Fallo do VII Certame de Poesía TORRE DE CALDALOBA


Fran Fernández Dávila e Amauta Castro foron os autores galardoados na presente edición deste certame poético


No mediodía deste pasado venres, 15 de novembro de 2024, fallouse o VII Certame de Poesía TORRE DE CALDALOBA, que convocan o Concello de Cospeito e a Asociación Recreativa e Cultural de San Martiño de Pino, coa colaboración de Culturalia GZ e a Xunta de Galicia.

O xurado, integrado por Adolfina Mesa, Ánxela Gracián, Armando Requeixo, Cecilia F. Santomé e Xosé Otero Canto, decidiu por maioría de votos emitir o seguinte fallo:

Primeiro premio á obra ALBATROS, cuxa autoría, unha vez aberta a plica, correspondía a Francisco Javier Fernández Dávila (Fran Fernández Dávila).

Segundo premio á obra A VASTEZA DO NÓ, cuxa autoría, unha vez aberta a plica, pertencía a Rafael Xoán Muñoz Castro (Amauta Castro).

De ALBATROS o xurado dixo que amosa unha voz poética fresca cuns versos que retumban, que achegan a poesía a outras dimensións. Un poemario de vangarda, talvez unha bomba poética cuxos elementos van irradiar a outros eidos literarios ou non.

De A VASTEZA DO NÓ,  o xurado destaca a composición de estrofas breves que poden lembrar á vertente poética grecolatina. Tamén destaca a creación de sinestesias de alto rendemento poético. A composición dun escenario do desexo, coa descuberta do corpo a través dunha linguaxe de gran acerto literario.

A entrega de premios celebrarase o vindeiro sábado 23 de novembro no local social de Pino.

Nova convocatoria do IV Certame de Caligramas CONSTANZA DE CASTRO


NOVA CONVOCATORIA IV CERTAME DE CALIGRAMAS “CONSTANZA DE CASTRO”

Dende a Asociación Veciñal Recreativa e Cultural de San Martiño de Pino, e de acordo coa resolución adoptada polo xurado do certame en cuestión, informamos de que, debido a un erro informático alleo á organización e que afectou para a valoración das obras, se convoca de novo o devandito certame cun prazo ampliado ata o 31 de xaneiro do 2025, declarando desta maneira nulo o fallo emitido e procedendo a unha nova convocatoria. Dende a Asociación Veciñal Recreativa e Cultural de San Martiño de Pino pedimos desculpas. A continuación adxúntanse as bases para a nova convocatoria.


BASES


Descargar BASES


Autorización para menores de idade

Descargar AUTORIZACIÓN

Celebración este sábado 26 de outubro do IV Magosto Cal Da Loba

Este sábado 26 de outubro celebrarase o IV Magosto Cal Da Loba, que organiza a Asociación Recreativo Cultural de San Martiño de Pino, en colaboración coas webs Caldaloba e Culturalia GZ, e co apoio da Área de Cultura da Deputación Provincial de Lugo e do Concello de Cospeito.

O PROGRAMA de actividades será o seguinte:

Descargar PROGRAMA (PDF)