por Antón De Guizán | Mar 19, 2017 | Autores/as, Creación
A Asociación Sociocultural Lareira de soños e a NPG Nova Poesía Guitirica crean o Certame de micropoesía da Chaira «VILARIÑAS».
Co nome de VILARIÑAS na honra do poeta Díaz Castro e as súas “herbas pequerrechiñas” e Vilariñas para ter de referencia O Vilariño dos Cregos dos Vilares, pareceunos un nome acaído para as pequenas poesías que concurran ao premio, que busca fundamentalmente a promoción da poesía e facela accesible a calquera, polo que as bases serán moi abertas á participación, non supoñerán ningún gasto aos participantes e poderán inscribirse en formato dixital. A convocatoria para presentar os micro poemas será desde agora ao 31 de marzo (ambos incluídos) e a resolución nos primeiros días de abril.
A temática será libre e a periodicidade do certame anual.
Despois de diversas actividade da NPG, todas con notable éxito, abrimos agora esta nova proposta poetica coa que buscamos fundamentalmente a participación e a introducción social da poesía sen limites de idade, nin ningunha outra cortapisa, tan só estar escritas en galego en calquera das normativas e repetando as esixencias técnicas de un minimo de dous versos e un máximo de cinco, podendo cada poeta apresentar dous micropoemas.
Para este concurso, temos xa redixidas as bases que rexerán para a resolución final dos traballos que se presenten.
«VILARIÑAS» Concurso de micropoemas da NPG Nova Poesía Guitirica e Asociación Sociocultural Lareira de soños.
BASES.
Convocase o I Concurso de micropoesías “Vilariñas” no que poden participar todos @s escritores/as que queiran.
A participación neste concurso é completamente de balde.
Os micropoemas presentados ao concurso serán inéditos, orixinais e non premiados nin publicados. Os autores son responsables tanto deste punto como da autenticidade dos seus propios datos.
O tema será “Libre”. Cada participante podrá enviar un máximo de dous micropoemas que deben estar escritos en GALEGO en calquera das normativas, e presentarase ao concurso a través do correo electrónico
dosvilares@gmail.com ou do messenger do facebook de Os Vilares, lareira de soños-(www.facebook.com/osvilares).
Os micropoemas terán una extensión mínima de 2 versos e máxima de 5 versos sen incluir o título. Cada poeta poderá presentar un máximo de dous micropoemas a concurso e cada un deles serán xulgados individualizadamente e por separado. Cada micropoema debe ser apresentado por separado.
Admitiranse obras até o día 31 de marzo de 2017, ás 23.59 horas.
A organización do concurso reservase o dereito a eliminar aqueles micropoemas que podan ir en contra da protección da infancia, do respeto, ou induzan ou promovan actos delictivos, denigratorios ou violentos en cualquera das súas formas.
O xurado terá en conta a orixinalidade, técnicas empregadas, calidade e contenido do poema. O xurado estará composto por poetas da NPG Nova Poesía Guitirica. O fallo do xurado será inapelable e farase público a través dos distintos soportes dixitais de Os Vilares, lareira de soños e da NPG Nova Poesía Guitirica nas duas semanas posteriores ao peche do concurso.
Entre os micropoemas participantes, seleccionaránse os mellores que poderán integrar unha antoloxía, e entre eles escollerase ao gañador co premio que consistirá en trofeo acreditativo, edición da súa obra no blog poético e un lote de libros de poesía de importantes autores galegos. A edición da antoloxía do blogue poético será segundo criterio da NPG Nova Poesía Guitirica e Os Vilares, lareira de soños. Farase un acto poético publico cos premiados e poetas convidados.
O concurso poderá ser declarado deserto en función do número de micropoemas recibidos ou a calidade dos mesmos. Tamén o Xurado poderá facer mención especial de algún dos micropoemas participantes se considera que a súa calidade o merece, sen embargo, esta mención non conlevará compensación ou premio algún.
Polo feito de participar, os premiados autorizan a NPG Nova Poesía Guitirica e á Lareira de soños a editalos nos soportes fisicos ou dixitais que consideren incluindo o nome dos autores.
Os participantes aceptan as bases que rixen este concurso polo feito de participar no mesmo.
Cualquer dúbida sobre o contido destas bases será resolta polo xurado do certame.
