Sinsal SON Estrella Galicia activa o 5 de maio a venda de abonos para asistir á nova edición do festival, que se celebrará os días 21, 22 e 23 de xullo na Illa de San Simón
Os abonos de tres días estarán dispoñibles desde as 12:00 horas deste venres, 5 de maio, a través da plataforma en liña www.enterticket.es, mentres que as entradas por día poderanse adquirir a partir do vindeiro luns 8
Unha novidades salientables desta edición será a ampliación de horarios: as e os asistentes sairán da illa cara o porto de Vigo ás 23.30 horas o venres 21 e o sábado 22
O festival, cuxo cartel é secreto ata que o público desembarca en San Simón, contará este ano coa participación de máis de vinte bandas e solistas procedentes de África, Asia, América e Europa e de diversos estilos
Ademais da programación musical, Sinsal SON Estrella Galicia promoverá actividades paralelas, para todos os públicos, coa intención de dar coñecer o patrimonio cultural, natural e histórico da illa durante a celebración do festival
O festival Sinsal SON Estrella Galiciaactivará este venres 5 de maio, ás 12:00 horas, a venda de abonos para a súa nova edición, que terá lugar os días 21, 22 e 23 de xullo de 2023 na Illa de San Simón. Serán tres xornadas de directos con propostas musicais contemporáneas e diversas en canto o estilo e a orixe das máis de vinte bandas e artistas que participarán na súa programación secreta: en Sinsal SON Estrella Galicia, o público só coñece quen actúa cada día unha vez desembarque na illa.
Sinsal SON Estrella Galicia 2023 contará con tres escenarios diferentes. Neles ofrecerase unha programación aberta a todos os estilos e experiencias, desde os sons populares até a música experimental, pasando por outras iniciativas sonoras. Bandas e solistas de África, Asia, América e Europa presentarán por vez primeira en Galicia ou en España as súas creacións. Unha novidades desta edición do evento cultural, que impulsa a promotora viguesa Sinsalaudio, é que os concertos ampliarán o seu horario: así, as e os asistentes que embarquen pola mañá ou a primeira hora da tarde no porto de Vigo, partirán de San Simón contra ás 23.30 horas da noite os días 21 e 22; e os de Meirande sairán da illa contra as 22.45 horas.
Durante o desenvolvemento do festival, as e os asistentes ao Sinsal SON Estrella Galicia poderán coñecer de primeira man o patrimonio natural, histórico e cultural do arquipélago conformado polas illas de San Simóne San Antón a través de diferentes actividades divulgativas gratuítas -como paseos con axentes sociais de proximidade, parladoiros ou mesmo talleres para público infantil- que se desenvolverán en diferentes horarios ao longo de todo o día. Ademais, Sinsalaudio organizará actividades musicais específicas. Entre elas, haberá unha exposición da Escola Sinsal vinculada ao rexistro sonoro, que este ano afondará na gravación magnética e nos diferentes soportes; un taller específico sobre a fixación de música en soportes; o rexistro de cancións da man das artistas asistentes ao festival ou mesmo a participación activa -tanto na illa coma desde a casa, nas semanas previas ao festival- a través dunha instalación.
Deste xeito, e durante toda xornada -desde o desembarco e até o momento de coller o barco de volta-, as e os asistentes poderán experimentar unha proposta singular única no panorama musical estatal, na que música, cultura, diversidade, igualdade e sostibilidade conviven co patrimonio natural dun espazo declarado Ben de Interese Cultural.
Venda de abonos
O venres 5, a partir das 12:00 horas, o público poderá adquirir os seus abonos de tres días a través da plataforma web www.enterticket.es, na que poderá seleccionar o seu abono en función do embarcadoiro desde o que desexe viaxar a San Simón: como é habitual, estarán situados no porto de Vigo e Meirande (xunto ao Centro de Interpretación de Rande). Aquelas persoas que decidan partir desde a cidade olívica gozarán dunha viaxe máis longa en barco e dunha estancia de maior tempo na illa.
