A Sala Municipal de Exposicións Salvador de Madariaga acolle dúas mostras no marco do Salón Internacional do Cómic da Coruña: a exposición ‘BD na Coruña, que bonita é! Banda deseñada creada desde A Coruña’, comisariada por Manel Cráneo, coas creacións de 26 autorías locais de referencia; e unha exposición coas pezas gañadoras do XVII Premio Castelao de Banda Deseñada: ‘O bico da serea’ e ‘Contando estrelas’
Paralelamente, este sábado, 12 de agosto, ao longo de toda a xornada, de 12.00h a 01.00h, a Praza de San Andrés acolle a celebración do festival de autoedición e BD Autobán, cun mercado, obradoiros, exposicións, catas, etc.
O ilustrador e animador gañador de catro Goyas Alberto Vázquez firmará exemplares das súas obras na xornada de peche da Rúa da BD, este domingo, 13 de agosto, ás 12.30h, no expositor de Astiberri Ediciones
Viñetas desde o Atlántico afronta a súa recta final esta fin de semana, o sábado 12 e o domingo 13 de agosto, envorcada coa BD galega. A Sala Municipal de Exposicións Salvador de Madariaga acolle dúas mostras que dan boa conta do talento autóctono: a exposición ‘BD na Coruña, que bonita é! Banda deseñada creada desde A Coruña’, comisariada por Manel Cráneo, coas creacións de 26 autorías locais de referencia; e unha exposición coas pezas gañadoras do XVII Premio Castelao de Banda Deseñada: ‘O bico da serea’ -de Siqi Luis Yang como debuxante e Uxía Larrosa como guionista- e ‘Contando estrelas’ -do noiés Francisco Pérez-. Precisamente, este sábado 12, ás 11.00h, terá lugar unha visita guiada á exposición do cómic ‘O bico da serea’, cos seus autores. Ao finalizar a visita, distribuiranse exemplares do traballo e haberá unha sesión de sinaturas cos artistas.
Paralelamente, tamén o sábado 12, ao longo de toda a xornada, de 12.00h a 01.00h, a Praza de San Andrés acollerá a celebración do festival de autoedición e BD Autobán, cun mercado, obradoiros, exposicións, catas, etc. O programa completo de Autobán pódese consultar na súa páxina web www.autoban.gal.
Ademais, no Kiosco Alfonso, ás 18.00h, terá lugar a mesa redonda sectorial ‘Situación actual da banda deseñada’: un encontro profesional para tratar a actualidade do sector e temas de interese como a situación do Libro Blanco del Cómic en España, elaborado polo Ministerio de Cultura. A actividade é de acceso libre, sen necesidade de inscrición previa. Na mesa, moderada por Neves Rodríguez, participarán Daniel Coronado (mánager de Omega Center), Ricardo Esteban (editor en Nuevo Nueve), Pedro F. Medina (editor en Fandogamia), Anabel Colazo (autora de BD), Uxía Larrosa (autora de BD), Sira González (Bibliotecas Municipais da Coruña) e Sanmi (responsable de Alita Cómics).
Para o público familiar, durante a fin de semana continuará dispoñible a Comicteca infantil no Palco da Música do Xardíns de Méndez Núñez (de 11.30 a 13.30h), espazo que tamén acollerá os obradoiros para nenas e nenos de Viñetas Lab (12.00, 18.00 e 19.00h).
Na Rúa da BD, aberta de 11.00 a 14.00 e de 17.00 a 21.00h, este sábado 12 asinarán as súas obras Martín Romero (Astiberri Ediciones, 12.30h), Paula Cheshire (Libraría Paz, 12.30h; e Fandogamia, 18.00h), Manel Cráneo e Brais Fierro (Demo Editorial, 18.30h), Miguel Fernández (Libraría Paz, 19.00h), Alberto Varela (Anaya, 19.00h); Santy Gutiérrez (Demo Editorial, 19.30h); e, ao longo da xornada, Javier Monja Potente e Frank Peñas Arias (T-Raptor Editorial). Finalmente, o domingo 13, o ilustrador e animador Alberto Vázquez, gañador de catro premios Goya, firmará exemplares das súas obras na xornada de peche da Rúa da BD. A cita será ás 12.30h no expositor de Astiberri Ediciones.
