Ferrol acolle a estrea absoluta de Inventio, un espectáculo galego de circo, danza e ilusionismo inspirado no Camiño de Santiago

por | Sep 13, 2022 | Autores/as, Creación, Novas, Outras Artes, Xeral

Ferrol acolle a estrea absoluta de Inventio, un espectáculo galego de circo, danza e ilusionismo inspirado no Camiño de Santiago

  • O Teatro Jofre será a testemuña o venres 30 de setembro, ás 20.00 h, da estrea e do inicio da xira de Inventio, unha ambiciosa proposta na que participa un equipo creativo e artístico de máis de corenta persoas dirixido polo ilusionista Martín Varela
  •  Inventio é un espectáculo para público familiar cheo de comedia, maxia, danza e artes circenses concibido para divulgar o Camiño de Santiago e a cultura galega
  • Os billetes para a estrea absoluta e o resto das funcións que terán lugar en Ferrol ata o 2 de outubro están á venda en www.inventio.gal

Ferrol é a cidade elixida para a estrea absoluta de Inventio, o novo espectáculo de gran formato con ilusionismo, danza, artes circenses e música inspirado no Camiño de Santiago. Esta creación vaise presentar ao público por primeira vez no Teatro Jofre o vindeiro 30 de setembro, ás 20.00 horas. Inventiopermanecerá en Ferrol ata o 2 de outubro, onde brindará un total de cinco funcións antes de comezar a xira polo resto de Galicia e localidades seleccionadas de España e Portugal.

Ilusionismo, levitacións, equilibrios, malabares, números aéreos, animación audiovisual, composicións de música tradicional galega fundidas con sons electrónicos… Todo isto e moito máis éInventio, un espectáculo para público familiar que reborda humor, misterio e fantasía, e no que conviven a comedia e o drama, a danza, o ilusionismo e as artes circenses. Unha experiencia sensorial a un ritmo vertixinoso e con ecos do cinema futurista de Stanley Kubrick, Ridley Scott ou Denis Villeneuve, que non é máis ca “unha viaxe cara a todo iso que nos fai humanos: a nosa capacidade de sentir”. Cunha atmosfera máxica e unha posta en escena vangardista, Inventiorecupera a paisaxe, os costumes, a música, a arte ou a arquitectura de Galicia nun espectáculo delicado e cegador, de busca e descubrimento. Inventio é un camiño de regreso á sensibilidade a partir da tradición e a modernidade.

Para materializar esta ambiciosa proposta escénica, Inventio conta cun numeroso equipo creativo e artístico formado por máis de 40 persoas, entre elas seis bailaríns e sete artistas circenses. Á fronte da dirección atópase o mago Martín Varela, que tamén exerce de guía do espectáculo. Como responsable da dramaturxia figura José l. Prieto e na dirección artística está Suso Montero. A dirección de maxia recae sobre os ilusionistas Fani Triana e Martín Camiña e a de circo en Jorge Miquel. A dirección musical leva o selo de José Trincado ‘Triki’ e o ballet e as coreografías son unha creación de Mercedes Suárez. Completan o equipo Alberto Casas no deseño de iluminación e Conchi Silvent na dirección de vestiario.

A estrea en Ferrol será o comezo dunha intensa xira que vai percorrer os principais escenarios galegos e mais outros espazos de España e Portugal. En total, Inventio recalará en doce puntos da xeografía ibérica ao longo dos meses de setembro do 2022 e xaneiro do 2023. Polo de agora están anunciadas as funcións de Santiago de Compostela (7-9 outubro), Salamanca (28-29 outubro), Lugo (4-5 novembro), Pontevedra (11-13 novembro), Cáceres (26-27 novembro), Ourense (2-3 decembro), Bilbao (29-30 decembro), Vigo (3-4 xaneiro 2023) e A Coruña (13-14 xaneiro), alén dos espectáculos en Ferrol. Toda a información actualizada sobre a xira está dispoñible no espazo web www.inventio.gal. Inventio é unha iniciativa da promotora galega Thinking Up Events, da Xunta de Galicia a través do programa Xacobeo 21-22 e mais da Fundación “la Caixa”, e conta tamén co apoio de Sargadelos.