Os prezos dos abonos variarán en función da idade do público (maior ou menor de 16 anos). Por unha banda, no caso das persoas adultas, os abonos de Vigo terán un prezo inicial de 155 euros, mentres que no caso de Meirande o prezo de partida será 145 euros. Pola outra, o prezo deste tipo de entrada para as e os menores de 16 anos, ou que teñan esa idade no momento de celebración do festival, será de 60 euros (Vigo) ou 50 euros (Meirande). A organización recorda que o número de abonos de Sinsal SON Estrella Galicia é limitado e convida ao público a non quedar sen a oportunidade de descubrir as músicas locais, nacionais e internacionais que se agochan este ano baixo o seu cartel.
Entradas por día
De cara á semana seguinte, concretamente o luns 8 de maio, a sairán á venda as entradas por día de Sinsal SON Estrella Galicia. Todas aquelas persoas interesadas nesta modalidade de entradas, que inclúen tamén o traslado á illa desde Meirande ou Vigo, poderán adquirilas a partir das 12.00 horas a través da plataforma www.enterticket.es.
Ao igual que no caso dos abonos, o prezo dos billetes variará en función da idadee do embarcadoiro no que se tome o barco, ademais do tempo de estancia na illa. Así, as entradas do venres 21 -cuxa programación se desenvolverá unicamente en horario de tarde- serán as máis económicas -50 euros desde Vigo ou 45 euros desde Meirande, sendo a entrada de menores de 15 euros nos dous casos-, mentres que as entradas do sábado 22 e do domingo 23 permitirán gozar dunha xornada completa en San Simón, desde pola mañá e até a noite.
Así, no caso dos billetes por día de Vigo, o prezo será de 65 euros no caso do sábado 22 (20 euros para menores de 16) e de 60 no do domingo 23 (18 euros para menores), mentres que as entradas o barco que se toma desde Meirande será de 60 euros o sábado (20 euros para menores) e 55 euros no caso do domingo 23 (18 euros para menores). Todos os horarios de barcos e prezos están dispoñibles en http://festival.sins.al, na que toda a información esta actualizada para consulta.
Sinsal SON Estrella Galicia
Sinsal SON Estrella Galicia é un dos encontros sonoros máis coidados e singulares do panorama musical estatal, que ofrece cada ano, a un público reducido -800 persoas por día- a posibilidade de gozar dunha pequena mostra da creación contemporánea máis estimulante do momento. Desde os seus inicios, a promotora Sinsalaudio impulsou un evento cultural para visualizar as artistas próximas á creación contemporánea da escena galega e estatal, mais tamén con espazo para creadoras e creadores do ámbito internacional. Todas elas, chegadas desde os cinco continentes, presentaron en San Simón as súas propostas musicais para, anos despois, ser parte de carteis de grandes festivais e de salas de concertos de todo o mundo. Este ano, Sinsal SON Estrella Galicia volverá acoller a estrea estatal de numerosas agrupacións e solistas chegadas doutros países. Artistas que, tamén como é habitual no festival, convivirán co público asistente durante a súa estancia no corazón da Rías Baixas.
Recentemente o festival foi premiado nos Iberian Festival Awards co galardón ‘Best Contribution to Equality’, que o sitúa como o evento máis relevante en España en canto á Contribución á igualdade. Este premio pon en valor a aposta de Sinsalaudio por favorecer o achegamento a todos os sons, ideas e instrumentos do mundo: ademais de nunca repetir no seu cartel creadoras e creadoras, favorece o coñecemento de novos artistas -o 90% das bandas e solistas actuaron en 2022 por vez primeira en Galicia ou Españaen San Simón-. Alén disto, o compromiso de Sinsal coa igualdade vén referendado polo equilibrio da súa programación: un mínimo do 50% das artistas e do staff son mulleres, a presenza de creadoras queer é contínua en cada edición e habitualmente teñen espazo todas as linguas da Península Ibérica, desde o galego até o catalán, portugués, euskera ou castelán.
