Acto reivindicativo “CALDALOBA: Recuperarmos o noso patrimonio, recuperarmos a nosa historia”, organizado por distintas entidades culturais

O vindeiro sábado 22 de maio, diante da torre de Caldaloba, a partir das 11:30 h. celebrararase un acto reivindicativo de distintas asociacións e grupos culturais chairegos e dos arredores, baixo a lenda Caldaloba. Recuperarmos o noso patrimonio, recuperarmos a nosa historia, no que reclamarán a recuperación deste emblema do patrimonio histórico galego.

As entidades convocantes son: Castiñeiro Milenario, Xermolos, IESCHA, Amigos do Castro de Viladonga, Valle Inclán, Madia Leva, Cultura do País, Os Vilares-Lareira de Soños, Irmandade Manuel María, Nova Poesía Guitirica, Lugo Patrimonio, Amigos do Patrimonio de Castroverde, Fundación Manuel María, Asociación veciñal de Cabreiros, Xotramu, A chave das noces, PolKA. Poeta Avelino Díaz e Chimchiribote.

O acto é de convocatoria aberta, dado que é un espazo ao ar libre e, por tanto, non haberá ningún problema co número de persoas asistentes, garantindo así as necesarias medidas de seguridade sanitaria que establece a pandemia da COVID-19.

PROGRAMACIÓN:

a) Intervencións públicas por parte de Antón Meilán e Orlando Viveiro.

Orlando Viveiro, coñecedor e divulgador do patrimonio da Terra Chá, participou nas Brigadas Chairegas e na loita levada a cabo hai vinte anos sobre Caldaloba. Fará unha breve intervención.

Antón Meilán, mindoniense e profesor da Universidade de Uvieu, estudoso de todo o relacionado con Pardo de Cela e a súa familia, fará unha intervención divulgativa sobre o que aconteceu no castelo de Vilaxoán ou Caldaloba e a importancia e significación destes feitos na nosa historia.

b) Acompañamento musical do grupo CAIVANCA (algúns dos seus membros pertenceron ao grupo musical CALDALOBA), que interpretará unha serie de pezas.

c) Foto de todos os participantes diante da torre cunha faixa que levará a lenda xa mencionada: Caldaloba. Recuperarmos o noso patrimonio, recuperarmos a nosa historia.

Castiñeiro Milenario.- Suspensión do FESTIVAL 27373

Comunicado da Asociación Cultural Castiñeiro Milenario:

Moi boas, seguidoras e seguidores de Castiñeiro Milenario

Os inocentes deste ano pasado viñeron co anuncio de que o Festival 27373 deste 2020 ía vir cargadiño de sorpresas… ¡que lonxe queda aquela brincadeira!

Podedes imaxinar que levamos semanas valorando todas as posibilidades, pero a día de hoxe non podemos garantir a seguridade das persoas e vendo que as recomendacións sanitarias van cambiando día a día, a decisión más lóxica, sensata (e dolorosa) é suspender a edición deste ano 2020.

Agardemos que veñan mellores tempos e que o ano 2021 poidamos gozar dunha nova edición do Festival 27373, así como de novas edicións doutros festivais irmáns que tamén tiveron que suspender. Agardemos que máis cedo que tarde poidamos retomar as nosas actividades culturais tal e como viñamos facendo ao longo destes anos. Agardemos que este pesadelo pase, teñamos un pouco de cabeciña.

Recibide un agarimoso saúdo da directiva de Castiñeiro Milenario. Unha aperta para a familia cultural e asociativa, azos para aquel@s que perderan un ser querido durante a pandemia.

¡¡Volveremos!!

AC Castiñeiro Milenario

http://castinheiromilenario.wordpress.com
https://gl-es.facebook.com/castineiro.milenario
https://twitter.com/CastinheiroMile
https://www.flickr.com/photos/castinheiromilenario/
http://festival27373.wordpress.com/

Foliada de Outono de Castiñeiro Milenario

Unha nova edición da Foliada de Outono de Castiñeiro Milenario terá lugar o vindeiro sábado 14 de decembro na Casa do Pobo do Castro (Begonte, Lugo)

Nesta ocasión propoñemos un interesantísimo obradoiro de baile tradicional que impartirán as mozas de Andar cos tempos, Chus Caramés e Carme Campo, dúas bailadoras, mestras de baile e educadoras no ámbito da educación non formal. O obradoiro comezará ás sete e media da tarde e terá unha duración aproximada de hora e media e está aberto a calquera persoa que desexe ter un achegamento ao baile tradicional. O custe para persoas non socias é de 10 euros, mentres que para as persoas socias de Castiñeiro Milenario será de balde. É aconsellable anotarse se queres asistir enviando un correo a castineiromilenario@hotmail.com ou chamando ao 616705174.

