O Instituto de Estudos Chairegos, coa colaboración do Concello de Vilalba, organiza a representación do espectáculo de teatro expresivo ESTAREI ATÉ A FIN, de Zoe Iriarte, a cargo do grupo ZOEVIXIÓN.
O acto é posible grazas a financiación e patrocinio da Área de Cultura-Vicepresidencia da Deputación de Lugo, a través da convocatoria do Circuíto de Teatro Profesional 2025.
O evento terá lugar o sábado 20 de decembro de 2025, ás 20:00 horas, na Sala de Exposicións do Auditorio Municipal de Vilalba.
O acto é posible grazas a financiación e patrocinio da Área de Cultura-Vicepresidencia da Deputación de Lugo, a través da convocatoria do Programa MÓVETE 2025.
O evento terá lugar o venres 19 de novembro de 2025, ás 19:00 horas, na Sala de Exposicións do Auditorio Municipal de Vilalba.
Actriz-titiriteira: Marián González – Dirección: Manuel Román – Música orixinal: Jesús Lana Celaya – Escenografía e marionetas: Marián González – Dramaturxia: Manuel Román e Marián González – Público: Todos os públicos. Preferentemente a partir de 6 anos. – Produción: Nao Caracola – Duración: 40 min.
Este sábado, día 13 de decembro, às 20 h, na Casa-Museo Manuel María acolleremos o concerto de PANOSEDÁN. O trío conformado por PILOCHA, LIS LATAS E PABLO GONZÁLEZ presentan o seu traballo discográfico Rosas e cravos.
Nel recollen pezas do noso patrimonio popular galego-portugués e poemas musicalizados, moi populares, da nosa literatura. Música onde se combina tradición, emoción e novas sonoridades moi populares. Así poderemos escoitar Romance de don Gaiferos; Quen puidera namorala; Menina estás à janela; Adiós ríos, adiós fontes; O alecrín; Dá-me uma gotinha de água; Lela; Señora do Almortão; Unha noite na eira do trigo; e O sacristán de Coimbra.
Suspendida no val do río Poqueira, coma un branco eirado que se ergue a 1500 m de altitude, destaca Capileira, un deleite para a vista e un bálsamo para o espírito. Ao fondo a sombra protectora dos dous grandes xigantes de Serra Nevada —Mulhacén e Veleta— engade grandeza e solemnidade a unha paisaxe que namora.
Nesta comarca granadina das Alpujarras latexa a memoria galega que se remonta a máis de catro séculos, cando chegaron familias enteiras procedentes de Galicia, como consecuencia da repoboación levada a cabo no reinado de Felipe II, tras a expulsión dos mouriscos.
Deste feito dan boa conta os numerosos apelidos que aínda hoxe resoan entre os vales e os pobos brancos da serra: Castro, Souto, Varela, Freire, Barreiro, Figueroa…
Pero a chegada dos galegos ás Alpujarras non só foi un movemento demográfico, foi tamén un acto de mestizaxe cultural nesta terra, xa por aquela, lugar de encontro de culturas. Un exemplo é o magosto que se celebra en Capileira.
Como na maioría do rural de España, tamén aquí a xente nova viuse na obriga de abandonar a súa terra e emprender o camiño da emigración na procura dunha vida máis digna. Mais hai un día no ano, o primeiro de novembro onde regresan todos para participar comunitariamente na “Mauraca”, vocablo que provén do término local “maurar” que significa asar castañas.
Familias e visitantes xúntanse para asar castañas nas fogueiras e beber anís, como herdanza dos poboadores que chegados do noroeste da Península trouxeron o costume do magosto. Máis ca unha festa, é un rito colectivo que mantén viva a memoria daqueles galegos que hai séculos sementaron nestas terras vidas novas —os castiñeiros—, que arraigaron na serra, ao igual que os seus amos e, que aínda hoxe, seguen a dar o seu froito: un símbolo de unión entre Galicia e as Alpujarras.
A banda de multiinstrumentistas actuará na noite do sábado 6 na décima edición da Foliada da Fonsagrada; mentres que o día 20 subirá, ás 19.30 horas, ao escenario do Centro Ágora coruñés
De Ninghures prepárase para festexar as dúas últimas ‘feiras’ do ano. A banda regresará ao lugar no que naceu o proxecto musical, a Foliada da Fonsagrada, para presentar o seu segundo LP, ‘Feira’. A actuación será ás 23.00 horas do sábado 6, noite na que compartirá cartel con Baiuca, Melidaos e A Duendeneta.
Ademais, o formación subirá ao escenario do Centro Ágora da Coruña o sábado 20, no marco do festival ‘Por amor á palabra solidariedade’, promovido pola Asociación Veciñal da Agra do Orzán. O concerto de De Ninghures comezará ás 19.30 horas e a entrada será libre ata completar a capacidade do auditorio.
‘Feira’ (2025, Tremendo Audiovisual) é o segundo LP dunha orixinal banda de multiinstrumentistas procedentes de Arzúa, Costa da Morte, A Fonsagrada e Santiago de Compostela. Sete artistas (Adrián, Aldara, Cataqui, Hadrián, Manu Lucas, Marta e Tomé) que traballan coa tradición popular galega dun xeito artesán, cunha sonoridade e discurso moi característico, coa intención de levala á escena actual. Da man do produtor Juan de Dios, recoñecido recentemente co galardón á Mellor Produción Discográfica por ‘Feira’ nos I Premios da Industria da Música de Galicia, a banda revisita, actualiza e reivindica o patrimonio cultural do país.
Desde a presentación do álbum na Sala Capitol en marzo (no que a formación pendurou o cartel de ‘entradas esgotadas’), De Ninghures percorreu máis de 40 escenarios, tamén do estranxeiro. De cara ao 2026 a banda levará ‘Feira’ por distintas cidades de España no marco do ciclo AIEnRuta, que conta co apoio de AIE e Agadic.
DE NINGHURES – ‘FEIRA’ EN DIRECTO
Sábado 6 de decembro, 23.00 horas. Foliada da Fonsagrada.
Sábado 20 de decembro, 19.30 horas. Centro Ágora (A Coruña).
As historias de Bemol Pequeno son unha serie de contos e cancións interactivos en directo pensados para que o público familiar e infantil participe. En Bemol pequeno tense que resolver o misterio da música desaparecida da man da Meiga Xela. Un contacontos musicado recomendado para crianzas. O espectáculo presenta conceptos básicos da música como o volume, o ton, as familias de instrumentos, as notas musicais.
Para asistir a esta actividade para crianzas entre 3 e 8 anos, é preciso reservar (billete 2 euros) no seguinte enderezo electrónico contacto@casamuseomanuelmaria.gal ou no whatsapp 698177621