O festival, cuxo cartel é secreto ata que o público desembarca na illa, apostará neste 2023 por unha programación aberta a todos os estilos e experiencias con artistas procedentes de África, Asia, América e Europa
O evento contará con tres escenarios, nos que actuarán máis de vinte bandas e solistas: moitas delas presentarán por vez primeira en Galicia ou España os seus proxectos musicais
Sinsal SON Estrella Galicia foi recoñecido esta fin de semana nos Iberian Festival Awards, celebrados en Maia (Portugal), como o festival de música de España máis relevante pola súa contribución á igualdade
Auga, unha illa e, coma sempre, un cartel secreto. Sinsal SON Estrella Galicia celebrará unha nova edición do festival na illa de San Simón os días 21, 22 e 23 de xullo de 2023. Serán tres xornadas de directos con propostas musicais contemporáneas e diversas en canto o estilo e a orixe das máis de vinte bandas e artistas que participarán na súa programación secreta: o público só descobre quen actúa cada día unha vez desembarca esa mesma xornada na Illa.
Sinsal SON Estrella Galicia é un dos encontros sonoros máis coidados e singulares do panorama musical estatal, que ofrece cada ano, a un público reducido -800 persoas por día- a posibilidade de gozar dunha pequena mostra da creación contemporánea máis estimulante do momento. Desde os seus inicios, a promotora Sinsalaudio impulsou un evento cultural para visualizar as artistas próximas á creación contemporánea da escena galega e estatal, mais tamén con espazo para creadoras e creadores do ámbito internacional. Todas elas, chegadas desde os cinco continentes, presentaron en San Simón as súas propostas musicais para, anos despois, ser parte de carteis de grandes festivais e de salas de concertos de todo o mundo. Este ano, Sinsal SON Estrella Galicia volverá acoller a estrea estatal de numerosas agrupacións e solistas chegadas doutros países. Artistas que, tamén como é habitual no festival, convivirán co público asistente durante a súa estancia no corazón da Rías Baixas.
A edición 2023 do festival desenvolverase en horario diurno. O público chegará en barco ata a illa para gozar das actuacións, que este ano terán lugar en tres escenarios diferentes nos que se poderá gozar dunha programación aberta a todos os estilos e experiencias, desde os sons populares até a música experimental, pasando por outras iniciativas sonoras; ademais de coñecer o patrimonio oculto da illa a través de diferentes actividades divulgativas que se desenvolverán en diferentes horarios ao longo o día. Asi, durante toda xornada, e ata coller o barco de volta co solpor, as e os asistentes poderán experimentar unha proposta singular única no panorama musical estatal, na que música, cultura, diversidade, igualdade e sostibilidade conviven co patrimonio natural dun espazo declarado Ben de Interese Cultural.
Premiado pola súa contribución á igualdade
O Festival Sinsal SON Estrella Galicia vén de gañar esta mesma fin de semana nos Iberian Festival Awards (os premios da industria de festivais en España e Portugal) o galardón estatal ‘Best Contribution to Equality’, que o sitúa como o evento máis relevante en canto á Contribución á igualdade. Este premio pon en valor a aposta de Sinsalaudio por favorecer o achegamento a todos os sons, ideas e instrumentos do mundo; ademais de nunca repertir no seu cartel creadoras e creadoras, ou o coñecemento de novos artistas –o 90% das bandas e solistas actuaron en 2022 por vez primeira en Galicia ou España en San Simón-. Alén disto, o compromiso de Sinsal coa igualdade vén referendado polo equilibrio da súa programación: un mínimo do 50% das artistas e do staff son mulleres, a presenza queer é relevante en cada edición e habitualmente teñen espazo todas as linguas da Península Ibérica, desde o galego até o catalán, portugués, euskera ou castelán.
Recentemente o festival foi sinalado pola Fundación Contemporánea, no seu informe anual ‘Lo mejor de la cultura 2022’ como proxecto cultural exemplar polo seu compromiso e contribución cos ODS (Obxectivos de Desenvolvemento Sostible), sendo a única iniciativa galega que forma parte desta clasificación estatal.
