por martinho | Ene 18, 2018 | Autores/as, Novas, Xeral
<A XUNTA APROBA A RESTAURACIÓN DOS FRESCOS RENACENTISTAS DE OS VILARES E LABRADA A INICIATIVA DO BNG>
Os frescos do S.XVI foron descubertos en 1992 e a súa restauración foi unha demanda constante en Labrada por parte do parroco Luís Angel Rodríguez Patiño e nos Vilares da Asociacion Socio-Cultural lareira de soños, promotora da iniciativa.
Finalmente houbo acordo entre o BNG e o PP e saiu aprobada a iniciativa nacionalista coa emenda que presentaron os populares.Apoiaron todos os grupos da Comisión de Cultura do Parlamento agás o PSOE que se abstivo porque din que non querían comprometer á deputación ou obrigala a financiar o proceso de restauración malia que na iniciativa pídese que senten todas as administracións e o Arcebispado a falar para ver que fará cada quen.
Garantese asi o compromiso do Goberno por escrito para a financiacion dos estudos e da reabilitación das pinturas murais de Os Vilares e Labrada, reivindicación casi histórica do crego de Labrada por unha banda e da Asociación Lareira de soños dos Vilares pola outra.
Desde a Lareira de soños aguardamos que a actuación sobre as pinturas se acometa nun breve espazo de tempo para que non sigan deteriorándose os muráis, especialmente os dos Vilares, nun estado realmente preocupante.
Aproveitamos para agradecer ao BNG o trabalho realizado e en particular á deputada Olalla Rodil o interese demostrado.
Adxntamos o texto definitivo que se publicará nos vindeiros dias no Boletín Oficial do Parlamento:
“O Parlamento de Galicia insta á Xunta de Galicia a:
- Avaliar o estudo técnico en proceso de elaboración unha vez rematado, para estudar tanto o estado de conservación dos frescos situados nas igrexas parroquiais dos Vilares e Labrada (Guitiriz) e as medidas a adoptar para frear o seu deterioro e garantir a súa conservación.
- Abrir un espazo de diálogo co Arzobispado, o Concello de Guitiriz e a Deputación de Lugo para acometer as actuacións de consolidación e restauración que sexan precisas.”
Os Vilares, lareira de soños
dosvilares@gmail.com
+34 662 183 149
www.dosvilares.com
www.facebook.com/osvilares
twitter@dosvilares1
por martinho | Ene 18, 2018 | Autores/as, Novas, Xeral
Entroido 2018
O martes 13 de febreiro teremos o concurso de entroido (velaquí as bases), co desfile de murgas e comparsas polas rúas da vila ás 17.30h, amenizado coas charangas de Vilalba e Charanga DGT de Betanzos, e o grupo Fanfarria Taquikardia.
Posteriormente efectuarase a entrega de premios na carpa institucional da Praza da Constitución.
O prazo de inscrición comeza o mércores 17 de xaneiro ata o venres 9 de febreiro, na oficina de Cultura do Concello, en horario de mañá, de 09:00 a 14:00 horas, ou ben através do formulario da nosa web: www.vilalba.org
En caso de condicións climatolóxicas adversas os actos celebraránse na carpa institucional.
ENTERRO DA SARDIÑA
O mércores 14 de febreiro terá lugar o tradicional Enterro da Sardiña, ás 20.30h na Praza da Constitución, organizado pola Escola Municipal de Teatro de Vilalba e co acompañamento musical do Grupo Mato Vizoso.
*Información facilitada pola área de Cultura do Concello de Vilalba
por martinho | Ene 18, 2018 | Autores/as, Literaria, Novas, Publicacións, Xeral
De terras do poeta antón Avilésde Taramancos cheganos unha xoia poética da man do bardo Moncho Bouzas.
Nado en 1971 na Vila de Esteiro á beira norte da Ría de Muros e Noia, a máis alta das rías baixas. Pai de dous fillos, vive en Queirís no vértice da Ría de Betanzos, na coroa da área metropolitana da Coruña.
Licenciado en Ciencias Económicas e Postgraduado en Banca e Institucións Financieiras pola Universidade de Santiago de Compostela, formou parte do Batallón Literario da Costa da Morte participando en numerosos recitais poéticos e en publicacións colectivas.
Culturalia GZ e NPG Nova Poesía Guitirica presentamos o poemário Argonauta de Moncho Bouzas, ilustrado con fotografías do Biólogo e divulgador científico Xurxo Mariño e obras da pintora Amalia Costa. É a recompilación de vinte vellos poemas escritos no século pasado, todos eles lidos en recitais do Batallón Literario da Costa da Morte polo autor, e que agora ven a luz en formato de libro dixital nos soportes virtuais www.culturaliagz.com e www.galiciadigital.com e que poderán ser descargadas gratuitamente en PDF. Velaí o enlace a dito poemário.
Unha nova publicación dixital dun poemário que se suma a várias colectivas e a outras que temos preparadas. Estreamos, asi un espazo aberto a creadores para a difusión das suas obras poéticas e literárias en formato dixital e gratuito que agardamos sexa aproveitado por grande cantidade de escritores e artistas.
Esta obra de Moncho Bouzas permite recuperar para o público un activo poético criado a carón do êxitos e histórico Batallón Literário da Costa da Morte, desta volta desde As Mariñas coruñesas donde reside e desde onde impulsa o grupo Voces Poéticas do Mandeo co que colaboramos desde a NPG.
Vinte poemas de Moncho, recuperados do passado século pero tan actuais como o pulso poético do seu autor, un inquedo facedor de versos e amizades que ten gañado a admiración polos seus versos de aqueles que os leen ou escoitan e a amizade de quen o trata. Convidamos pois a saborear estas vinte xoias do ARGONAUTA, primeira obra poética individual que editamos, e coa que se estreamos tamén o poeta, que na nave argonauta que zarpou desde a ria de Muros as augas da Costa da Morte para remontar o Mandeo até o seu nacemento, na Cova da Serpe nunha longa singladura que foi, carga da de experiências cal viaxe á súa particular Itaca
En verbas do própio Moncho:
“Eu teño interiorizada, desde a participación no Batallón Literario da Costa da Morte, o concepto da poesía como unha forma de activismo colectivo. Polo tanto, concibo ARGONAUTA como unha aportación máis a este espazo poético que felizmente conformamos e conscientemente impulsamos.
O importante, para min, non é o meu breve poemario senón o ámbito social arredor da poesía que xurde do que a min me gusta denominar Grupos Poéticos Cidadás de Base.
Estou ao servizo desa idea e ofrezo ARGONAUTA xustamente porque percibo que podo participar alonxado de criterios individualistas.”
