O sábado 21 de decembro a partir das 20:00 h., o salón de actos da Casa da Cultura de Vilalba acollerá unha nova edición do Recital Poético Solidario Internacional. Verso, que traes? Esperanza.

Este recital, organizado pola Asociación de Veciños de Nete e Culturalia GZ, e coa colaboración do Concello de Vilalba e Somos Unidos por el Cáncer, terá como causa solidaria Poesía contra o cancro, coa que se pretende recadar fondos para a loita contra esta enfermidade que afecta de modo xeneralizado á poboacion.

Poetas coma Pilar Maseda, Ana Mar Fraga Rábade, Beatriz Dourado, Montse González Álvarez, Branca Villar, Emilia Martínez Fuentes, Daniel Irimia, José Carlos Ulloa, Xesús Bermúdez, Luís Teixeiro (e outros nomes aínda por confirmar) achegarán os seus versos para solidarizarse na causa contra o cancro. Ademais traerán cadanseu libro que servirá de agasallo, despois do pertinente sorteo das entradas entre as persoas asistentes.

As entradas terán un prezo de 5 €, agás para as persoas menores de 12 anos, que entrarán de balde. A adquisición de ditas entradas pode facerse a través da Asociación de Veciños de Nete.

Anímate e Colabora!