Máis de 25 bandas e artistas chegadas de Europa, América e Asia forman parte do cartel secreto da nova edición de Sinsal SON Estrella Galicia, que comeza este venres 22
O evento, que se celebrará na illa de San Simón os días 22, 23 e 24 de xullo, destaca pola ampla presenza de artistas femininas e pola diversidade estilística musical: jazz, cumbia, electrónica, world music, clásica, flamenco ou pop soarán durante o festival
O publico asistente poderá gozar de actividades paralelas durante a súa estancia na illa: pedal surf, paseos guiados, obradoiros familiares de reciclaxe, exposicións ou charlas son algunhas das propostas que se poden coñecer en http://festival.sins.al/
O festival Sinsal SON Estrella Galicia inicia mañá venres, 22 de xullo, unha nova andaina. A illa de San Simón acollerá a vixésima edición dun dos encontros sonoros máis coidados e singulares do panorama musical estatal e que destaca por manter en secreto o seu cartel ata que o público desembarca na illa redondelá. As entradas de día e os abonos levan semanas esgotados.
Sinsal SON Estrella Galicia 2022 contará coa illa de San Simón como prato forte dun cartel secreto conformado por máis de 25 bandas e artistas chegadas de distintos puntos da Península Ibérica, Europa, América (tanto no Norte coma do Sur) ou Asia que actuarán nos escenarios Buxos Xacobeo 21-22 e San Simón SON Estrella Galicia. Sobre as súas táboas darase unha ampla diversidade estilística, que abrangue desde a world music até a electrónica, pasando polo jazz, o flamenco, a música clásica, o pop ou a cumbia.
Moitas destas bandas, chegadas de territorios como Altos do Golán, Corea ou Brasilactuarán por vez primeira en España no marco do Sinsal. Outras moitas, procedentes de Colombia, Francia, República Dominicana, Estados Unidos ou Inglaterra, mais tamén de cidades como Madrid, terán en San Simón a súa primeira cita co público galego. Porén, as e os artistas emerxentes de Galicia, como é habitual no festival -e unha das premisas das que parte a súa programación-, tamén contarán cunha importante representación nos dous escenarios da illa: un total nove bandas galegas forman parte do cartel secreto de Sinsal SON Estrella Galicia 2022.
A todas elas sumarase, ademais, unha actuación sorpresa para as viaxeiras dun dos barcos, que contarán cun concerto extra durante a súa viaxe cara á illa. Esta actuación será dunha das artistas galegas emerxentes que forman parte do programa provincial ‘Descúbreas’ da Deputación de Pontevedra. Precisamente o liderado feminino segue a ser, como todos estes últimos anos, un dos sinais de identidade de Sinsal SON Estrella Galicia. Nesta ocasión, o público poderá gozar da música de artistas solistas e bandas femininas que destacan especialmente no seu ámbito.
Actividades paralelas
En paralelo á programación musical, Sinsal SON Estrella Galicia contará cun feixe de actividades para o público asistente: microconcertos en acústico de agrupacións galegas de música clásica en Santo Antón, obradoiros familiares de reciclaxe con madeira e refugallos, paseos por San Simón con artistas e mariscadoras ou mesmo pedal surf, unha actividade acúatica 100% sostible que permitirá gozar do festival á vez que se percorre o perímetro da illa sobre unha táboa estable e segura.
Ademais, as e os asistentes poderán visitar na cafetaría da illa dúas exposicións, nomeadas ‘A Escola Sinsal: 20 ideas para presumir de vintage’, un percorrido pola historia do rexistro sonoro, e ‘Por que as túas fillas escoitan trap?’, unha aproximación á historia da tecnoloxía musical e como a electricidade mudou o xeito de compoñer e interpretar. Esta última exhibición, ademais, celebrará encontros arredor da música electrónica con dous artistas: Mateo Mena e Paulo Pascual.