PROGRAMA ACTIVIDADES VIÑETAS 2023 SÁBADO 12 DE AGOSTO
11.00 Casa da Cultura Salvador de Madariaga: visita á exposición ‘O bico da serea’
11.30 a 13.30h Palco da Música: Comicteca
12.00h Palco da Música: Obradoiro infantil Viñetas Lab
18.00h Kiosco Alfonso: Mesa redonda ‘Situación actual da banda desdeñada’
18.00h Palco da Música: Obradoiro infantil Viñetas Lab
19.00h Palco da Música: Obradoiro infantil Viñetas Lab
21.00h Copacabana Coruña: Encontro sectorial ‘Peche de Viñetas 2023’
EN PARALELO…
Autobán, Festa da autoedición
(Praza de San Andrés)
12.00 a 22.00h Mercado de Autoedición
12.00h Inauguración exposición Edmon (A Grelería)
12.30h Obradoiro ‘Sen pés nin testa! Obradoiro de fanzín DADA’
19.00h Obradoiro ‘2×1: Crea un fanzine e un poster nunha sentada!’
01.00h Festón post Autobán (Bar 13)
Rúa da Banda Deseñada (aberta de 11.00 a 14.00h e 17.00 a 21.00h)
Sinaturas
12.30h Martín Romero – Astiberri Ediciones
12.30h Paula Cheshire – Libraría Paz
18.00h Paula Cheshire – Fandogamia
18.30h Manel Cráneo e Brais Fierro – Demo Editorial
19.00h Miguel Fernández – Libraría Paz
19.00h Alberto Varela – Anaya
19.30h Santy Gutiérrez – Demo Editorial
E, tamén: Javier Monja Potente e Frank Peñas Arias – T-Raptor Editorial
PROGRAMA ACTIVIDADES VIÑETAS 2023 DOMINGO 13 DE AGOSTO
Palco da Música
11.30 a 13.30h Comicteca
12.00, 18.00 e 19.00h Obradoiro infantil Viñetas Lab
Rúa da Banda Deseñada (aberta de 11.00 a 14.00h e 17.00 a 21.00h)
Sinaturas
12.30 – Alberto Vázquez – Astiberri Ediciones
E, tamén: Javier Monja Potente e Frank Peñas Arias – T-Raptor Editorial
Este venres, 11 de agosto, o Teatro Colón acollerá as proxeccións dos filmes xaponeses The First Slam Dunk, o esperado e apaixonante relato sobre o mundo do básquet en clave anime do director Takehiko Inoue (12.00h), e a película de culto Akira 4K (17.00h), reeditada no ano do seu 35 aniversario
Pola súa banda, a Sala de Exposicións de PALEXCO propón unha oportunidade única para mergullarse no traballo do ilustrador e animador coruñés Alberto Vázquez, autor, entre outros traballos, das premiadas longametraxes Psiconautas e Unicorn Wars, coa mostra Alberto Vázquez: do cómic á animación
Este venres, 10 de agosto, na súa quinta xornada, Viñetas desde o Atlántico 2023 aposta polo cinema de animación cunha dobre sesión do seu ciclo para público infantil, adolescente e adulto ‘Órbita animada’. O Teatro Colón acollerá as proxeccións dos filmes xaponeses The First Slam Dunk, o esperado e apaixonante relato sobre o mundo do básquet en clave anime do director Takehiko Inoue (12.00h), que ven de gañar o Premio Satoshi Kon da excelencia na animación, e a película de culto Akira 4K (17.00h), reeditada no ano do seu 35 aniversario. Ambos pases son de acceso libre ata completar a capacidade da sala.
Paralelamente, Viñetas desde o Atlántico ofrece unha oportunidade única para mergullarse no universo artístico do multipremiado creador Alberto Vázquez, coa mostra Alberto Vázquez: do cómic á animación, comisariada por Matilde Rodríguez, que se pode ver na Sala de Exposicións de PALEXCO ata o 10 de setembro. Vázquez é un destacado director de animación, ilustrador e debuxante de cómics nado na Coruña, que conta con catro Premios Goya no seu palmarés, polas curtas de animación Birdboy (2012) e Decorado (2017) e polas longametraxes de animación Psiconautas, los niños olvidados (2017) e Unicorn Wars (2023).
Alberto Vázquez: do cómic á animación ofrece unha coidada selección de pezas que desvelan o característico traballo iconoclasta do artista -protagonizado por animais antropomorfos- e as súas temáticas universais de ámbito social. O público poderá explorar o seu singular enfoque creativo a través dos orixinais dos seus cómics Psiconautas, El evangelio de Judas, La caza e algunhas historias curtas; e poderá mergullarse tamén nos seus procesos de animación grazas a layouts, deseños de personaxes, arte conceptual e orixinais dos seus storyboards, realizados a lapis e acuarela, que revelan os detalles que dan vida ás súas personaxes e narrativas.
