O sábado 27 de abril ás 17 h. celebrarase unha charla en Monterroso sobre a fábrica de celulosa de Altri co titulo A Ulloa non é unha terra de sacrificio, na que intervirán Plácido Lisancos (profesor da Escola de Aquitectura de A Coruña) e Serafín González Prieto (Presidente da SGHN).
E o xoves 9 de maio ás 20,30 h. haberá a ocasión de escoitar ao naturalista e escritor Joaquín Araujo na Casa de Cultura de Melide.
O sábado 6 de abril ás 18 h. presentarase na Igrexa románica de San Xoán de Antas de Ulla o libro de Xosé Manuel Lobato, Natureza, camiños, emocións.
Intervirán na presentación Pilar García Porto, alcaldesa de Antas de Ulla; o autor do libro; o escritor e tradutor Francisco Xavier Senín, e, representando ao IEU, Xaime Rodríguez Ouro.
No acto, o escritor e poeta boqueixonés Xosé Manuel Lobato leranos o seu relato sobre as torrentes de Mácara, un dos enclaves máis fermosos do Alto Ulla que precisa dunha estrita protección.
O IEU presentou no IES do Camiño de Palas o calendario do 2024 con textos e ilustracións da fauna da finca de Quintas de Palas de Rei, na que se vai construir a fábrica de celulosa de Altri. Os textos son do noso socio Xurxo Mouriño, os debuxos do alumnado do IES do Camiño e a coordinación de Hilda García Cabanas. Imprimiremos máis exemplares. Máis información en http://ieu.gal/presentacion-calendario-de-fauna-da-finca-de-quintas-palas-de-rei/
Por outra parte, a asociación O Sorriso de Daniel publicou tamén un calendario de 2024 sobre o patrimonio de Palas de Rei, neste caso de Vilar de Donas para conmemorar o 800 aniversario da súa fundación. As fotografías, como en anos anteriores, son de Soledad Felloza. Podedes mercalos en librerías ou online. Unha información máis completa en http://osorrisodedaniel.blogspot.com/
O sábado 24 de febreiro o IEU inaugura no castelo de Pambre a exposición do artista danés Peter Kramer Nós, comisariada polo deseñador e galerista coruñés Manolo Eirín e coordinada polo galerista do IEU Braulio Vilariño. O deseño e maquetación de dípticos e carteis son de Azucena Souto (Dú-as), e as fotografías de Peter Schneider.
Máis información en http://ieu.gal/exposicion-de-peter-kramer-no-castelo-de-pambre-242-ao-1442023/
Diptico-exposiciA³n-Peter-Kramer-castelo-de-Pambre-Instituo-de-Estudos-UlloA¡ns
O próximo venres 16 de febreiro, ás 18,30 h, na Casa da Cultura de Antas de Ulla será presentado o libro Toponimia de Antas de Ulla, obra da investigadora seoanesa Andrea Santiso, co-coordinadora da sección de Filoloxía, Literatura e Toponimia do IEU.
Intervirán na presentación a alcaldesa de Antas, Pilar García Porto, o presidente da Real Academia Galega, Victor Freixanes, os especialistas en toponimia Ana Boullón e Antón Santamarina, e a autora do libro.