A HISTORIA. Ano 2094. O noso mundo é branco, aséptico, limpo, ordenado. O noso universo é frío e tan impersoal coma o quirófano dun hospital. Deixamos de sentir e de comunicarnos. Aterramos no futuro, si, pero perdemos a memoria e a emoción. Galicia. Último ano Xacobeo deste século XXI. Unha troupe formada por un ilusionista, seis bailaríns e sete artistas de circo comproban que xa non existe o Camiño de Santiago, que xa ninguén o lembra. Non quedan peregrinos nin un camiño que percorrer xuntos. Tampouco a auga ou a chuvia, o son das gaitas, o verde dos campos ou a pegada do mar na area. Nin pegada nin lembranza ningunha. Que era todo aquilo? Onde quedaron a viaxe, a busca e o descubrimento? Onde liscou a sensibilidade? Velaquí as preguntas que van guiar a esa troupe circense que teima nunha misión: reconstruír a súa identidade cultural. Sobre as táboas, os artistas vense envoltos nunha aventura sen igual. O pasado tócaos maxicamente e unha forza sobrenatural transformaraos.

Inventio nace co obxectivo de servir de vehículo de coñecemento e de divulgación do Camiño de Santiago e da cultura galega a través dunha historia de buscas e encontros, apta para público familiar e adulto. Trátase dun espectáculo que dota o noso patrimonio cultural dun enorme poder simbólico: tradicións nadas hai séculos que perduran hoxe, e que o fan enriquecidas e felizmente contaminadas doutras manifestacións artísticas, cunha ollada aberta que pon en valor o que nos constrúe e o que nos une.