Despois do abradoiro teremos un pequeno descanso con petiscos para repoñer forzas e comezaremos a foliada con tres grupos convidados para esta edición. Foliadeir@s do Castro, como grupo da casa, Buxos Verdes desde Vilalba e Foliada de Bosende desde Lugo. Ao rematar os grupos haberá foliada libre ata que os corpos aguanten.

Agradecemos a Buxos Verdes, Foliada de Bosende e a Chus e a Carme de Andar cos tempos a súa presenza e, por suposto, á Asociación Veciñal do Castro por deixarnos empregar ás súas instalacións da Casa do Pobo. Tamén agradecer o traballo de Brais García, deseñador do cartaz desta nova tempada de foliadas.

+info en https://castinheiromilenario.wordpress.com/2019/12/04/foliada-de-outono-2019/

AC Castiñeiro Milenario
Pacios, 85 27373 Begonte
http://castinheiromilenario.wordpress.com
https://gl-es.facebook.com/castineiro.milenario
https://twitter.com/CastinheiroMile
https://www.flickr.com/photos/castinheiromilenario/
http://festival27373.wordpress.com/

*Información facilitada por Castiñeiro Milenario.

CASTIÑEIRO MILENARIO.- Celebrando o Samaín e Teatro con Touporroutou

Celebrando o Samaín

Tal e como fixemos o ano pasado, este 31 de outubro celebraremos o Samaín polas parroquias de Pacios e  Baamonde. Se te queres unir á nosa “Santa Compaña”, quedaremos en Pacios sobre ás oito e media, e terás que vir cunha roupa axeitada para o ocasión: as mulleres, de negro e pano na cabeza, como se fose de loito; os homes, igualmente de negro. Tamén se pode ir de túnica negra ou similar. Iremos entonando unha “terrorífica” canción, adaptada para a ocasión pola nosa querida “meiga”, Branca Villares.

+info en https://castinheiromilenario.wordpress.com/2019/10/25/celebrando-o-samain-2019/

Touporroutou na 2ª xornada do 7º Ciclo de teatro.

Despois dalgúns problemas, temos a data definitiva para esta segunda representación do cilo de teatro. A compañía de Foz, Touporroutou, vai representar a obra “Comedia Bífida” na Casa da Cultura en Begonte a partir das sete da tarde. Unha obra para público familiar sobre o emprego da nosa língua.

+info en https://castinheiromilenario.wordpress.com/2019/10/28/7o-ciclo-de-teatro-touporroutou/

AC Castiñeiro Milenario
Pacios, 85 27373 Begonte
http://castinheiromilenario.wordpress.com
https://gl-es.facebook.com/castineiro.milenario
https://twitter.com/CastinheiroMile
https://www.flickr.com/photos/castinheiromilenario/
http://festival27373.wordpress.com/

CASTIÑEIRO MILENARIO.- Obradoiro de olería e Paseo micolóxico

CASTIÑEIRO MILENARIO organiza novas actividades de cara ao inicio do outono.

Este sábado comeza un obradoiro de olería coa oleira Pepa de Bonxe. Será os días 28 de setembro e 5, 12 e 26 de outubro, en horario de 10 a 13 horas. Dada a complexidade do curso, farase no propio obradoiro da artesá. O prezo para non asociados/as é de 40€ e 30€ para socios/as. As prazas son moi, moi limitadas.

Tedes máis información na seguinte ligazón https://castinheiromilenario.wordpress.com/2019/09/23/obradoiro-de-oleria/

Ademais, o domingo celebrarase unha nova edición do Paseo Micolóxico en colaboración coa Sociedade Micolóxica Lucus. Este Paseo, e posterior xantar, é unha actividade exclusiva para socios/as de ámbalas dúas asociacións. Como novidade, despois do xantar haberá un pequeno obradoiro de identificación de cogomelos e poderase empregar unha lupa binocular para ver en detalle as características de identificación, esta actividade é aberta e de balde para o público en xeral.

Máis información en https://castinheiromilenario.wordpress.com/2019/09/20/paseo-micoloxico-2019-so-para-asociads/

AC Castiñeiro Milenario
Pacios, 85 27373 Begonte
http://castinheiromilenario.wordpress.com
https://gl-es.facebook.com/castineiro.milenario
https://twitter.com/CastinheiroMile
https://www.flickr.com/photos/castinheiromilenario/
http://festival27373.wordpress.com/