por martinho | Mar 18, 2018 | Autores/as, Literaria, Novas, Publicacións, Xeral
O 3 de outubro de 1990 celebrouse no cemiterio de Guitiriz o enterro do poeta Xosé María Díaz Castro.
Imaxe do enterro de Díaz Castro
Cortexo fúnebre con Uxío Novoneyra, Darío Xohán Cabana, González Tosar e Manuel María entre outros
Ao seu funeral asistiron numerosas figuras de relevo da cultura galega como Manuel María, Uxío Novoneyra, Darío Xohán Cabana, Luís González Tosar, Miguel Anxo Fernán-Vello e Paco Martín. A cerimonia relixiosa foi oficiada polo seu amigo Alfonso Blanco Torrado, quen, entre outros textos do autor protagonista do Día das Letras Galegas 2014, recitou o seguinte:
¡Esta sede de lus, mentres o vento
da morte zúa darredor das cousas
que están no noso corazón, cincento……!
25 anos despois, o 2 de outubro de 2015 conmemorouse o cuarto de século do seu pasamento no cimeterio de Guitiriz e posteriormente na igrexa da súa parróquia natal, Os Vilares, con una acto na sua memória con amigos, estudosos, veciños e admiradores, e sobre todo poetas novos da sua vila que Armando Requeixo nomeou para aquela ocasión Nova Poesía Guitirica. Daquel acto, xurdiron novas iniciativas poéticas e o grupo foi medrando. Hoxe, dous anos e médio despois, CulturaliaGZ e a própria NPG recuperaron as intervencións daqueles poetas que chamaron ao evento “Afilhad@s de Pepe” para salvaguardar as palabras daqueles que con tanto agarimo prenderon a luz deste vento poético activo que desde o Vilariño sopra en toda a Chaira. Ademáis, naquela tarde de inverno, anunciouse a creación do prémio Diaz Castro de poesia. Amigos de Pepe como Xulio Xiz, familiares como Man Castro, estudosos e amantes da súa obra como Armando Requeixo, defensores e herdeiros do seu legado como Alfonso Blanco, a alcaldesa das homenaxes das letras, Regina Polín e sete afillad@s poétic@s, a desde aquela NPG, afillada de Pepe para que a poesía se asentara no Vilariño, nos Vilares, en Guitiriz, na Chaira e no mundo para sempre, publican en formato dixital o documento que acompañado dos vídeos de cada intervención, inmortalizan aquela data.
Podedes descargalo no ENLACE.
Os Vilares, lareira de soños
dosvilares@gmail.com
+34 662 183 149
www.dosvilares.com
www.facebook.com/osvilares
twitter@dosvilares1
por martinho | Mar 8, 2018 | Autores/as, Literaria, Novas, Publicacións, Xeral
Con motivo da celebración do Día Internacional da Muller 2018, Culturalia GZ e NPG decidiron publicar unha serie de textos poéticos de distintos autores, onde a temática se centra na figura da muller dentro da sociedade. Ditos textos, que non acadan a calificación de libro, nin iso pretenden, si amosan a fondura que suscita a urxencia pola reivindicación da igualdade e dos dereitos da muller.
Neste enlace podemos visualizar os versos que compoñen o FOLLETO POÉTICO.
Medre a Poesía!
por martinho | Mar 3, 2018 | Autores/as, Literaria, Novas, Publicacións, Xeral
DÍA DE ROSALÍA 2018 NA CASA HABANEIRA DE SANTABALLA
#AbrideAFiestra
O pasado 24 de febreiro na Casa Habaneira de Santaballa, a weblog cultural Culturalia GZ e o grupo poético NPG Nova Poesía Guitirica, en colaboración coa Liga Santaballesa, celebraron o Día de Rosalía 2018, baixo o lema #AbrideAFiestra, dentro dos actos promovidos pola AELG ao longo de toda a xeografía galega.
Nun acto conducido por Pas Veres, as nenas Érica Currás Blanco e Uxía Corral Eimil comezaron lendo o Manifesto do Día de Rosalía 2018, feito pola escritora María Reimóndez.
Despois apareceu naquel escenario poético de Santaballa a voz fonda das ROSALÍAS: Montse González Álvarez, Emilia Martínez Fuentes, María Pereira, Branca Villar, Asun Blanco, Pilar Maseda, Carmen Penín, Ana Mar Fraga Rábade, Ana Vila Portomeñe, Luz Airado, Mar Beres, Maica Pastoriza, Adolfina Mesa, Silvia Pardo e María Xosé Lamas.
