Paco Nogueiras estará este sábado, 26 de xaneiro, ás 18 horas, na Casa-Museo Manuel María, co seu espectáculo musical Radio Bulebule. O medio radiofónico inspira este espectáculo que se recolle nun libro-CD composto de doce cancións en que a modo de programación dunha peculiar emisora non faltan a sintonía de entrada, axenda cultural, faladoiro, magazine de variedades -tendencias, ciencia, natureza…-, música, noticias, deporte, previsión metereolóxica…
Esta radio itinerante, ambulante e cantante convídanola a vivir en directo Paco Nogueiras a través dun espectáculo participativo, con colorido e expresividade e cunha chea de composicións e melodías que destacan polos ritmos modernos, pegadizos e bailábeis.
As entradas (2 euros o billete) deste espectáculo dirixido para as crianzas e familias (acaído para nenas e nenos entre os 5 e os 11 anos) poden reservarse en contacto@casamuseomanuelmaria.gal.
*Información facilitada pola Casa-Museo Manuel María.
Acto: Descuberta do rótulo que designa a Biblioteca Municipal de Lugo como BIBLIOTECA MUNICIPAL ISIDRO NOVO (Por acordo unánime do pleno municipal en sesión celebrada a finais de outubro de 2018).
MIHL (Museo Interactivo da Historia de Lugo)
Parque da Milagrosa
Ao remate do acto precedente trasladarémonos ata o salón de actos do MIHL para a presentación do libro “Isidro Novo 1951 -2018).
No seguinte enlace vai unha reseña breve co programa de actos para o 1 de febreiro
O sábado pasado, 19 de xaneiro, tivo lugar no Auditorio MANUEL MARÍA de Ribadavia a presentación en terras galegas da Colectánea de Poesía Luso-Galaica, coordinada por Ester de Sousa e Sá. Nesta antoloxía poética recóllese a achegamento das emocións manadas dos versos escritos e recitados en dúas linguas irmás, o galego e o portugués.
O pasado venres, 18 de xaneiro, o salón de actos da Casa da Cultura de Vilalba, acolleu a presentación do libro POEMAS Y CATARSIS, da artista multidisciplinar Adolfina Mesa. Un acto concorrido, onde a disección literaria dos tamén autores, Ana Mar Fraga Rábade e Toño Núñez, serveu para converter o típico evento de presentación dun poemario nunha distendida conversa entre os participantes na mesa (Martiño Maseda, representando a Culturalia GZ, os mencionados Tono Núñez e Ana Mar Fraga Rábade, Chery Grandío, en nome do Concello de Vilalba, e a propia Adolfina Mesa) e o público asistente.
Velaí vai unha reportaxe fotográfica que recolle distintos momentos vividos durante a devandita presentación poética.
Adxúntase cartaz e nota informando do acto de presentación do Caderno de Estudos Chairegos, nº 9, que terá lugar na Casa da Cultura de Vilalba, o vindeiro venres, día 25 de xaneiro, ás 20:30 horas.
