Acto do IESCHA.- Presentación do libro AS MULLERES DE INSUA E O LIÑO, de Miriam Fernández Otero, na Casa da Cultura de Vilalba

Presentación do libro de Miriam Fernández Otero “As mulleres de Insua e o liño. Dez anos dun proxecto de recuperación etnográfica”, editado polo IESCHA coa financiación da Deputación de Lugo dentro do Convenio para o presente ano, e que terá lugar o vindeiro venres, 3 de maio de 2019, ás 20:30 horas, na Casa da Cultura de Vilalba.

Adxuntamos cartaz e nota informativa de dito acto.

*Información facilitada polo IESCHA.

Presentación de SOÑO E VÉRTICE e SILENCIO PERCUTIDO de Eva Veiga

O vindeiro xoves 8 de xuño ás 20h., organizado polas Concellarías de Cultura e Educación do Concello de Vilalba e Culturalia GZ, levarase a cabo na Casa da Cultura de Vilalba o acto de presentación dos poemarios SOÑO E VÉRTICE e SILENCIO PERCUTIDO de Eva Veiga. Acompañarán á autora, o escritor Martiño Maseda, o tamén escritor e poeta Francisco X. Fernández Naval e Patricia Teijeiro, concelleira de Educación.

Atopámonos diante dunha poeta salientábel dentro do panórama poético galego da actualidade. Os seus libros foron galardoados en diversos certames literarios; sen esquecermos que recentemente recibiu o Premio da Crítica 2016 en galego polo poemario SOÑO E VÉRTICE.

Dita presentación incluirá un recital poético a cargo do Grupo OURIOL, integrado por Eva Veiga (Voz) e Bernardo Martínez e Fito Ares (Música).

Animádevos e acudide!