Pola súa banda, o festival de autoedición e BD da Coruña Autobán da o seu pistoletazo de saída este venres na sala Filomatic, co seu ‘Autobombo’ e o seu ‘Combate de debuxantes’.
Ademais, para o público familiar, durante a mañá (de 11.30 a 13.30h) estará dispoñible a Comicteca infantil no Palco da Música do Xardíns de Méndez Núñez, espazo que pola tarde acollerá dous novos obradoiros para nenas e nenos de Viñetas Lab (ás 18.00 e 19.00h).
Na Rúa da BD, aberta de 11.00 a 14.00 e de 17.00 a 21.00h, este venres 11 asinarán as súas obras Ánxel Carramal (Anaya), ás 18.00h; César Sebastián (Metrópolis Cómics A Coruña), ás 18.00h; Inés Vázquez (Demo Editorial), ás 18.30h; María Brenn (Libraría Paz), ás 19.00h; Óscar Losada e Xulia Pisón (Alita Cómics), ás 19.00h; Santy Gutiérrez (Demo Editorial), ás 19.30h; e, ao longo da xornada, Javier Monja Potente e Frank Peñas Arias (T-Raptor Editorial).
PROGRAMA ACTIVIDADES VIÑETAS 2023 VENRES 11 DE AGOSTO
11.30 a 13.30h Palco da Música – Comicteca.
12.00h Teatro Colón – Órbita animada. Ciclo de cinema: The First Slam Dunk.
17.00h Teatro Colón – Órbita animada. Ciclo de cinema: Akira 4K.
18.00h Palco da Música: Obradoiro infantil Viñetas Lab.
19.00h Palco da Música: Obradoiro infantil Viñetas Lab.
EN PARALELO:
Autobán, Festa da autoedición
Sala Filomatic
18.30h Presentación de Autobán 2023.
19.00h Autobombo.
21.00h Combate de debuxantes.
Rúa da Banda Deseñada (aberta de 11.00 a 14.00h e 17.00 a 21.00h)
Sinaturas
17.00h Víctor L. Pinel e Alicia Jaraba – Nuevo Nueve.
18.00h Ánxel Carramal – Anaya.
18.00h César Sebastián – Metrópolis Cómics A Coruña.
18.30h Inés Vázquez – Demo Editorial.
19.00h María Brenn – Libraría Paz.
19.00h Óscar Losada e Xulia Pisón – Alita Cómics
19.30h Santy Gutiérrez – Demo Editorial.
E, tamén: Javier Monja Potente e Frank Peñas Arias – T-Raptor Editorial
DESCARGA O CATÁLOGO DE VIÑETAS 2023 PARA MÁIS INFORMACIÓN SOBRE AS EXPOSICIÓNS E AUTORÍAS
Este luns, ás 18.00h, tivo lugar a inauguración oficial da 26º edición do Salón Internacional do Cómic da Coruña no Kiosco Alfonso; a alcaldesa Inés Rey puxo en valor os obxectivos marcados para este 2023, “un festival que procura dar voz e presenza ás mulleres do cómic, así como render homenaxe a figuras desaparecidas recentemente”
A historietista barcelonesa Laura Pérez Vernetti tomou parte no acto de apertura de Viñetas desde o Atlántico, que converterá á Coruña na capital universal da banda deseñada e contará con máis dun cento de propostas
Mañá martes, 8 de agosto, Isa Feu, Marta Guerrero, Marika Vila, Elisa McCausland e Laura Pérez Vernetti -algunhas das máis relevantes firmas femininas da historia da banda deseñada española desde os 70 ata a actualidade- ofrecerán un paseo guiado pola súa exposición ¡Mujercitas del mundo entero, uníos!, no Kiosco Alfonso (ás 12.00 e ás 18.00h) e participarán nunha mesa redonda no Teatro Colón (ás 19.00h)
Tamén mañá martes, na Rúa da BD, aberta de 11.00 a 14.00 e de 17.00 a 21.00h, asinarán as súas obras Inacio e Iván Suárez (Demo Editorial), Anémona de Río e José Malvárez Carleos (Anaya)e Javier Monja Potente e Frank Peñas Arias (T-Raptor Editorial)
Este luns arrancou a 26ª edición do Salón Internacional do Cómic da Coruña, ‘Viñetas desde o Atlántico 2023’. Desde hoxe a cidade herculina convértese na capital universal da banda deseñada, con máis dun cento de propostas artísticas, que inclúen exposicións, sinaturas con autorías de referencia do sector, música, un ciclo de cinema de animación, obradoiros infantís e profesionais, visitas guiadas e mesas redondas, entre moitas máis iniciativas.