Entre cada grupo de poetas participantes xurdiron os intermezzos musicais do acordeonista Manuel Figueira Mariño.
Nunha segunda parte deste evento rosaliano, do numeroso público asistente, emerxeron distintas voces co gallo de recitar os seus propios poemas ou os da poeta galega homenaxeada.
No seguinte enlace temos acceso ao libro dixital de dito evento poético.
Medre a Poesía!
por martinho | Feb 16, 2018 | Autores/as, Novas, Publicacións, Xeral
José Estévez presentounos a través do noso amigo, o poeta Moncho Bouzas este proxecto para a súa publicación en Culturalia GZ.
PORTUGALICIDADES, como o seu próprio título indica, é unha publicación colectiva de poetas galegos e portugueses. Esta é unha das numerosas iniciativas poéticas colectivas que ten desenvolvido o inquedo José Estévez e que ten traspaso con un notável éxito de participación as fronteiras do país ao entrar no proxecto grande número de versistas de fala portuguesa, e amosando así que non hai fronteiras linguísticas alén do Miño, que une moito máis do que separa. Culturalia GZ e NPG Nova Poesía Guitirica abren deste xeito os soportes cos que conta, á colaboración en irmandade con máis iniciativas e actividades poéticas, artísticas, e de estudo que así o desexen, e asumindo como próprias esas actividades.
Convidamos pois, a disfrutar desta grande obra colectiva, ver nela a poetas coñecid@s e descubrir autores/as que non tiveramos a aportunidade de valorar. O noso agradecendo a Moncho e José por ter confiado en nós para tan fermosa edición e poñer este produto exclusivo no nóso particular estraperlo poético.
Velaí o enlace a dito libro
Os Vilares, lareira de soños
dosvilares@gmail.com
+34 662 183 149
www.dosvilares.com
www.facebook.com/osvilares
twitter@dosvilares1
por martinho | Feb 15, 2018 | Autores/as, Novas, Publicacións, Xeral
Culturalia GZ da um paso máis na sua curta andaina. Nunha iniciativa que nasceu como um soporte humilde, é a xente da poesía e da cultura quen a fai medrar cada día. Con outra iniciativa tamén modestas en recursos pero grande en ideas e vontade, o grupo poético da NPG, nascido ao amparo do poeta Díaz Castro, as propostas súmanse en número e calidade, en variedade e en território. Así é que hoxe agasallamosvos con unha novidade chegada do país irmao, Portugal. Dous ensaios arredor de duas obras poéticas de Luís Serguilha (Plantar rosas na barbárie e Kalahari), un prestixioso poeta luso, da autoría de Ana María Rodrigues Oliveira, á que agradecemos que se teña lembrado de nós para facer a publicación destes trabalhos. Unha publicación máis arredor da poesía que vai enchendo a nosa estantería virtual neste ultramarinos da cultura. Velaí o enlace.
Mañá máis…
Os Vilares, lareira de soños
dosvilares@gmail.com
+34 662 183 149
www.dosvilares.com
www.facebook.com/osvilares
twitter@dosvilares1
por martinho | Feb 7, 2018 | Autores/as, Novas, Publicacións, Xeral
A pasada semana finou o artista chairego Anxo Lamas. Unha mala notícia para aquela xente que o coñeceu persoalmente ou que admirou a sua obra. Temos hoxe a oportunidade de visitar virtualmente a exposición das taboas que doou á Asociación Xermolos para a Casa de Díaz Castro e que se expón partilhada por diversos lugares de Galiza. Agora mesmo unha parte en Madia Leva! de Lugo, na Casa das Palabras de Guitiriz e na A.C. Alexandre Bóveda da Coruña. A NPG Nova Poesía Guitirica e a Asociación Socio-Cultural Lareira de soños teñen a deferencia de posibilitar a través de Culturalia GZ se vexan esas preciosas taboas con poemas de coñecidos bardos virtualmente polas fotografias realizadas en xuño de 2017 na Biblioteca González Garcés da Coruña, onde foi exposta na súa totalidade. Arte e poesía nunha fusión marabillosa realizada por Anxo Lamas, que recomendamos ver fisicamente pero que sirve para achegar deste xeito a quem non o coñecia e tamén como humilde homenaxe destes grupos por tan triste perda.
Velaí o enlace ao libro dixital onde aparecen recollidas as mencionadas táboas.
Os Vilares, lareira de soños
dosvilares@gmail.com
+34 662 183 149
www.dosvilares.com
www.facebook.com/osvilares
twitter@dosvilares1
