A partir deste vindeiro sábado, 14 de outubro dará comezo a 2ª edición dos Sábados de Teatro. Outono 2017 que organiza o IESCHA en colaboración coa Área de Cultura da Deputación de Lugo, dentro do seu proxento global de teatro Buxiganga’2017. Todas as sesión teatrais terán lugar no Auditorio Municipal de Vilalba, e a entrada será de balde.
No seguinte enlace temos información desta 2ª edición de teatro outonizo en Vilalba.
*Datos facilitados polo IESCHA
Un verso en memoria de Xohana Torres ” Nós tamén navegar” deu nome a un Congreso sobre os últimos 40 anos de poesía galega que se celebrou no Pazo da Cultura de Pontevedra durante os días 6 e 7 de outubro.
Creadoras, analistas, críticas e, sobre todo, poetas que concordaron en que, adoptando calquera das súas múltiples formas, hoxe máis ca nunca, a poesía é necesaria.
Medre, pois, a POESÍA!
Velaí unha pequena galería fotográfica que reflicte momentos de dito acto:
Co apoio da Concellaría de Cultura, Turismo, Xuventude e Promoción da Lingua do Concello de Lugo e a colaboración do Centro Cultural Vello Cárcere (rúa Alcalde Anxo López Pérez, 34) a Asociación de Escritoras e Escritores en Lingua Galega (AELG) celebra a sétima edición de Letra das Festas, revista oral que ten lugar polo San Froilán. Será no salón de actos do Centro Cultural Vello Cárcere, o martes, 10 de outubro, ás 18:00 horas, con entrada gratuíta até completar aforo.
Contan:
Ambientación musical:
Coordinan e presentan
*Información facilitada pola AELG
A Comarca da Terra Chá, horizonte megalítico de moitas lendas. As estructuras megalíticas constituen unha das parcelas menos coñecidas do noso patrimonio. Os Concellos do sur lucense, contan cun importante conxunto de túmulos e necrópolis, sendo a maioria das veces tapado pola vexetación, o que dificulta distinguilos na paisaxe.
A construcción destes enterramientos como primeira humanización na nosa paisaxe galega, adaptando o medio o home.
Megalitismo galego entre os milenios V e III a.c. Nalgunhas mámoas e covas aparecen restos do que poderían ser pinturas.
Fai máis de tres mil anos, no Neolítico, os antigos poboadores de Galicia, enterraban os seus líderes e clans, en tombas construidas con grandes lousas de granito, e cubetas de terra, e con forma de mama, por iso en Galicia reciben o nome de mámoas.
Case en tódalas aldeas atopamos, penedos, Outeiros, fontes, castros e mámoas, que son propiedade de seres míticos. Arqueoloxia e xenética, demostra que esta era unha zona compacta no paleolítico en Galicia, ó seu núcleo orixinal a poboación Céltica, que seguindo ao norte chegou a Irlanda.
Cantas lendas viven na nosa terra, dende a beiramar ata as altas montañas orientas.
A mámoa de Amenido, aparece na noite maxica de San Xoán, un feixe de galiñas e pitos de ouro, conta a lenda que enfeitiza, que sean debaixo do dolmen.
O MONTE DO CEO.
Danza reveladora doutra harmonía, carballos centenarios, fermosas fervenzas, xoias da natureza, benvido sexas viaxeiro, sentirás no ánimo a vella historia; a danza da treboada nos vellos carballos, sinfonía máxica.
Máxico País ergueito ante min, pingas de auga sostidas nunha folla, paixón litúrxica ,algarabía collida en desexos,alí onde o vento é a música para o espírito.
Espertan os ríos, alí onde nacen vellos, e deixan obrigas, tesouros do noso rurai, plantío novo, prender a alma con fios verdes, e ser somente libres.
A paisaxe vai pegada ao cristal da vida, nun tren de cantigas novas; Mámoa de Amenido que soia quedache na antiga carballeira, achegase a tí a lenda do medallón perdido, e a pita de ouro cos sete pitiños.
Ana Mar Fraga Rábade.
,
Nesta segunda edición foron seleccionadas trece obras finalistas
O xurado do Premio Mondoñedo10 reunirase o domingo, 15 para elixir o poemario gañador
Mondoñedo, 7 de outubro de 2017
A Asociación As San Lucas en colaboración co Colectivo Mondoñedo É … e o Concello de Mondoñedo convocaron a segunda edición do galardón denominado Premio Mondoñedo10 co obxectivo de establecer vínculos permanentes entre a cidade e o concello que lles dá nome coas mellores obras de creación cultural producidas en Galicia e en galego nos últimos dez anos.
Na edición correspondente a este ano 2017, o Premio Mondoñedo10 concederase na modalidade de Poesía á mellor obra escrita orixinalmente en galego e cuxa primeira edición fose publicada en calquera soporte nos 10 anos anteriores ao desta convocatoria; ou sexa, entre 2007 e 2016, ambos inclusive.