A periodicidade do concurso “VILARIÑAS” de micropoemas será anual.
por martinho | Sep 25, 2018 | Autores/as, Novas, Xeral
Aquel 2 de outubro de 2015, un ano despois da dedicatoria das letras galegas a Xosé María Díaz Castro, facían 25 anos do seu pasamento. Acordaranse entre o concello de Guitiriz, Xermolos e Os Vilares lareira de soños varias accións para conmemorar tan simbólica data, En primeiro lugar,a tradicional ofrenda e recitado de poemas no camposanto de Lagostelle onde xace o poeta, en segundo lugar, facer coincidir nos Vilares a exposición sobre o poeta, que foi instalada na igrexa, e que sería inaugurada ese día. E como colofón, un acto na mesma igrexa onde tentamos homenaxear ao Pepe do Vilariño con poesías feitas por novos poetas da contorna. Alí capitaneados polo principal estudoso da súa obra, Armando Requeixo, a própria alcaldesa Regina Polín, o seu amigo Xulio Xiz, o seu familiar Man Castro, Alfonso Blanco e a introducción de Pas Veres nun memorábel acto que tiven a honra de presentar, tomaron a palabra en forma de verso Fátima Fernández, Jaki Quintela, Judiña de Lea, Xosé Antón Cascudo, Mar Beres e Luz Campello, coa aportación musical do cantautor Miguel Melero.
Nacía aquel día un grupo de poetas heterodoxos aos que Armando Requeixo chamou nun fermoso manifesto Nova Poesía Guitiricense ou Guitirica (NPG) como homenaxe viva ao grande poeta do Vilariño.
Aquel evento puntual de homenaxe co título de “Afillad@s de Pepe” consolidou un grupo que foi medrando en compoñentes e actividades ao longo destes tres anos, convocando certames (certame Vilariñas de micropoemas, Poemas pendurados de farolas), participando e organizando recitais e eventos poéticos, colaborando en publicacións dixitais, e en definitiva, mantendo viva a memória de Díaz Castro coa poesía como principal argumento. A NPG ten levado a Nova Poesía de Guitiriz e da Terra Chá até Ferrol, Betanzos, Sada, Compostela, Vilalba, Mondoñedo, Santaballa ou San Sadurniño e participou e n publicacións como a revista Xistral e diferentes publicacións colectivas a través dos seus poetas, con un grupo cada día máis numeroso de poetas e con grande coñecemento a través das redes sociais.
Este nuns días, cúmprense 3 anos desde aquel 2 de outubro de 2015 e a NPG Nova Poesía Guitirica ten anunciado a creación dun novo programa de actividades chamado “Do trinque”, destinado a facer presentacións de novidades musicais, literarias e artísticas que comenzará o día 5 de Outubro ás 21:00 na Casa Habaneira de Guitiriz coa mellor das maneiras, poesía musicada do grupo Xardín Desordenado como mellor homenaxe ao noso poeta e grande comenzo a unha série de presentacións de novidades, máis aínda cando o grupo vigués é coñecido por musicar aos grandes da poesía galega, incluído Díaz Castro e máis poetas chairegos. Unha grande oportunidade para escoitalos por vez primeira na Terra Chá, aproveitar para escoitar parte do seu último traballo e un repaso polos seus nove anos de existencia. Dentro da súa xira “A Victoria da luz”, Xardín Desordenado son unha grande homenaxe ao noso Pepe do Vilariño nestes 28 anos do seu pasamento que a través das actividades da NPG Nova Poesía Guitirica e do traballo de Xermolos, e outras entidades, a súa poesía e a súa memoria mantense viva entre nós, máis aínda desde aquel 2 de Outubro de 2015.
Antón Tenreiro Ferreiro
ANTÓN DE GUIZÁN
antontenreiro@gmail.com
www.blogoteca.com/antonte/
+34 662 183 149
por martinho | Sep 13, 2018 | Autores/as, Novas, Xeral
A campaña de micromecenado (crowdfunding) para a restauración dos Frescos dos Vilares xa ten imaxe oficial. O deseño foi encargado á artista muxián Viki Rivadulla que ten colaborado xa coa Asociación Sociocultural Lareira de soños no deseño dos premios TrapeirX de Honra e no Certame Vilariñas de micro poesía da NPG Nova Poesía Guitirica. Viki Rivadulla ten xa a experiência de ter participado tamén activamente na reivindicación exitosa da restauración dos Frescos murais do Mosteiro de Moraime na Costa da Morte. A artista quixo segundo as súas propias palabras: “Quixen marcar a idea de colectividade e de algo feito por nòs e que forma parte de nòs. Leva tamén as mesmas cores da paleta das restauracións, ocre, óxido de ferro, negro e branco e tentei plasmar tamén a ideia da antiguidade das pinturas…”
Esta imaxe será a representativa da campaña que comenzará en febreiro de 2019 e acompañará tódalas accións da mesma, spot, folletos, carteles, comunicacións, charlas, productos de promoción, etc.
Co lema V SÉCULOS DE NÓS/ FRESCOS DOS VILARES a Asociación Sociocultural Lareira de soños tentará recadar os cartos necesarios para evitar a desaparición destas importantes pinturas renacentistas descubertas en 1991 e ás que se atribúe a autoría ao Mestre de Parga.