A alcaldesa, Inés Rey, tomou parte esta tarde no acto oficial de inauguración do ‘Viñetas desde o Atlántico 2023’, celebrado no exterior da Sala Municipal de Exposicións do Kiosco Alfonso. Rey, acompañada polo concelleiro da área de Fomento e Promoción da Cidade, subliñou que “o Viñetas é un proxecto de cidade, de carácter colectivo, e unha marca asociada á identidade da Coruña”.
Na súa intervención, a rexedora puxo en valor a proposta e obxectivos marcados para esta edición do Salón Internacional do Cómic da Coruña, “que procura dar voz e presenza ás mulleres do cómic, así como render homenaxe a figuras desaparecidas recentemente, como Ibáñez e Calpurnio. Traballouse, ademais, para abrir xanelas ao mundo da animación, conscientes do grande traballo que se está a realizar desde A Coruña, e tamén para aumentar a presenza do público infantil e familiar con accións participativas”.
Neste sentido, durante o acto celebrado esta tarde, cobrou protagonismo a figura da historietista barcelonesa Laura Pérez Vernetti, unha das pioneiras do cómic, que, ademais de participar na exposición colectiva do Kiosco Alfonso, tamén é a autora da mostra Vive la vida e outras poesías gráficas de Luis Alberto de Cuenca, aberta desde hoxe e até o vindeiro 10 de setembro na Casa Museo Picasso.
Axenda do martes 8, na segunda xornada do Viñetas desde o Atlántico
Na súa segunda xornada, Viñetas desde o Atlántico 2023 rende homenaxe as autoras pioneiras do cómic underground adulto en España. Este martes, 8 de agosto, Isa Feu, Marta Guerrero, Marika Vila, Elisa McCausland e Laura Pérez Vernetti -algunhas das máis relevantes firmas femininas da historia da banda deseñada española desde os 70 ata a actualidade- visitan A Coruña para ofrecer un paseo guiado pola súa exposición ¡Mujercitas del mundo entero, uníos!, no Kiosco Alfonso (cun dobre pase, ás 12.00 e ás 18.00h, acompañadas polos comisarios Raquel Jimeno, Alberto Medina e Guillermo Cobo) e participar nunha mesa redonda no Teatro Colón (ás 19.00h). Ambas actividades son de acceso libre ata completar a capacidade dos recintos.
O programa de Viñetas 2023 previsto para este martes, 8 de agosto, propón, ademais, sete exposición e dous talleres nas Bibliotecas Municipais da Coruña: na Biblioteca Durán Loriga, o obradoiro infantil As túas primeiras viñetas; e na Biblioteca de Estudos Locais, o obradoiro profesional express de novela gráfica, ambos organizadas da man de Coruña Gráfica. Por outra banda, no Palco da Música dos Xardíns de Méndez Núñez, desenvolveranse dúas actividades infantís: a Comicteca, de 11.30 a 13.30h; e o obradoiro Viñetas Lab, ás 18.00 e 19.00h. As autoras Isa Feu e Laura Pérez Vernetti asinarán exemplares no Kiosco Alfonso ás 12.00h, mentres que a quenda das sinaturas de Marta Guerrero, Marika Vila e Elisa McCausland terá lugar ás 18.00h, tamén no Kiosco Alfonso.
Na Rúa da BD, aberta de 11.00 a 14.00 e de 17.00 a 21.00h, asinarán as súas obras Inacio e Iván Suárez (Demo Editorial), Anémona de Río e José Malvárez Carleos (Anaya) e Javier Monja Potente e Frank Peñas Arias (T-Raptor Editorial).
SOBRE A EXPOSICIÓN ¡MUJERCITAS DEL MUNDO ENTERO, UNÍOS!
Nas décadas de 1970 e 1980, diversas autoras españolas de cómic adulto revolucionaron o medio ao reformular coas súas viñetas a representación feminina. Afastadas do idealismo imperante e fronte á invisibilización promovida polo contexto social e político do momento, estas historietistas -de procedencia, saberes e modos de facer dispares- instauraron un panorama de gran diversidade estilística e narrativa, con historias rebordantes de reivindicación feminista e denuncia sociopolítica, que cos anos darían paso a unha estética máis libre e experimental e a temáticas e inquietudes máis persoais. Elas son, entre outras, Núria Pompeia, Rosa Lleida, Sara Presutto, Montse Cravei, Isa Feu, Mariel Soria, Marika Vila, Marta Guerrero, Pilar Ferreiro Bendicho, Ana Juan, Mamen la del Cafó, Vitoria Martos, Ana Miralles, Roser Oduber e Laura Pérez Vernetti.
