por Antón De Guizán | Abr 13, 2017 | Creación
O rural, está a cobrar protagonismo por algo máis que o despoboamento, o peche de explotacións, a proliferación de eucaliptos, os incendios, o abandono ou o envellecemento da poboación. Ademáis do dramatismo destes devalo negativo, as nosas parróquias, a recuperación das súas tradicións, a sua história, as súas xentes, son unha fonte inesgotable de argumentos e guións cinematográficos que xeran en Galicia numerosos festivais co rural de fondo e que son hoxe referentes no país e alén das fronteiras. Pequenas mostras e festivais como a “Invernada de Cine”, a mostra de documentais “Enxergando o País” de Lugo, etc., ou outras xa de caracter internacional como o coñecido Festival de Cans, o Play Doc de Tui, o de curtas de cinema rural Carlos Velo ou o MICE de Compostela, imprimen unha identidade propia e descobren produccións galegas equiparables a cinemas doutros lugares do planeta partindo da etnografía como esencia dun novo cinema galego. O audiovisual rural galego, tan nóso, amósase como un grande surtidor de creatividade que compensa a escaseza de medios e que ao mesmo tempo traslada desde ese micro mundo das parroquias unha linguaxe universal. Na Terra Chá, ademáis de dar ao mundo audiovisual nomes tan importantes e coñecidos como a académica e profesorea da USC Margarita Ledo, os irmáns Coira ou os actores Xosé Barato e Luís Tosar, o director de televisión Manuel A.Espiñeira, ou o montador Antón Figueira entre outros, aportamos xoias documentais do mestre Xulio Xiz ou “O instante eterno” do cineasta Xosé Antón Cascudo sobre o poeta Díaz Castro. Numerosas curtametraxes, a última de grande difusión, “A Chave de Bascuas” do mozo Bruno Pena. Contamos co Festival de cinema de música de Roca e os amigos do Castiñeiro Milenario de Begonte andan a preparar tamén unhas xornadas cinematográficas. Ramiro Ledo é un dos impulsores desa novísima, novidosa e exitosa proposta do NUMAX de Compostela e un grupo de rapaces inquedos de Meira, Gaitafilmes, crearon o festival M de Meira coa asociación do mesmo nome. As propostas audiovisuais desde centros escolares como o IES de Guitiriz da man da inqueda profesora Sandra Tenreiro, xa premiados en varias ocasións, son habituáis neste xeito actual de comunicar. O último éxito, un documentario, Entrar aos Vilares, do músico e xornalista de orixe chairega Cibrán Tenreiro, pensado como complemento dun libro de Pastora Veres, estase revelando como un producto con vida propia percorrendo a xeografía galega con numerosas proxeccións e que ademáis foi seleccionado entre as 15 películas finalistas da 12 Mostra Internacional de Cinema Etnográfico MICE, optando tamén ao premio de mellor documental galego con dous filmes moi premiados, Esquece Monelos e O Moredo, a resistencia do enteoido ribeirao. Compite tamén ao premio do público, o que representa xa un éxito para esta modesta producción da Lareira de soños que prepara xa outra curta documental arredor da figura do polifacético Armeiro de Berulfe. A Terra Chá, fundamentalmente rural, non deixa de producir nomes de persoas e filmes ao mundo do audiovisual galego e internacional máis actual desde o corazón da terra, convertíndoa nun xigantesco plató de rodaxe, porque a Chaira é, un rural de cinema…
por Antón De Guizán | Abr 4, 2017 | Autores/as, Creación, Xeral
#Entraraosvilares/ O noso documentario ENTRAR AOS VILARES foi seleccionado para a sección oficial (competitiva) da MICE Mostra Internacional de Cinema Etnográfico de Compostela.
Todo un éxito para a nosa modesta producción e un recoñecemento que nos enche de alegría. Que unha modesta producción do proxecto Os Vilares, lareira de soños sexa seleccionada para a competición oficial dunha mostra tan importante de cinema etnográfico entre centos de filmes xa representa para nós un éxito, polo que agradecemos aos realizadores, Cibrán Tenreiro, Xacobe González e Toni González o seu traballo e a todolos colaboradores desa realización así como aos veciños participantes, verdadeiro protagonistas do documentario.
A película que leva percorridas numerosas localidades con proxeccione coloquio posterior arredor do filme e da parroquia, sigue a sua xira despois do día 29 por Burela, Muxía, Vigo, Ponteareas e A Guarda.
Amosamos abaixo un estracto da comunicación da selección.
>>>>>>>>>>>>>>>>
Estimados amigos,
Estimados amigos, estimadas amigas,
Compráceme comunicarvos que a vosa película foi seleccionada para a sección competitiva da MICE, Mostra Internacional de Cinema Etnográfico Museo do Pobo Galego. O festival celebrarase en Santiago de Compostela do 29 de maio ao 3 de xuño.