Tal e como reza na base segunda das normas que regulan a convocatoria: “Serán obxecto da deliberación final os títulos que en prazo e forma decidan os membros do xurado e que só terán opción de propoñer en cada caso un máximo de dúas obras”. Os poemarios seleccionados son:
01-Atravesar o fantasma, de Carlos Callón, Edicións Xerais, 2014.
02-Carne de Leviatán, de Chus Pato, Editorial Galaxia, 2013.
03-Celebración, de Gonzalo Hermo, Apiario, 2014.
04-Cráter, de Olga Novo, Toxosoutos, 2011.
05-Duración da penumbra, de Miguel Anxo Fernán Vello, PEN Galicia, Xunta de Galicia, Afundación, 2016.
06-Estirpe de sombras, de Raida Rodríguez Mosquera, Editorial Barbantesa, 2014.
07-Estúrdiga materia, de Luis González Tosar, Editorial Galaxia, 2008.
08-Eu violei o lobo feroz, de Teresa Moure, Através Editora, 2013.
09-Hordas de escritura, de Chus Pato, Edicións Xerais, 2008.
10-Leopardo son, de Pilar Pallarés, Espiral Maior, 2011.
11-Os ángulos da brasa, de Manuel Álvarez Torneiro, Kalandraka, 2011.
12-Profundidade de campo, de Yolanda Castaño, Espiral Maior, 2007.
13-Sextinario: trinta e seis + tres, de Marica Campo, Sotelo Blanco, 2007.
O xurado, integrado por representantes do Consello da Cultura Galega, Real Academia Galega, Asociación de Escritores/as en Lingua Galega, Pen Clube Galicia, Asociación Galega de Editoras, Federación de Librarías de Galicia e Concello de Mondoñedo e no que actúan como presidente Antonio Reigosa, Cronista Oficial de Mondoñedo e como secretario Fran Bouso por designación da organización, reunirase o vindeiro domingo, día 15 de outubro ás doce do mediodía na Biblioteca do Seminario “Santa Catarina” (*) para escoller a obra gañadora desta segunda edición do certame. Ao remate da sesión farase pública a decisión do xurado.
A entrega do premio celebrarase o domingo, 22 de outubro no Auditorio “Pascual Veiga” no transcurso dun acto solemne que dará comezo ás 12 e media do mediodía. O autor ou autora do poemario seleccionado recibirá unha peza escultórica única realizada polo artista plástico Juan Bautista Puchades Quilis e un diploma acreditativo deseñado por J. Pedro Gómez. Este evento está enmarcado dentro dos actos de celebración das Feiras e Festas das San Lucas que se iniciarán o martes 17 co pregón do escritor e xornalista de ascendencia mindoniense, Miguel Anxo Murado e rematarán o domingo, 22.
Na primeira edición correspondente ao ano 2016 para elixir a mellor obra de Narrativa publicada en galego entre os anos 2006 e 2015 o xurado decidiu outorgarlle o galardón á obra “Os libros arden mal” da autoría de Manuel Rivas, publicada por Edicións Xerais de Galicia, col. Narrativa, 20016.
O prestixio decantado ao longo dos séculos por institucións e persoeiros de ascendencia ou residencia mindoniense, así como a recoñecida achega destes á cultura galega en xeral, xustifican a creación destes recoñecementos que se entregarán anualmente co fin de contribuír a salvagardar para a memoria do presente e do futuro da lingua e da cultura galegas aquelas obras que a xuízo do xurado correspondente o merezan.
(*) BIBLIOTECA DO SEMINARIO
O Seminario de Mondoñedo alberga unha das bibliotecas máis importantes de Galicia tanto elevado número de volumes, supera os 30.000, coma polo valor patrimonial de moitos deles. Conta con 22 incunables con certificade de autenticidade (impresos antes do ano 1500) que se conservan en perfecto estado. O máis antigo dos incunables, Leyenda Mayor de San Francisco, data do século XIII. Outra das xoias da biblioteca é unha Bliblia políglota en seis tomos, escrita en grego, persa, latín etíope, caldeo, siriaco, árabe e hebreo que foi realizada en Londres no ano 1657.
Está situada na primeira planta da parte máis antiga do Seminario “Santa Catarina” e ocupa unha superficie de 120 metros cadrados.
En arquivos adxuntos serán remitidas as bases e xustificación deste premio así como unha versión en PDF desta nota.
Para máis información e/ou aclaracións:
Antonio Reigosa, Cronista oficial de Mondoñedo e Presidente do Xurado:
655432511 reigosa@mundo-r.com
Fran Bouso, Secretario do xurado:
647468672 (de tarde en días laborais) fbouso76@gmail.com
*Información facilitada pola organización do MONDOÑEDO10.