RAICEIRA en concerto, este sábado 17, na Casa-Museo Manuel María

RAICEIRA en concerto, este sábado 17, na Casa-Museo Manuel María

Este sábado, día 17 de novembro, ás 20 hrs, na Casa-Museo Manuel María, poderemos gozar coa música de RAICEIRA.

Raiceira, dúo conformado por Sabela Vázquez e Carme López, nace a comezos do ano 2018 coa idea de reinterpretar melodías populares extraídas da tradición oral galega. É un proxecto que procura acadar un son particular e diferente, onde se mestura unha parte máis tradicional, enmarcada na voz e as percusións de man, con outra máis afastada do popular, resultado das harmonías que o violonchelo achega. Desde unha presentación tradicional, que pretende reflectir en certa medida as características musicais propias de cada un dos lugares de onde proveñen as pezas, ofrecen unha revisión da tradición a través da mestura de diferentes estilos e aprendizaxes.

Detrás dos temas que interpreta Raiceira tamén aparecen ideas extramusicais que envolven o seu traballo. Primeiramente a feminidade propia de todas as pezas, xa que foron as mulleres as encargadas durante largo tempo de aprender e transmitir estas melodías, de modo que a súa impronta está indiscutibelmente presente nestas músicas. Tamén a importancia da cultura tradicional e popular da nosa terra, en especial a música, na cal reflíctense diversos elementos da nosa sociedade, tanto a antiga, onde se xeraron as melodías orixinais, como a contemporánea, debido á súa interpretación actual.

O concerto é gratuíto. Para reservar entrada escribir a contacto@casamuseomanuelmaria.gal ou chamando ao teléfono 698177621.

 

*Información achegada desde a Casa-Museo Manuel María

XORNADAS CENTENARIO DA I ASEMBLEA DAS IRMANDADES DA FALA

XORNADAS CENTENARIO DA I ASEMBLEA DAS IRMANDADES DA FALA

Adxuntamos cartaz, tríptico 1, tríptico 2 e nota informando das Xornadas CENTENARIO DA I ASEMBLEA DAS IRMANDADES DA FALA, organizadas polo Instituto de Estudos Chairegos e o Consello da Cultura Galega, coa colaboración do Concello de Vilalba, e que terán lugar na casa da Cultura de Vilalba o venres, 16, e o sábado, 17, de novembro de 2018, sendo o acto de apertura o venres, 16, ás 17:30 horas.

 

 

*Información facilitada polo IESCHA.

ORACIÓN A SAN VICENZO E Á VIRXE DOS DESAMPARADOS, por Antón de Guizán

ORACIÓN A SAN VICENZO E Á VIRXE DOS DESAMPARADOS, por Antón de Guizán

San Vicenzo dos Vilares é unha igrexa coñecida por celébrar a popular romaría da Virxe dos Desamparados.

É por iso que vos pregamos San Vicente e Nosa Señora dos Desamparados para que movades a consciéncia das administracións públicas para que non deixen desaparecer os frescos da igrexa.

Como ben sabedes, as orixes do templo datan do s. XII, se ben  os restos románicos redúcense aos muros laterais da nave con varios canecillos, sendo a fachada principal do XVIII.

No exterior o conxunto está formado un atrio murado con baixo muro de pedra granítica, con cruceiro, dúas pilas bautismais e un sarcófago. Támén existe un Calvario nas inmediacións que leva dez meses sen un pedazo do mastro e a cruz por un accidente de tráfico.

No interior ten catro retablos neoclásicos e un barroco con tallas dos ss. XVII e XVIII, aínda que destacan especialemnte os restos de pintura mural ó fresco do S.XVI, que forman un ciclo de grande calidade artística ó longo dos muros da nave, con distintos temas, como o do enterro do Conde Orgaz da autoría, segundo o profesor Monterroso Montero do afamado Mestre de Parga, de grande respeto naquela época.

O estado xeral de conservación é verdadeiramente moi malo. A gravedade acelerada e activa dos axentes  de deterioro, provoca en primeiro lugar o risco de desprendemento das pinturas murais, polo que urxe imperiosamente proceder á sua restauración, xa que de acabar caendo, a súa pérdida sería irreversibel.

Ademáis deste perigo urxente de resolver, o seu aspecto sucio e abandonado desvirtúa a súa calidade como elemento singular e moi visible de este templo teu,  San Vicenzo dos Vilares, centro de peregrinaxe senlleiro.

En conclusión podemos dicir que se está a perder un ciclo mural ao fresco de gran relevancia artística é histórica para a provincia de Lugo coa pasividade das diferentes administracións a pesares de que a súa restauración sería perfectamente asumibel económicamente e e que a salvación das pinturas suporía un importante valor para o patrimonio da provincia.

A perda destas pinturas será unha grande irresponsabilidade por parte da Igrexa, a Consellaría de Cultura da Xunta de Galicia, a Deputación Provincial e o Concello de Guitiriz, sabedores da trascendencia desta obra e do perigo existente de perda definitiva si non se actúa con urxencia, pois os frescos murais dos Vilares teñen V SÉCULOS DE NÓS, é património de tod@s e non só da igrexa e as administracións teñen o deber de preservalos e poñelos en valor e volver a atraer peregrinaxe non só á Romaría da Nosa Señora na Pascua, senón ao longo de todo o ano.

É por isto que vos pregamos que movades os fríos e calculadores corazóns administrativos das institucións e non deixedes desaparecer tan valiosa decoración renacentista das paredes románicas da igrexa e que esta recupere o explendor e o seu enorme valor patrimonial conservado ao longo de séculos e séculos e co perigo de desaparecer en só 26 anos após do seu descubrimento ao quitar o caleado profiláctico minhas obras na o cando era párroco Segundo Pérez, hoxe Deán da catedral compostelá.

E para que así sexa pregamos que intercedades polos vosos/nosos frescos, San Vicenzo e Virxe dos Desamparados, para que sigan nas paredes da igrexa, AMÉN!

 

 

Antón Tenreiro Ferreiro
ANTÓN DE GUIZÁN
antontenreiro@gmail.com
www.blogoteca.com/antonte/
+34 662 183 149