Acto de entrega de premios do VIII Certame de Microrrelatos de Vilalba
Este pasado sábado, 5 de setembro, o salón de actos da Casa da Cultura de Vilalba acolleu o acto de entrega de premios do VIII Certame de Microrrelatos de Vilalba, que organiza o Concello de Vilalba, coa colaboración de Culturalia GZ.
O acto estivo presidido pola Alcaldesa de Vilalba, Marta Rouco Seoane, acompañada da Concelleira de Cultura, Mónica González Fernández, e a Concelleira de Comercio, Turismo e Promoción da Lingua, Mª Xosé Fernández Pardo.
Unha a unha, as persoas premiadas (agás o gañador do 2º premio na categoría adulta, Cándido Paniagua Pousa, de Xinzo de Limia, que non puido asistir) foron acudindo á chamada de Martiño Maseda, administrador de Culturalia GZ, que exercía de condutor da entrega de premios. E, despois de leren cadanseu microrrelato, as premiadas recollían o galardón que respectivamente lles ían entregando as representantes do concello vilalbés.
Mentres a agrupación musical Árdelle o Eixo se encargou de amenizar musicalmente o comezo da cerimonia.
A relación de obras e autores/-as galardoadas foi a seguinte:
Categoría Infantil:
1º Premio: Leah Ferreiro García (Vilalba), co seu microrrelato QUÉROTE, AVÓ.
2º Premio: Carmen López Tenreiro (Vilalba), polo microrrelato O BOSQUE DAS MIL MARABILLAS.
3º Premio: Antía Pérez Cendán (Vilalba), co microrrelato AS AMÉRICAS.
Categoría Xuvenil:
1º Premio: Darío Pita Rodríguez (Ferrol), polo microrrelato O SOBRADO.
2º Premio: Duarte Mariño Torrado (Porto do Son), polo microrrelato OLA, HAI ALGUÉN AÍ?
3º Premio: Adriana Garrido Santos (Vilagarcía de Arousa), co microrrelato O LIBRO.
Categoría Adulta:
1º Premio: Patricia Torrado Queiruga (Porto do Son), co microrrelato HISTORIA UNIVERSAL.
2º Premio: Cándido Paniagua Pousa (Xinzo de Limia), polo microrrelato Á HORA ACORDADA.
3º Premio: Alba Sánchez Ares (Santiago de Compostela), co microrrelato APOÑENDO.
En datas vindeiras, os microrrelatos premiados na presente edición xunto aos galardoados na edición de 2025 serán editados nunha publicación a cargo de Alvarellos Editora.