Nos primeiros días de maio enviaremos o programa completo. Grazas pola vosa participación e parabéns.
Un saúdo,
Ana Estévez Lavandeira
MUSEO DO POBO GALEGO
Lareira de soños
dosvilares@gmail.com
www.facebook.com/osvilares
@osvilares1
home
youtube os vilares lareira de…
por Antón De Guizán | Mar 30, 2017 | Autores/as, Creación
San Vicenzo dos Vilares é unha igrexa coñecida por celébrar a popular romaría da Virxe dos Desamparados.
As orixes do templo datan do s. XII, se ben os restos románicos redúcense aos muros laterais da nave con varios canecillos, sendo a fachada principal do XVIII.
No exterior o conxunto está formado por un atrio murado con baixo muro de pedra granítica, con cruceiro, dúas pilas bautismales e un sarcófago. Támén existe un Calvario de tres cruceiros diante.
No interior ten catro retablos neoclásicos e un barroco con tallas dos ss. XVII e XVIII, aínda que destacan especialemnte os restos de pintura mural ó fresco do S.XVI, da posible autoría do Mestre de Parga, que forman un ciclo ó longo dos muros da nave, con distintos temas, como o do enterro do Conde Orgaz. Descubertos no ano 1991, un ano máis tarde o profesor Monterroso elaborou un interesante traballo publicado no número 8 dos Cadernos de Estudos Mindonienses sobre estes murais.
O estado xeral de conservación é verdadeiramente moi malo. A gravedade acelerada e activa dos axentes de deterioro, provoca en primeiro lugar o risco de desprendemento das pinturas murais, polo que urxe imperiosamente proceder á sua restauración, xa que de acabar caendo, a súa pérdida sería irreversible.
Ademáis deste perigo urxente de resolver, o seu aspecto sucio e abandonado desvirtúa a súa calidade como elemento singular e moi visible de este templo de San Vicenzo dos Vilares, centro de peregrinaxe senlleiro.
En conclusión podemos dicir que se está a perder un ciclo mural ao fresco de gran relevancia artística é histórica para a provincia de Lugo. É por esto que a Asociación Sociocultural Lareira de soños ten encargado un proxecto e contactado coas entidades responsables para a consolidación, restauración e posterior posta en valor deste importante ben patrimonial, que sumado a outros elementos da contorna como os cobertizos da antiga Feira do Sete, a casa do Sindicato, a escola Habanera, o castro e os pozos cubertos, conforman un conxunto de moito valor e atractivo historico artístico.
A cultura e o patrimonio do rural chairego precisa desta actuación urxente. Así sexa.
por Antón De Guizán | Mar 21, 2017 | Autores/as, Creación, Xeral
Os Vilares, lareira de soños prepara outro documentario, exposición e publicación para o vindeiro ano.
A Asociación Sociocultural Lareira de soños producirá outro documentário.
Formará parte dun conxunto de iniciativas para recuperar e divulgar a figura de José Lobeiras Gómez, «O Armeiro de Berulfe».
Unha publicación, unha exposición e unha curta documentaria serán editados o vindeiro ano aproveitando o traballo de documentación realizado por Pas Veres para o seu libro e a restauración de vellas fotografías do Armeiro realizada por Moncho Fuentes Allen Zimmerman
O documentario, será dirixido por Antón de Guizán, presidente da Lareira de soños e realizado con Moncho Fuentes (fotógrafo) e outro directivo da asociación, Luís de Fabete ( Jose Luis Teijido) que acaba de inaugurar a exposición fotográfica de Vilar EXPO na Escola Habaneira de Guitiriz.
A figura e a obra do Armeiro de Berulfe e a súa obra será dada a coñecer no proximo 2018 polas vías anteriormente expostas.
Coñecido por ser un dos máis importantes fotógrafos ambulantes da Terra Chá no pasado século, foi unha persoa polifacética, xa que desenvolveu numerosos oficios como sacamoas, xoieiro, armeiro, ebanista, colocador dos primeiros canalóns de cinz na zona, labrego…
De ideas republicanas, foi un home adiantado ao seu tempo e cuxa memoria merece ser rescatada. A rodaxe iniciarase no verán e teremos testemuñas que o coñeceron e trataron directamente, familiares, veciños e profesionais, ademáis de contar con interesantes documentos e fotografías facilitadas pola familia. O título do filme será «O ARMEIRO DE BERULFE, a memória retratada». Imaxes da lembranza doutros tempos que contribuen tamén á recuperacion da memória histórica visual, nenos, militares, familias, festas, mortes, postáis que son o retrato da vida dos nosos antepasados e que teremos a sorte de disfrutar grazas á recuperación desa história de José Lobeiras por parte de Pastora Veres.