¡Mujercitas del mundo entero, uníos! Pioneras del cómic underground adulto busca contribuír á difusión de todas estas viñetistas que, co seu traballo, achandaron o camiño a autoras que hoxe poden lanzar as súas mensaxes abertamente e desde unha posición recoñecida. Trátase dun proxecto do Museo Nacional Centro de Arte Reina Sofía, comisariado por Alberto Medina, Raquel Jimeno e Guillermo Cobo.
En Viñetas desde o Atlántico, a exposición inclúe, tamén, un espazo de consulta no que están representadas autoras de cómic actual, como Flavita Banana, Nadia Hafid, Ana Penyas ou as galegas Begoña García-Alen, Enma Ríos, Roberta Vázquez e Xulia Vicente.
PROGRAMA ACTIVIDADES VIÑETAS 2023 MARTES 8 DE AGOSTO
10.30h. Biblioteca Durán Loriga – Obradoiro infantil As túas primeiras viñetas.
11.30h. Biblioteca de Estudos Locais – Obradoiro profesional express de novela gráfica.
11.30 a 13.30h. Palco da Música – Comicteca.
12.00h. Kiosco Alfonso – Visita guiada pola exposición ¡Mujercitas del mundo, uníos! Pioneras del cómic underground adulto, a cargo das autoras e dos comisarios Raquel Jimeno, Alberto Medina e Guillermo Cobo.
12.00h. Kiosco Alfonso – Sinatura de Isa Feu e Laura Pérez Vernetti.
18.00h. Kiosco Alfonso – Visita guiada pola exposición‘¡Mujercitas del mundo, uníos! Pioneras del cómic underground adulto, a cargo das autoras e dos comisarios Raquel Jimeno, Alberto Medina e Guillermo Cobo.
18.00h. Kiosco Alfonso – Sinaturas de Marta Guerrero, Marika Vila e Elisa McCausland.
18.00h. Palco da Música – Obradoiro infantil Viñetas Lab.
19.00h. Teatro Colón – Mesa redonda Pioneiras do cómic underground adulto.
19.00h. Palco da Música – Obradoiro infantil Viñetas Lab.
Rúa da Banda Deseñada (aberta de 11.00 a 14.00h e 17.00 a 21.00h)
Sinaturas
18.30h. Inacio e Iván Suárez – Demo Editorial
20.00h. Anémona de Río e José Malvárez Carleos – Anaya
E, tamén: Javier Monja Potente e Frank Peñas Arias – T-Raptor Editorial
Durante sete días, até o domingo 13 de agosto, a cidade herculina convértese na capital universal da banda deseñada, con máis dun centenar de propostas: exposicións, sinaturas con autorías de referencia do sector, música, un ciclo de cinema de animación, visitas, mesas redondas, etc.
Este luns, 7 de agosto, o programa de Viñetas inclúe, ademais da apertura das súas sete exposicións, o primeiro dos obradoiros infantís de Viñetas Lab, no Palco da Música dos Xardíns de Méndez Núñez, ás 19.00h, e o concerto ilustrado de Hongo, ás 21.00h, no Teatro Colón
A Rúa da BD, que reúnen a mellor selección editorial de banda deseñada de hoxe e de sempre, comezará a súa andaina de 18.00 a 21.00h e, nesta tarde de luns, contará coas sinaturas de Jorge Campos (Anaya), Paula Chesire (Fandogamia) e Javier Monja Potente e Frank Peñas Arias (T-Raptor Editorial)
A inauguración oficial de Viñetas desde o Atlántico 2023 terá lugar este luns, 7 de agosto, no exterior do Kiosco Alfonso, ás 18.00h, coa presencia da alcaldesa da Coruña, Inés Rey; o concelleiro de cultura, Gonzalo Castro; as autoras Laura Pérez Vernetti, Isa Feu, Marta Guerrero, Marika Vila e Elisa McCausland; o ilustrador Manel Cráneo, autor do cartel de Viñetas 2023; os comisarios Alberto Medina, Guillermo Cobo e Raquel Jimeno; e outras personalidades do universo da BD coruñesa, representantes da Rúa da BD e de asociacións colaboradoras da cita como Coruña Gráfica e Autobán
Hoxe arranca o 26º Salón Internacional do Cómic da Coruña, Viñetas desde o Atlántico 2023. Durante os próximos sete días, até o domingo 13 de agosto, a cidade herculina convértese na capital universal da banda deseñada, con máis dun centenar de propostas artísticas, que inclúen exposicións, sinaturas con autorías de referencia do sector, música, un ciclo de cinema de animación, obradoiros infantís e profesionais, visitas guiadas, mesas redondas, etc.
