recaerán en Leo Harlem, Laura Caballero, Siro López e Carlos Ballarta. Todos os detalles da ultima fin de semana do EMHU 2023 pódense consultar na páxina web oficial do festival, www.emhu.es.
AXENDA PROGRAMACIÓN EMHU 2023 – SÁBADO 6 E DOMINGO 7 DE MAIO
* A convocatoria de medios será ás 19:00 horas no vestíbulo do propio Teatro Colón, no que terá lugar a sesión de photocall de despedida ao que asistirán as e os artistas participantes, Premios EMHU 2023, autoridades, patrocinadores e outras figuras convidadas.
EMHU 2023
O EMHU, promovido polas produtoras Etiqueta Negra (Galicia) e Producciones El Espectador (Madrid), e que conta co apoio do Concello da Coruña, da Xunta de Galicia e de Estrella Galicia, é unha das citas de referencia da comedia a nivel estatal tanto pola súa programación -pola que pasaron artistas como Andreu Buenafuente, Inés Hernand e Nerea Pérez de las Heras ou David Broncano, entre outras- como pola afluencia de público: no 2022, no que o Coliseum foi unha das principais sedes, o Encontro Mundial do Humorismo sumou máis de 19.000 espectadores.
De cara á presente edición de 2023, o EMHU inclúe, como é habitual, a presenza de figuras icónicas en galas de produción propia, creadas exclusivamente para o evento. É o caso de Humoris Causa, que este ano xuntou a Eva Hache, Dani Rovira, Javier Cansado e Xosé A. Touriñán sobre o escenario do Pazo da Ópera o 29 de abril; da nova gala Animus Iocandi, coa que o EMHU regresará ao Palexco para que o público escache coa risa da man de Ana Morgade, Eva Soriano, Leo Harlem e Sílvia Abril; ou de Fantastic Colofon, a gala de peche do evento, que terá lugar o 7 de maio e que contará con Carolina Iglesias, Pantomima Full e co director artístico do EMHU, Luis Piedrahita, sobre as táboas do Teatro Colón. Nesta cita, ademais, entregaranse os Premios EMHU 2023: Leo Harlem, Laura Caballero, Siro López e Carlos Ballartason os artistas recoñecidos nesta edición.
O Encontro Mundial de Humorismo contará na súa programación troncal con algúns dos espectáculos en xira máis demandados polo público neste momento. É o caso de Buenismo Show, cuxa estrea en Galicia tivo lugar o 28 de abril no marco do EMHU; ao igual que La capital del pecado 2.0 de Juan Dávila, presentado o luns 1 de maio; ou Estirando el chicle desde un castillo, un programa especial do podcast de Carolina Iglesias e Victoria Martín que se gravou, ao vivo, na tarde do 30 de abril desde o Castelo de Santo Antón. Ademais, entre as propostas que se poden ver estes días na Coruña, están La comedia salvó mi vida, con Ignatius Farray (30 de abril); La Ruina, o show de Ignasi Taltavull e Tomàs Fuentes (6 de maio); e Garabato controlado (5 de maio), cita que suporá a estrea en España do novo espectáculo do arxentino Juan Barraza.
A comedia galega terá unha importante presenza neste encontro de ámbito estatal. Alén das estreas absolutas de As R(h)umorosas e Ansia Viva, ou da participación de Carolina Iglesias, Luis Piedrahita e Rober Bodegas (Pantomima Full) na gala Fantastic Colofon, tamén conta con selo do país o filme Amigos hasta la muerte, a adaptación cinematográfica que dirixe Javier Veiga sobre a obra teatral e que chegará aos cinemas o 15 de setembro. Ademais da programación de espectáculos, o EMHU conta cunha serie de actividades paralelas abertas ao público ou con acceso mediante convite, como foi caso do concerto La banda sonora de nuestra risa (4 de maio) ou da presentación de Showriano, o programa da plataforma Movistar Plus+ (5 de maio). De entrada libre é a exposición El Guernica: una viñeta universal, humor en la oscuridad, que se poderá visitar até o 30 de xuño na Casa Museo Picasso, ou propostas xa celebradas, como foron a charla Picasso e a caricatura (venres 28) e a función da Escuela de Impro A Coruña (sábado 29).
