O Concello de Paradela, a petición do Orfeón Lucense, acordou por unanimidade o pasado 22 de marzo, solicitar da Xunta de Galicia que se conceda a MEDALLA CASTELAO ao crego, musicólogo, activista cultural e social, XESÚS MATO MATO, ao que este Concello ten declarado Fillo Predilecto.
Como unha petición deste tipo convén “arroupala”, é necesario que institucións ou particulares se sumen a esta iniciativa para conseguir esta distinción para este prestixioso galego que tan relevantes servizos ten prestados ao país.
Acompaño a este correo un modelo de ADHESIÓN, por se queres subscribila individualmente, ou/e no nome de asociacións das que formes parte.
Polo que me din do Concello de Paradela (ten que levar DNI e firma), só hai dous xeitos posibles de facelo:
– Imprimir esta adhesión, cubrila, e enviarma por correo a XULIO XIZ (Río Navia,45-1º-27004) ou directamente ao CONCELLO DE PARADELA (Paradela-Lugo).
– Imprimir esta adhesión, cubrila, escaneala e enviarme ese escaneo a este correo electrónico, e eu fareina seguir ao Concello de Paradela.
Naturalmente que podes pasar este impreso a toda a xente que sintonice coa obra e a persoa deste noso patriarca e amigo. E de xeito especial á túa familia, e a toda a familia da poesía guitírica.

No seguinte enlace podemos acceder ao modelo de ADHESIÓN para descargalo.

 

*Imaxe recollida de Galicia Dixital

*Información achegada por Xulio Xiz