A campaña ven motivada polo pasotismo das distintas administracións diante das demandas de actuación e a desprotección e abandono que levou ás pinturas a um estado de deterioro que pode levar a unha perda irreversibel dos Frescos.
por martinho | Sep 10, 2018 | Autores/as, Novas, Xeral
NPG Nova Poesía Guitirica, Os Vilares lareira de soños e a plataforma Culturalia GZ comenzan con forza o Outono.
Participan da organización o vindeiro sábado en San Sadurniño do II RECITAL DE POESÍA EN FEMININO, o domingo 16 a I TOMA CULTURAL DE CALDALOBA e o último venres de setembro ou o primeiro de Outubro (pendente de concretar), a presentación do novo disco de Xardín Desordenado en Guitiriz nun programa de presentacións de novidades literarias, plásticas e musicais que chamarán “Do trinque”.
No recital de San Sadurniño estas entidades chairegas encárganse conxuntamente té coa concellaría de igualdade do concello da organización do evento, que acadou un notábel éxito na súa primeira edición hai un ano, e na cal ademáis aportan un grupo de poetas chairegos e da provincia luguesa.
A I TOMA CULTURAL DE CALDALOBA, En colaboración coa asociación cultural e recreativa de Pino e co concello de Cospeito, vai ser unha aposta por novas ideas que sairán deste encontro ademáis de reivindicar a recuperación do noso patrimonio. Constará de marcha guiada á Torre de Caldaloba, música, poesía, arte, e audiovisual e xantar de confraternidade no que ademáis de gozar da amizade nun lugar emblemático, será unha riada de ideas a desenvolver no futuro. O encontro contará con un Manifesto literario. artístico e musical (Manifesto de Caldaloba).
Ademáis das mencionadas actividades da fin de semana, créase unha nova que se irá desenvolvendo no tempo e que consiste na presentación de novidades literarias, artísticas e músicais c@s própri@s autores/as e que se chamará “Do trinque”. A primeira será a presentación do novo traballo discográfico de Xardín Desordenado (tamén musicado poemas de Díaz Castro e Manuel María) na Casa Habanera de Guitiriz no último venres de setembro ou no primeiro de outubro. Asimesmo, a mediados de Outubro darase a coñecer o fallo do Certame Vilariñas 2018 adicado este ano a Alfonso Blanco.
Está semana pecha tamén a inscrición nos cursos da UNED SÉNIOR, aos que NPG e CulturaliaGZ aportan tres obradoiros, de poesía, narrativa e pintura. Máis actividades serán anunciadas após da I TOMA CULTURAL DE CALDALOBA…
por martinho | Ago 18, 2018 | Autores/as, Novas, Xeral
Un ano máis, o 15 de setembro, a concellaría de igualdade de San Sadurniño ten programado o recital poético POESÍA EN FEMININO, para o que a Concelleira Ana B. Gundín ten confiado nos colectivos chairegos NPG Nova Poesía Guitirica e CulturaliaGZ para a súa organización.
Desta volta, ademáis da música con intérpretes locais, recitarán 15 poetas vinculados a estes colectivos de diferentes lugares do país.
Pas Veres (Os Vilares), Branca Villar (Labrada), Martiño Maseda (Vilalba), María Xosé Lamas (Vilalba), Adolfina Mesa (Monterroso), Xosé Carlos Ulloa (Chantada), Asun Blanco (As Pontes), Maica Pastoriza (Vimianzo), Pilar Maseda (Vilalba), Emilia Martínez Fuentes (Vilalba/Monfero), Carmen Penín (Ortigueira), Moncho Bouzas (Betanzos), Amalia Díaz (Ortigueira), Francisco Zaera (Cedeira) e María Pereira (Betanzos) serán quenes poñan versos para a igualdade no precioso lugar do pátio do Pazo da Marquesa (concello).
Asimesmo, o
16 de setembro NPG e CulturaliaGZ teñen organizado coa Asociación Cultural e Recreativa de Pino (Cospeito), unha xuntanza cultural e literaria na Torre de Caldaloba e nos locais da asociación que incluirán unha marcha guiada á Fortaleza, actuacións poéticas e musicáis, xantar e intercambio de ideas e propostas para novas iniciativas. Deste xeito, e rematado o verán, a NPG e CulturaliaGZ abordando con forza novos retos para sumar aos xa instituídos do Certame Vilariñas de micro poesía, poemas pendurados de farolas, recitais, xornadas, publicacións de libros dixitais, etc nun grupo humano cada día máis numeroso e heteroxéneo que traspasa a os versos para abrirse a outros vampiros da cultura.
Estas duas actividades, como todas as que realizamos, son abertas á participación de quen o desexe, en San Sadurniño con asistencia libre e en Caldaloba previo anotamento nas redes sociais da NPG Nova Poesía Guitirica, Os Vilares lareira de soños e CulturaliaGZ ou nos correos
dosvilares@gmail.com e
info@culturaliagz.com