Os galardóns entregaranse o domingo 7 de maio no marco da gala Fantastic Colofon, que contará coa participación de Luis Piedrahita, Carolina Iglesias e Pantomima Full
O Encontro Mundial de Humorismo anuncia o palmarés da súa terceira edición, que se celebrará na Coruña do 28 de abril ao 7 de maio. Leo Harlem, Laura Caballero, Siro López e Carlos Ballarta recibirán os Premios EMHU 2023, cuxos galardóns se entregarán na gala de peche Fantastic Colofon. O espectáculo, que será o ramo do evento e contará coa participación de Luis Piedrahita, Carolina Iglesias e Pantomima Full, terá lugar o domingo 7 a partir das 20.30 no Teatro Colón. As entradas para a cita están esgotadas desde hai semanas.
Leo Harlem recibirá o Premio EMHU Wenceslao Fernández Flórez, un galardón honorífico que recoñece a unha figura española cuxa traxectoria, talento e tesón supoñan unha achega significativa na forma de facer comedia. “Con máis de 20 anos de carreira, Leo é un dos iconos máis recoñecibles do xénero do monólogo a nivel nacional, sendo exempelo do humor amable”, sinala o director artístico do EMHU, Luis Piedrahita, quen destaca “a alegría infatigable” do cómico “e a súa maneira divertidísima de estar sempre enfadado”:
Pola súa banda, o Premio EMHU Fenómeno, que se outorga ao fenómeno humorístico revelación do ano, recaerá neste 2023 en Laura Caballero, creadora, directora e guionista dalgunhas das comedias máis exitosas dos últimos tempos en España. Nos últimos meses, Caballero e a súa produtora, Contubernio Films, estrearon a serie Machos Alfa e as novas tempadas de La que se avecina e El pueblo. Tal e como afirma Luis Piedrahita, o EMHU recoñece “o seu traballo inxente, o seu olfato para a comedia e a súa capacidade para reinventar o humor capítulo a capítulo, tempada tras tempada e ano tras ano”.
O humorista gráfico coruñés Siro López, “unha columna na que o EMHU apoiouse desde a primeira edición, gozando e aproveitando o seu coñecemento, cariño e humor”, asevera Piedrahita, será o galardoado do Premio EMHU Fugas que se outorga a unha figura galega de proxección global, e que no 2022 recibiu Cristina Castaño. Finalmente, o Premio EMHU Álvaro Cunqueiro a unha figura internacional da comedia recoñecerá ao mexicano Carlos Ballarta, que o director artístico do EMHU define “como un dos cómicos latinoamericanos máis orixinais, modernos e inspiradores”, e do que destaca “o seu compromiso coa comedia e co humor de altura demostrado nos seus espectáculos Falso profeta, Furla Ñera ou Rebelde Comodino”.
EMHU 2023
A terceira edición do Encontro Mundial de Humorismo celebrarase na Coruña do 28 de abril ao 7 de maio. O evento, promovido polas produtoras Etiqueta Negra (Galicia) e El Espectador (Madrid), e que conta co apoio do Concello da Coruña, Xunta de Galicia e Estrella Galicia, reunirá durante dez días na cidade herculina os espectáculos a as figuras máis destacadas da comedia a nivel estatal. Ana Morgade, Carolina Iglesias, Dani Rovira, David Amor, Eva Hache, Eva Soriano, Leo Harlem, Ignatius Farray, Javier Cansado, Javier Veiga, Juan Dávila, Leo Harlem, Luis Piedrahita, Marta Hazas, Pantomima Full, Sílvia Abril, Victoria Martín e Xosé A. Touriñán estarán presentes na cita, que tamén contará coa participación de Buenismo Show (Henar Álvarez, Manuel Burque e Quique Peinado), Estirando el chicle (que se gravará desde o Castelo de Santo Antón) ou La Ruina (con Ignasi Taltavull e Tomàs Fuentes). Ademais, figuras galegas das comedia estrearán espectáculo: é o caso de Carmen Méndez, Ledicia Sola, Marta Doviro e Oswaldo Digón, que presentarán As R(h)umorosas eAnsia viva, respectivamente; o arxentino Juan Barraza estreará en España Garabato controlado e ‘influencers’ como Animalize21, Car de Lorenzo, El Cejas e Xurxo Carreño regresarán ao Teatro Colón coa súa proposta Sin datos no hay paraíso.
As últimas entradas dispoñibles para a programación de espectáculos pódense conseguir en www.emhu.es. Ademais, EMHU contará con actividades gratuítas e de acceso libre até completar aforo, como a exposición El Guernica: una viñeta universal, humor en la oscuridad (desde o 28 de abril na Casa Museo Picasso), a charla Picasso e a caricatura (venres 28, 19;00 horas, na Casa Museo Picasso) ou a función da Escuela de Impro A Coruña (sábado 29, 12:30 horas, na sede de Afundación).