20220913-NP-Estrea-Inventio-FERROL

Dossier_GAL

X SEMANA DE POESÍA SALVAXE

X SEMANA DE POESÍA SALVAXE

por | Abr 18, 2017 | Autores/as, Novas

O encontro que cada ano xunta na nosa cidade un feixe de poetas chegados das distintas comunidades do Estado español e mesmo de Portugal é unha oportunidade única para situar a Ferrol no centro da creación poética alomenos durante unha semana, asemade é unha ocasión indispensabel para que os xóvenes poetas da nosa cidade poidan contrastar a súas creacións coas dos poetas xa consagrados o cunha experiencia creadora digna da que se pode aprender.
Por iso a Semana de Poesía Salvaxe é mais que un conxunto de recitais poéticos, é un encontro, unha experiencia de convivencia e fraternidade que fai que para moitos poetas a Poesía Salvaxe se teña convertido no acontecimento poético do ano.
Nesta décima edición pretendemos darlle as rúas o pulo que nas outras edicións, por diversos motivos, non poidemos darlle. Así os pasarúas, as actuacións nos mercados, e prazas publicas pasarán a ter un plano protagonista na décima Semana.
A décima Semana de Poesía Salvaxe terá o seguinte calendario:
Día 18 de Abril ( martes): Presentación da Semana ante a prensa, contará coa presenza do Alcalde e do Concelleiro de Cultura.
Día 19 ( mércores): As seis da tarde no Kiosco do Cantón lectura da proclama poética a cargo dos coordinadores da Semana, e dos poetas , GUILLERMO FERRANDEZ, KARLOTTI, VICTOR M. DIEZ, e FELIPE ZAPICO
As seis cuarenta e cinco inicio das lecturas poéticas ininterrompidas por parte de poetas xóvenes da nosa cidade. ( ELI Z, Cristina Fernandez, XOSÉ ABELEDO)
As once da noite na Rúa Magdalena, dando término a xornada no Pub Cazadores recital poético de ANGEL SIMÓN, Y presentación do ultimo poemario de FELIPE ZAPICO. Cristina Fernandez, David Rey Fernandez. remate Manolo Bacallhau.
Día 20 ( xoves): As doce da mañán recital poético no Mercado da Magdalena: XOÁN ABELEIRA, VÍCTOR M. DIEZ, KARLOTTI, JARO DA SILVA, E a mesma hora, en CARANZA, recital de ELISABETH OLIVEIRA e XOSÉ ABELEDO
A unha horas pasarúas pola rúa Real e rúa do Sol.
As seis e media tarde encontro poético con YOLANDA CASTAÑO e ANA VEGA, no ATENEO FERROLAN.
As nove da tarde, no TEATRO JOFRE, PACO IBAÑEZ en CONCIERTO
As doce da noite actuación no Super 8 dos poetas FERRANDEZ, KARLOTTI e CIA, SERXIO REGO GARCÍA e O LEO, AL VIDAL e ELICIO BARRIO, e XOAN ABELEIRA, JARO DA SILVA e JOSÉ PINTO
Día 21 ( venres): As doce da mañán recital poético no Mercado de Recimil e na PRAZA DO INFERNIÑO, coa intervención de JARO DA SILVA e JOSÉ PINTO, MARIA LADO e LUCIA ALDAO, ANA VEGA, y los poetas locales, con los micrófonos abertos, e un comando poético de novos valores.
Na Praza do Inferniño, a mesma hora, Karlotty;Vïctor, e outros poetas estaran arroupadas pola BAKIN BLUES BAND
A unha e cuatenta e cinco da tarde pasarúas pola Pza de España, Magdalena e Pza de Armas.
As cinco da tarde, paseo pola nosa Ria, na LANCHA, ata as seis e media. SUIN AL, ELICIO BARRIOS, MIGUEL NEIRA, Pedro Campos, Victor M. Diez, YOLANDA CASTAÑO, ANA VEGA, ANA CIBEIRA, JARO DA SILVA e JOSÉ PINTO, ELISABETH OLIVEIRA, XOÁN ABELEIRA, e o resto dos participantes.
As sete e media( contra as oito da tarde) actuación de ACÉFALO TEATRO, seguido de ELISABETH OLIVEIRA (Elisabeth Oliveira), e DAVID REY FERNANDEZ, no TORRENTE BALLESTER
As once da noite Festival poético no Manchita con EUGENIA SANMARTIN, e ROGER DE FLOR, SUIN AL e ELICIO BARRIOS, Serxio Regos García e O Leo, CRISTINA FERNANDEZ, ANDRES C.M. RIVEIRA, ANA VEGA
Día 22 ( SÁBADO): A unha da tarde recital de ANTONIO ORIHUELA, ELISABETH OLIVEIRA, ANA CIBEIRA na PRAZA DE ARMAS, e remate en Cazadores. ((Remate final)
Estarán con nós os músicos AL VIDAL, CABE, ROGER DE FLOR, FAUSTO, ELICIO BARRIO, MANOLO BACALHAU, FERNANDO NAVEIRAS, ETC.
PACO IBAÑEZ ESTARÁ CON NOS TODA A SEMANA, ABRINDOSE A POSIBILIDADE DE COMPARTIR MOMENTOS ÚNICOS
Todos Os poetas invitadas e invitados a esta cita, intervirán NAS RÚAS, prazas, mercados, esquinas, da nosa, nestes días, DESDOBRADA CIDADE.
*Información facilitada pola organización da X SEMANA DE POESÍA SALVAXE
O rastro que deixamos. Gala homenaxe a Agustín Fernández Paz

O rastro que deixamos. Gala homenaxe a Agustín Fernández Paz

por | Feb 14, 2017

O vindeiro 17 de febreiro, a comarca de Ferrolterra renderá unha homenaxe póstuma ao escritor Agustín Fernández Paz. Baixo o título de O rastro que deixamos, título homónimo dun libro que escribiu o propio Agustín, e no que nos relata retallos fundamentais da súa vida.

Os actos comezarán pola mañá, dirixidos aos centros de ensino, e neses actos participarán artistas coma Guadi Galego, María Manuela, Mini e Mero, Xabier Díaz, o dúo Bellón-Maceiras, Miro Casabella ou A Banda da Loba. Acompañando á música tamén se proxectarán fragmentos dun documental sobre vivencias do propio Agustín na comarca.  Actos que se repetirán a partir das 20:30 h., destinados ao público xeral,

As entradas para asistir á citada e merecida homenaxe  son de balde, e poden recollerse até o 17 de febreiro no Teatro Jofre (de 11.00 h. a 13.00 h. e de 18.00 h. a 20.00 h.) e no Auditorio de Ferrol -na avenida do Mar, en Caranza- a partir das 18.00 h. do día da gala.