Este próximo sábado, 6 de abril, teremos oportunidade de escoitar na Casa-Museo Manuel María unha desas novas voces da música galega, Antía Muíño, que dará un concerto en solitario ás 20 horas.
O seu rexistro móvese entre o jazz-pop, a canción alternativa de autora e a música tradicional e o seu talento levouna a colaborar con artistas como Xabier Díaz, Baiuca… Este ano publicou o novo sinxelo “O Paxaro” e xa está a traballar en novos temas, que acompañarán nos directos ao seu aplaudido “Carta Aberta”, o seu álbum debut que ten case 2 millóns de reproducións.
Antía Muíño acompañará a súa voz coa súa guitarra clásica e coa pandeireta, intercalando a intimidade e o virtuosismo das súas autorías coa potencia da percusión e o canto tradicional.
Para asistir ao concerto (billete 5 euros) é necesario reservar en contacto@casamuseomanuelmaria.gal ou no whatsapp 698177621
Deixámosvos a seguinte ligazón para poder ouvir unha peza da súa autoría sobre o poema de Manuel María “Terra”, pertencente ao libro Mar Maior (1963):