Xa de cara ao día 25 de xullo, Sinsal SON Estrella Galicia programa en Vigo, concretamente nos estaleiros Cardama Shipyard, un concerto extra como peche deste vixésimo aniversario. Trátase dunha cita simbólica pola recuperación deste espazo, no que se celebraron concertos na edición Sinsal Litoral 2020, e pola posta en valor do patrimonio industrial vigues, un sector clave para a economía viguesa. Para esta cita nos estaleiros, que comezará ás 21.00 horas, as entradas están esgotadas. Sobre o escenario Xacobeo 21-22 Cardama Shipyard, en Vigo, actuará unha banda de Dinamarca que non está no cartel da illa de San Simón.
SINSAL SON ESTRELLA GALICIA
Sinsal SON Estrella Galicia celebra no 2022 o vixésimo aniversario da súa actividade musical. Desde os seus inicios, a promotora viguesa Sinsalaudio impulsou un evento cultural para visualizar as artistas emerxentes e próximas á creación contemporánea da escena galega e estatal, mais tamén con espazo para bandas do ámbito internacional; artistas que, máis adiante, formaron parte de carteis de grandes festivais e de salas de todo o mundo.
Sinsal 2022 conta co patrocinio principal de SON Estrella Galicia e o patrocinio institucional a Deputación de Pontevedra, Turismo Rías Baixas, Xunta de Galicia a través do programa FEST Galicia, Acción Cultural Española a través do programa PICE, o Centro Cultural Coreano e Tempi (Dinamarca). Tamén colaboran Chef Maestro, Platu, Cosferla, Gadis, Mekkdes, Manzanas Marlene, Leyma e Cafés do Noso.
AXENDA VENRES 22 | SINSAL SON ESTRELLA GALICIA 2022
14.45h – Saída barco de Vigo (saída de San Simón ás 22.30h) 16.00h – Concerto 1 16.15h – Saída barco de Meirande (saída de San Simón ás 21.45h) 17.00h – Concerto 2 18.10h – Concerto 3 19.20h – Concerto 4 20.30h – Concerto 5 21.30h – DJ Set
Actividades paralelas 15.30 a 22.00h – Exposicións ‘A Escola Sinsal: 20 ideas para presumir de vintage’ E ‘Por que as túas fillas escoitan trap?’ 18.30h – Visita guiada exposición ‘A Escola Sinsal: 20 ideas para presumir de vintage’ 19.00, 20.00, 20.45, 21.30h – Pedal surf
O festival, que se celebrará os días 22, 23 e 24 de xullo na Illa de San Simón, festexa neste 2022 vinte anos de difusión das creacións máis estimulantes e vangardistas
A cita terá lugar o luns 25, ás 21.00 horas, e as entradas xa están á venda desde hoxe mesmo a través da plataforma www.enterticket.es
O festival Sinsal SON Estrella Galicia, que conta con todos os abonos e entradas de día esgotadas para este 2022, anuncia novidades de cara á celebración do seu vixésimo aniversario. O evento, promovido por Sinsalaudio, e que se celebrará os días 22, 23 e 24 de xullo na illa de San Simón, amplía a súa programación unha xornada para ofrecer un concerto extra e, por suposto, secreto, nos estaleiros Cardama de Vigo.
O luns 25 de xullo, festivo en Galicia, o recinto industrial situado nos terreos portuarios -e que foi unha das sedes do Sinsal Litoral 2020- acollerá a partir das 21.00 horas a actuación secreta dunha banda europea que non estará en San Simón, nun sorprendente directo no que conflúen diversas tradicións coa electrónica, e que o público unicamente descubrirá ao acceder ao escenario do estaleiro vigués Cardama Shipyard. A dirección de Sinsal recupera así unha das localizacións máis singulares do festival, todo un símbolo na cidade olívica, o que permite por en relación non só o patrimonio cultural co industrial; senón salientar o valor do sector dos estaleiros e do seu persoal traballador para á economía local.
As entradas para esta bóla extra en Vigo do Sinsal SON Estrella Galicia 2022, cuxo directo coincidirá co solpor, saen hoxe mesmo á venda a través da plataforma www.enterticket.es. O prezo dos billetes será de 10 euros agás no caso das e dos menores de 16 anos, en cuxo caso a entrada terá un prezo de 5 euros.
