TINO BAZ PRESENTA “SI CANTAN, ES TI QUE CANTAS” NA CASA-MUSEO MANUEL MARÍA
Tino Baz interpreta este próximo sábado, día 7 de marzo, ás 20 horas, once poemas de Rosalía (oito deles pertencentes a Follas Novas e tres a Cantares Gallegos) nun concerto encadrado dentro das actividades que vén desenvolvendo estas últimas datas a Casa-Museo Manuel María en volta da celebración, o pasado 24 de febreiro, do Día de Rosalía.
Si cantan, es ti que cantas é o título da obra discográfica en que Tino Baz interpreta de maneira monográfica a poesía de Rosalía. Textos tratados melodicamente por este músico e cantor que en 2007 editou o traballo
musical Cinsa namorada.
Os billetes (5 euros) para ver o concerto poden reservarse en contacto@casamuseomanuelmaria.gal