O programa de Viñetas 2023 previsto para este luns, 7 de agosto, propón, ademais da apertura das súas sete exposicións, o primeiro dos obradoiros infantís de Viñetas Lab, no Palco da Música dos Xardíns de Méndez Núñez, ás 19.00h, e o concerto de Hongo, ilustrado por Paz Rodríguez, Luis Yang e Julia Abalde, ás 21.00h, no Teatro Colón.
A Rúa da BD, que reúnen máis de 40 stands profesionais de editoras e librarías coa mellor selección editorial de banda deseñada de hoxe e de sempre, comezará a súa andaina de 18.00 a 21.00h e, nesta tarde de luns, contará coas sinaturas de Jorge Campos (Anaya), Paula Chesire (Fandogamia) e Javier Monja Potente e Frank Peñas Arias (T-Raptor Editorial).
CONCERTO DE HONGO, ILUSTRADO POR PAZ RODRÍGUEZ, LUIS YANG E JULIA ABALDE
Luns 7 de agosto, ás 21.00h. No Teatro Colón
Música e ilustración danse a man nun espectáculo que lle poñerá a guinda á xornada inaugural deste Viñetas 2023. Este concerto ilustrado contará con música en directo a cargo da banda coruñesa Hongo, que será ilustrado ao vivo por tres queridos autores do panorama da autoedición de banda deseñada coruñesa: Paz Rodríguez, Luis Yang e Julia Abalde. A execución das ilustracións por parte dos artistas será proxectada en tempo real no Colón mentres a banda actúa.
VIÑETAS LAB
No Palco da Música dos Xardíns de Méndez Núñez
HORARIOS E IDADE
Luns 7 de agosto, 19.00h. Martes 8 a venres 11, 18.00 e 19.00h. Sábado 12 e domingo 13, 12.00, 18.00 e 19.00h. De 6 a 12 anos.
INSCRICIÓN
15 prazas en cada obradoiro, con inscrición previa a través do correo ludidactica@gmail.com e no propio Palco da Música antes de cada obradoiro sempre que houbese prazas libres.
Viñetas estrea unha nova actividade lúdica orientada ao público infantil este 2023. A iniciativa Viñetas Lab reúne un total de 15 obradoiros, dunha hora de duración, que celebraranse no Palco da Música Xardíns de Méndez Núñez, especialmente decorado e acondicionado para a ocasión. O programa de Viñetas Lab extenderase ao largo de todo o festival, do 7 ao 13 de agosto. As protagonistas das actividades serán as famosas esculturas de Viñetas desde o Atlántico que reproducen personaxes de tebeo como Lucky Luke, Os Simpson, Pitufina, Carpanta, Esther, Spiderman, Batman ou Mortadelo e Filemón, entre moitos outros, todas elas presentes nos xardíns onde terán lugar os obradoiros. A dinámica da actividade consistirá nun xogo colaborativo no que as nenas e os nenos introduciranse nos universos creativos destas personaxes de ficción, para logo desenvolver as súas propias historietas, nas que mesturarán estes personaxes que nunca antes conviviron todas xuntas nun mesmo tebeo.
O programa completo do 26º festival internacional da banda deseñada da Coruña -que pódese consultar en www.vinetasdesdeoatlantico.com– inclúe, tamén, visitas guiadas, unha mesa redonda, obradoiros profesionais e infantís, un encontro sectorial e a tradicional Rúa da BD, con máis de 40 expositores de librarías e editoras de referencia do sector
Visitas guiadas, audioficción, música, cinema, obradoiros profesionais e infantís, un encontro sectorial, unha mesa redonda, a xa tradicional Rúa da BD -que concentrará máis de 40 expositores de librarías e editoras de referencia do sector do cómic de toda España, con firmas de libros, charlas e outras accións abertas ao público- e o programa parelelo de Autobán conforman o programa completo do 26º festival internacional da banda deseñada da cidade da Coruña Viñetas desde o Atlántico este 2023.