Programación paralela
O festival Sinsal SON Estrella Galicia celebra este 2022 o seu viséximo aniversario. Os días 22, 23 e 24 de xullo programará na illa de San Simón, en na ría de Vigo, tres xornadas de directos con propostas musicais contemporáneas e diversas en canto a estilo e orixe das bandas e artistas. Acompañando a súa programación nos escenarios Buxos e SON Estrella Galicia, o festival celebrará, de forma paralela, unha serie de actividades, das que a dirección xa deu a coñecer tres: microconcertos acústicos e para público reducido na illa de San Antón (‘San Antón Acústico’), rutas arredor da illa en pedal surf para todas as idades e obradoiros creativos familiares.
Os concertos acústicos na illa de San Antón terán lugar ao longo da xornada tanto do sábado 23coma do domingo 24, pero serán directos para un número limitado de asistentes. Serán actuacións moi especiais e singulares, con agrupacións galegas de música clásica que se incorporan deste xeito ao cartel de Sinsal SON Estrella Galicia, pero que unicamente ofrecerán actuacións neste formato. Desde xeito, Sinsal avanza no seu obxectivo de ofrecer unha programación cultural inclusiva no marco dun festival que aposta, desde o seu nacemento, por visualizar artistas emerxentes.
A segunda das propostas que ofrece Sinsal SON Estrella Galicia neste 2022 será gozar, desde a auga, do festival. Ao longo de toda a fin de semana terán lugar diferentes rutas en pedal surf arredor do perímetro da illa para coñecer máis de perto o seu patrimonio natural. Trátase dunha actividade náutica innovadora e 100% sostible, duns 30 minutos de duración aproximadamente, que se realizará en grupos reducidos, dun máximo de 10 persoas. A actividade poderase realizar en familia ou grupos e os billetes xa se poden reservar, anticipadamente, a través da web https://galping.com/reservas/.
Outra das iniciativas que se ofertarán na Illa, de xeito paralelo á programación, será o obradoiro LIMBO de fomento da cultura da reciclaxe. O taller, que estará dirixido ao público familiar -especialmente ao máis novo- terá lugar nas tardes do sábado 23 e do domingo 24 (entre as 15.00 e as 19.00 horas, cunha duración máxima dunha hora). Durante o seu desenvolvemento, as e os participantes construirán e deseñarán de forma autónoma distintas escenografías a través da reutilización de pezas de madeira e outros materiais de refugallo, de forma individual e colectiva. Todos os elementos que se utilizarán, ademais, proceden de carpinterías e negocios locais, que se transformarán de forma manual especificamente para esta proposta.
Nos vindeiros días Sinsalaudio dará a coñecer novas actividades que se poderán realizar tanto na illa de San Simón coma na de San Antón durante a celebración do festival.
Sinsal SON Estrella Galicia
Sinsal SON Estrella Galicia é un dos encontros sonoros máis coidados e singulares do panorama musical estatal. Desde os seus inicios, a promotora viguesa Sinsalaudio impulsou un evento cultural para visualizar as artistas próximas á creación contemporánea da escena galega e estatal, mais tamén con espazo para bandas do ámbito internacional; artistas que, máis adiante, formaron parte de carteis de grandes festivais e de salas de concertos de todo o mundo.
Ao longo destas dúas décadas, Sinsalaudio xerou un ecosistema único no panorama de eventos musicais e, desde 2010, celebra o Sinsal SON Estrella Galicia na illa de San Simón, do que salienta o seu cartel: un programa secreto para as e os asistentes, que confían no criterio de Sinsalaudio para gozar das creacións máis estimulantes e vangardistas. Na súa edición de 2022, na que celebra o seu viséximo aniversario, Sinsal SON Estrella Galicia mantén o seu tradicional cartel secreto. Das bandas participantes este ano, chegadas de diferentes continentes, o 90% actuarán por vez primeira en Galicia.