Filme, exposición e publicación estarán dirixidas por Antón Tenreiro coordinados con Moncho Fuentes e co apoio permanente de José Luís Teijido Comba (Luís de Fabete), veciño do lugar e perfecto coñecedor da paisaxe e paisanaxe da zona. O traballo contará tamén con colaborades profesionais do audiovisual no apoio técnico e na montaxe do filme.
por Antón De Guizán | Mar 19, 2017 | Autores/as, Creación
A Asociación Sociocultural Lareira de soños e a NPG Nova Poesía Guitirica crean o Certame de micropoesía da Chaira «VILARIÑAS».
Co nome de VILARIÑAS na honra do poeta Díaz Castro e as súas “herbas pequerrechiñas” e Vilariñas para ter de referencia O Vilariño dos Cregos dos Vilares, pareceunos un nome acaído para as pequenas poesías que concurran ao premio, que busca fundamentalmente a promoción da poesía e facela accesible a calquera, polo que as bases serán moi abertas á participación, non supoñerán ningún gasto aos participantes e poderán inscribirse en formato dixital. A convocatoria para presentar os micro poemas será desde agora ao 31 de marzo (ambos incluídos) e a resolución nos primeiros días de abril.
A temática será libre e a periodicidade do certame anual.
Despois de diversas actividade da NPG, todas con notable éxito, abrimos agora esta nova proposta poetica coa que buscamos fundamentalmente a participación e a introducción social da poesía sen limites de idade, nin ningunha outra cortapisa, tan só estar escritas en galego en calquera das normativas e repetando as esixencias técnicas de un minimo de dous versos e un máximo de cinco, podendo cada poeta apresentar dous micropoemas.
Para este concurso, temos xa redixidas as bases que rexerán para a resolución final dos traballos que se presenten.
«VILARIÑAS» Concurso de micropoemas da NPG Nova Poesía Guitirica e Asociación Sociocultural Lareira de soños.
BASES.
Convocase o I Concurso de micropoesías “Vilariñas” no que poden participar todos @s escritores/as que queiran.
A participación neste concurso é completamente de balde.
Os micropoemas presentados ao concurso serán inéditos, orixinais e non premiados nin publicados. Os autores son responsables tanto deste punto como da autenticidade dos seus propios datos.
O tema será “Libre”. Cada participante podrá enviar un máximo de dous micropoemas que deben estar escritos en GALEGO en calquera das normativas, e presentarase ao concurso a través do correo electrónico
dosvilares@gmail.com ou do messenger do facebook de Os Vilares, lareira de soños-(www.facebook.com/osvilares).
Os micropoemas terán una extensión mínima de 2 versos e máxima de 5 versos sen incluir o título. Cada poeta poderá presentar un máximo de dous micropoemas a concurso e cada un deles serán xulgados individualizadamente e por separado. Cada micropoema debe ser apresentado por separado.
Admitiranse obras até o día 31 de marzo de 2017, ás 23.59 horas.
A organización do concurso reservase o dereito a eliminar aqueles micropoemas que podan ir en contra da protección da infancia, do respeto, ou induzan ou promovan actos delictivos, denigratorios ou violentos en cualquera das súas formas.
O xurado terá en conta a orixinalidade, técnicas empregadas, calidade e contenido do poema. O xurado estará composto por poetas da NPG Nova Poesía Guitirica. O fallo do xurado será inapelable e farase público a través dos distintos soportes dixitais de Os Vilares, lareira de soños e da NPG Nova Poesía Guitirica nas duas semanas posteriores ao peche do concurso.
Entre os micropoemas participantes, seleccionaránse os mellores que poderán integrar unha antoloxía, e entre eles escollerase ao gañador co premio que consistirá en trofeo acreditativo, edición da súa obra no blog poético e un lote de libros de poesía de importantes autores galegos. A edición da antoloxía do blogue poético será segundo criterio da NPG Nova Poesía Guitirica e Os Vilares, lareira de soños. Farase un acto poético publico cos premiados e poetas convidados.
O concurso poderá ser declarado deserto en función do número de micropoemas recibidos ou a calidade dos mesmos. Tamén o Xurado poderá facer mención especial de algún dos micropoemas participantes se considera que a súa calidade o merece, sen embargo, esta mención non conlevará compensación ou premio algún.
Polo feito de participar, os premiados autorizan a NPG Nova Poesía Guitirica e á Lareira de soños a editalos nos soportes fisicos ou dixitais que consideren incluindo o nome dos autores.
Os participantes aceptan as bases que rixen este concurso polo feito de participar no mesmo.
Cualquer dúbida sobre o contido destas bases será resolta polo xurado do certame.
A periodicidade do concurso “VILARIÑAS” de micropoemas será anual.
