No mes de agosto celebrarase outro dos grandes festivais do verán da Ulloa, xunto con Agrocuir e Son d´aldea. Trátase de FESTIULLOA, festival de música clásica e actividades medioambientais organizado pola asociación Quercus Sonora.
FESTIULLOA celebrarase os días 3, 4 e 5 de agosto, con excursións, conferencias e dous concertos imprescindibles, un o venres 4 na igrexa de San Miguel de Monterroso, e outro o sábado 5 na casa-escola de Peibás (Antas de Ulla) que continuará cun concerto nocturno baixo o afamado carballo de Amoexa.