Da man de Viñetas 2023, Laura Pérez Vernetti e os italianos Teresa Radice e Stefano Turconi visitarán á Coruña para ofrecer unha visita guiada ás súas exposicións, mentres que a mostra ¡Mujercitas del mundo, uníos! contará tamén cun paseo guiado polos seus comisarios.
Pola súa banda, o Teatro Colón acollerá unha mesa redonda coas pioneiras do cómic underground adulto en España, ademais de programar, tamén, a novidosa audioficción da novela gráfica ‘O lume’, de David Rubín, elixida como o mellor cómic español de 2022.
O cinema e a música súmanse este 2023 á órbita de Viñetas desde o Atlántico con dúas propostas que terán lugar, tamén, no Teatro Colón: por unha parte, os filmes de animación Lupin III: The First, Spider-Man: Into the Spider-Verse, The First Slam Dunk e Akira 4K conforman o novo ciclo de cinema Órbita Animada. Por outra parte, o público poderá gozar, tamén no Teatro Colón, dun concerto ilustrado, que fusionará en directo a música da banda coruñesa de metal y sludge Hongo coas ilustracións creadas ao vivo polos artistas de BD da Coruña Paz Rodríguez, Luis Yang e Julia Abalde.
Ademais, este 2023 Viñetas desde o Atlántico quere tender pontes co sector da banda deseñada coruñesa e suma a celebración paralela do mercado de autoedición Autobán, con máis 70 propostas artísticas chegadas de toda a Península, ademais de música, obradoiros, exposicións, un combate de ilustración e outras actividades, que se celebrarán o sábado 12 de agosto na Praza de San Andrés ao longo de toda a xornada.
PROGRAMA DE ACTIVIDADES DE VIÑETAS DESDE O ATLÁNTICO 2023
* Todas actividades son de acceso libre, ata completar aforo.
Visitas guiadas
VISITA GUIADA POLOS COMISARIOS Á EXPOSICIÓN ‘¡MUJERCITAS DEL MUNDO ENTERO, UNÍOS!’
Martes 8 de agosto. Dous pases: 12.00h e 18.00h. No Kiosco Alfonso
Os comisarios da exposición Raquel Jimeno, Alberto Medina e Guillermo Cobo desvelarán os detalles da mostra nun paseo guiado pola mesma. As visitas son abertas ao público, sen necesidade de inscrición previa.
VISITA GUIADA POLA AUTORA Á EXPOSICIÓN ‘VIVE LA VIDA E OUTRAS POESÍAS GRÁFICAS DE LUIS ALBERTO DE CUENCA. POR LAURA PÉREZ VERNETTI’
Mércores 9 de agosto, ás 13.00h. Na Casa Museo Picasso
A autora Laura Pérez Vernetti, pioneira do movemento underground na España dos 80 e considerada como unha das mellores historietistas españolas de todos os tempos, gañadora en 2018 do Gran Premio do Salón del Cómic de Barcelona, visita Viñetas desde o Atlántico para ofrecer un paseo guiado pola súa exposición, xunto ao comisario da mesma, Asier Mensuro. A visita é aberta ao público, sen necesidade de inscrición previa.
VISITA GUIADA POLOS AUTORES Á EXPOSICIÓN ‘LAS CHICAS DEL PILLAR’
Mércores 9 de agosto, ás 17h. Na Sala de Exposicións do Palacio Municipal
Os autores italianos Teresa Radice e Stefano Turconi, considerados como uns dos máis relevantes creadores do panorama actual europeo da Novena Arte, desvelarán os detalles da súa mostra nun paseo guiado pola mesma. A guionista e o debuxante asinarán exemplares da súa obra ao finalizar a actividade. A visita é aberta ao público, sen necesidade de inscrición previa.
Mesa redonda
PIONEIRAS DO CÓMIC UNDERGROUND ADULTO
Martes 8 de agosto, ás 19.00h. No Teatro Colón
As autoras Isa Feu, Laura Pérez Vernetti, Marta Guerrero, Marika Vila e Elisa McCausland visitan Viñetas desde o Atlántico 2023 para participar nunha conversa aberta ao público sobre a súa exposición ‘Mujercitas del mundo entero, uníos!’. A mesa redonda estará moderada e presentada pola comisaria da mostra Raquel Jimeno.
Audioficción
AUDIOFICCIÓN ‘O LUME’ DE DAVID RUBÍN
Mércores 9 de agosto, ás 22.00h. No Teatro Colón
Viñetas 2023 presenta unha audioficción dramatizada por Xosé Barato e presentada por Neves Rodríguez, que adapta a un novo formato unha das obras máis premiadas do cómic español en 2022 e 2023: El fuego (Astiberri Ediciones) / O lume (Demo Editorial), de David Rubín.
