O Instituto de Estudos Chairegos, en colaboración do Concello de Vilalba e da Editorial Galaxia, organiza o xoves 18 de xaneiro de 2024, ás 19:30 horas, na Casa da Cultura de Vilalba, a Presentación do libro UN TAXI VERDE E UN CONCERTO, de TUCO CERVIÑO, que estará acompañado por MARISA BARREIRO, ANTÓN BAAMONDE e ELBA VELEIRO.
NOTA_INFORMATIVA_TUCO-CERVINO
O Instituto de Estudos Chairegos organiza o martes 16 de xaneiro de 2024, ás 19:30 horas, na Casa da Cultura de Vilalba, un acto no que se procederá á PRESENTACIÓN DO LIBRO E A INAUGURACIÓN DA EXPOSICIÓN TINTA DE FOL, de DAVID CUENCE e BOROA, e que contará tamén cunha DEMOSTRACIÓN PICTOACÚSTICA.
NOTA_INFORMATIVA_TINTA-DE-FOL
O sábado 13 de xaneiro de 2024 ás 18 h será presentado na Casa de Cultura de Antas de Ulla o número 7 da revista Cairón. Boletín do Instituto de Estudos Ulloáns.
O acto, coordinado polo poeta seoanés Xosé Luis Santiso, contará coas intervencións de Pilar García Porto, alcaldesa de Antas de Ulla e responsable da área de Promoción do Territorio e Turismo da Deputación de Lugo; Paula Carballeira, escritora e actriz; Teresa Batán, bibliotecaria e dinamizadora cultural; Xulio Cuba, historiador; e Francisco Pardo, director do IEU.
Contarase ademais coa actuación da actriz Vanesa Ferreiro, que interpretará un fragmento de Acto único. Un cabaret do máis normal, obra teatral inédita escrita por Paula Carballeira e cedida pola autora para a súa publicación en Cairón nº 7.
Realizaranse outras presentacións de Cairón, en Monterroso, posiblemente o sábado 20 de xaneiro pola mañá, e en Palas de Rei o 27 de xaneiro, tamén pola mañá. En calquera das tres presentacións as persoas socias do IEU poderán recoller o seu exemplar da revista.
Cairón. Boletín do IEU
O Instituto de Estudos Chairegos, coa colaboración do Concello de Vilalba e da Editorial Galaxia, organiza o venres 12 de xaneiro de 2024, na Casa da Cultura de Vilalba, ás 20:00 horas, a presentación do libro O PASO EN FALSO, do que é autor ABRAHAM PÉREZ.
O acto, primeiro deste novo ano 2024, contará coa presenza do propio autor do libro, Abraham Pérez, e de Miguel Ángel Martínez Quintanar, filósofo e ensaísta.
NOTA_INFORMATIVA_ABRAHAM-PEREZ
Fillas de Cassandra presenta Últimas Dionisíacas, o seu novo directo, “un convite ao festexo colectivo e catártico” que verá a luz o 16 de febreiro en Vigo
A presentación do novo show de María SOA e Sara Faro, no que estarán acompañadas doutras dúas músicas, terá lugar o venres 16 de febreiro ás 22.00h no Auditorio Mar de Vigo e as entradas xa están á venda en www.teuticket.com
Nestas Últimas Dionisíacas, Fillas de Cassandra revisitará os temas máis recoñecidos de Acrópole, o seu álbum debut, desde unha electrónica máis escura e potente, mais tamén dará a coñecer temas inéditos que formarán parte do seu próximo LP
Logo de derrubar a Acrópole e subir aos altares das grandes salas de concertos e festivais do país coas súas letras directas e a forte conexión co público, Fillas de Cassandra bota unha última ollada á polis. Este 2024 o dúo regresa cun novo directo, Últimas Dionisíacas, unha proposta na que demostrará que a mestura entre o tradicional, o pop e o techno ten un efecto catártico. A presentación terá lugar o venres 16 de febreiro no hall do Auditorio Mar de Vigo e as entradas están á venda desde esta mesma mañá a través da plataforma www.teuticket.com
Fillas de Cassandra, o dúo conformado por María SOA e Sara Faro, subirase de novo aos escenarios o vindeiro mes de febreiro cunha nova proposta escénica e musical, na que fará unha nova lectura dos temas máis recoñecidos do seu primero LP, Acrópole, desde unha electrónica máis escura e potente; ademais de recuperar algúns dos sinxelos publicados nos últimos meses e avanzar outros inéditos para o público.
“Últimas Dionisíacas é un espectáculo que aposta polo inédito, que existe só no aquí e agora do directo, sen chegar a reproducirse nunca. Cantos efímeros, revisitacións da Acrópole e parte do que ha de ser o noso próximo traballo discográfico convive nunha única escena atravesada pola luz, a escenografía e moito do in-desvelable”, explica o dúo.
Así, neste novo directo, concibido por Sara Faro e María SOA como un “festexo colectivo e catártico, que só pode acontecer na convivencia entre o público e o palco”, a luz e a escenografía terán un papel moi relevante. Ademais, entre as novidades da proposta, o dúo estará acompañado doutras dúas músicas (Tania Caamaño e Marina Vidal), apostando así pola organicidade do piano, o bombo legüero, as pandeiretas, os pandeiros, violín ou as harmonías vocais en rigoroso directo, mais sen esquecer as bases electrónicas producidas por María SOA e Berto.
A presentación de Últimas Dionisíacas, a nova proposta musical e escénica de Fillas de Cassandra, terá lugar o venres 16 de febreiro no hall do Auditorio Mar de Vigo. A apertura de portas será ás 21.30 horas e o concerto comezará ás 22.00 horas. As entradas pódense adquirir desde esta mesma mañá, desde 18 euros, a través de www.teuticket.com
Na seguinte ligazón vai un vídeo de 2 minutos que tenta resumir toda a actividade que en 2023 desenvolveron desde a Casa-Museo Manuel María e que esperan continuar realizando coa participación e apoio da cidadanía ao longo deste 2024.