ENTROIDO 2018 no Concello de Vilalba

por martinho | Feb 6, 2018 | Autores/as, Novas, Xeral

O martes 13 de febreiro teremos o concurso de entroido, co desfile de murgas e comparsas polas rúas da vila ás 17.30h, amenizado coas charangas de Vilalba e Charanga DGT de Betanzos, e o grupo Fanfarria Taquikardia.

Posteriormente efectuarase a entrega de premios na carpa institucional da Praza da Constitución.

O prazo de inscrición comeza o mércores 17 de xaneiro ata o venres 9 de febreiro, na oficina de Cultura do Concello, en horario de mañá, de 09:00 a 14:00 horas, ou ben através do formulario adxunto.

Para consultar ás bases prema Bases Concurso de Entroido 2018

En caso de condicións climatolóxicas adversas os actos celebraránse na carpa institucional.

ENTERRO DA SARDIÑA

O mércores 14 de febreiro terá lugar o tradicional Enterro da Sardiña, ás 20.30h na Praza de Sta. María, organizado pola Escola Municipal de Teatro de Vilalba e co acompañamento musical do Grupo Mato Vizoso.

*Información facilitada pola Área de Cultura do Concello de Vilalba

Exposición “Personaxes” de Carmen Prado na Casa da Cultura de Vilalba

por martinho | Feb 6, 2018 | Autores/as, Novas, Xeral

Exposición de pintura de Carmen Prado na sala de exposicións da Casa da Cultura de Vilalba, mostra que leva por nome Personaxes.

A exposición permanecerá aberta dende o día 8 de febreiro ata o 2 de marzo de 2018, ambos inclusive, podéndose visitar dentro do horario da casa da cultura.

A data de inaguración será, o xoves 8 de febreiro ás 19:30h.

*Información facilitada pola área de Cultura do Concello de Vilalba