O historietista e animador galego David Rubín -gañador, entre moitos outros, do Premio Josep Toutain ao autor revelación do Salón do Cómic de Barcelona en 2007, ademais de ser nominado en catro ocasións aos Premios Eisner, os Oscar do mundo do cómic- fará unha breve introdución ao espectáculo, nunha conversa con Neves Rodríguez sobre o proceso creativo da obra. A intervención estará acompañada de proxeccións. A continuación , chegaralle a súa quenda á audioficción. Ao remate do evento, o autor asinará exemplares da obra El fuego (Astiberri Ediciones) / O lume (Demo Editorial), editada en galego e en español, no hall do propio Colón.
Música
CONCERTO DE HONGO, ILUSTRADO POR PAZ RODRÍGUEZ, LUIS YANG E JULIA ABALDE
Luns 7 de agosto, ás 21.00h. No Teatro Colón
Música e ilustración danse a man nun espectáculo que lle poñerá a guinda á xornada inaugural deste Viñetas 2023. Este concerto ilustrado contará con música en directo a cargo da banda coruñesa Hongo, que será ilustrado ao vivo por tres queridos autores do panorama da autoedición de banda deseñada coruñesa: Paz Rodríguez, Luis Yang e Julia Abalde. A execución das ilustracións por parte dos artistas será proxectada en tempo real no Colón mentres a banda actúa.
Cinema
ÓRBITA ANIMADA. CICLO DE CINEMA
Mércores 9 de agosto, ás 16.30 e 18.30h. Venres 11, ás 12.00 e 17.00h. No Teatro Colón
18.30h Spider-Man: Into the Spider-Verse (116 min. +17 anos)
Sesións venres 11 de agosto
12.00h The First Slam Dunk(124 min. +7 anos)
17.00h Akira 4K (124 min. + 12 anos)
Ibáñez en Viñetas
IBÁÑEZ EN VIÑETAS
Do 7 ao 13 de agosto, nas Bibliotecas Municipais
O recentemente finado Francisco Ibáñez, historietista de referencia e autor de personaxes fundamentais da cultura popular española da Transición, visitou Viñetas desde o Atlántico na súa primeira edición, hai hoxe 26 anos. Foi entón, en agosto de 1998, cando A Coruña acolleu unha exposición en homenaxe á súa figura polo 40 aniversario de Mortadelo e Filemón.
Viñetas desde o Atlántico 2023 non pode pasar por alto esta triste perda e, en recordo de Ibáñez, incluirá un punto continuado de lectura das súas obras nas Bibliotecas Municipais da cidade. Velaquí unha proposta para que todos los públicos poidan achegarse ou reconectar coa súa figura e a súa obra a través de icónicos títulos e personaxes xa inmortais no imaxinario da banda deseñada universal.
Autobán
AUTOBÁN: MERCADO E OBRADOIROS
Sábado 12 de agosto, de 12.00 a 01.00h. Na Praza de San Andrés
Viñetas desde o Atlántico propón unha edición 2023 que pon en valor o sector e as autorías locais, erixíndose como o paraugas que arroupa todo o que sucede na Coruña ao redor do cómic e que tende pontes con iniciativas da cidade como Autobán e a súa coidada proposta de fanzine de banda deseñada alternativa.
O Mercado de Autoedición de Autobán ofrece a oportunidade de amosar e vender o seu material a autores e autoras, colectivos, proxectos de autoedición e microeditoriais. Este ano conta con máis de 70 propostas chegadas de toda a Península. O mercado desenvolverase na Praza de San Andrés coa axuda da Galería Grelería e contará con música ao longo de todo día a cargo de Pinchos e Pinchadas, Willy the Squid, PUTA PUTA PUTA, Pandereperras e outras artistas. Non faltarán á cita delicias veganas e unha cata de cervexas artesás de Alé Alé. Tamén haberá obradoiros (para público adulto e infantil), exposicións, un combate de debuxantes e moitas outras sorpresas.
Encontro sectorial
PECHE DE VIÑETAS 2023
Sábado 12 de agosto, 21.00h. No Copacabana Coruña
Un distendido acto profesional que servirá de espazo de conversa e lugar de encontro para o sector, co fin de valorar a edición actual da feira e de escoitar suxerencias de mellora para a vindeira edición de Viñetas 2024.
E, ademais…
OBRADOIROS PROFESIONAIS E ACTIVIDADES INFANTÍS NAS BIBLIOTECAS MUNICIPAIS
