Desde a Asociación de Escritoras e Escritores en Lingua Galega (AELG) informan do programa de actividades xa confirmadas que terán lugar este mes de outubro, relacionadas coa Sección de Literatura de Tradición Oral:

Venres, 23 de outubro

Ás 18:00 horas, na cidade de Lugo, na Sala de Exposicións da Deputación Provincial de Lugo (rúa San Marcos, 8 –como chegar-), Gala dos Premios Mestras e Mestres da Memoria 2020. Entrada libre até completar capacidade.

Sábado, 24 de outubro

Desde as 10:15 horas no Salón de actos da Deputación de Lugo (Rúa San Marcos, 8 –como chegar-), XIII Xornada de Literatura de Tradición Oral. O humor na literatura de tradición oral. Xa está aberto o prazo de inscrición, gratuíta. Entrada libre até completar capacidade.