por martinho | Jul 21, 2020 | Creación, Novas, Xeral
A Rede Galega no Reino Unido celebra unha romaría en liña desde Londres para festexar o Día da Matria
- No evento participarán, entre outros, Ugía Pedreira, Bieito Romero, Xabier Díaz, Carlos Núñez, Belém Tajes, a familia Seivane, Touriñán, Zeltia e Dequenvessendo
- A retransmisión será este sábado, 25 de xullo, a partir das 19 horas, na páxina de Facebook de REGA-UK
A asociación Rede Galega en UK (REGA-UK), con sede en Londres, vai celebrar este sábado, 25 de xullo, unha ‘Romaría online’ para celebrar o Día da Matria. Por mor da pandemia do coronavirus, a organización substitúe este ano a súa tradicional romaría en Hyde Park por un evento en liña no que participarán artistas de distintos puntos xeográficos. A partir das 7 da tarde, hora galega, a páxina de Facebook de REGA-UK (www.facebook.com/REGAUK/live) será un punto de encontro para a cultura galega que se artella na terra e fóra dela, tecendo redes entre artistas de Galicia, Londres e Arxentina.
Durante a romaría vanse alternar actuacións musicais con intervencións de actores e poetas e mais con saúdos de numerosos artistas. Polo de agora xa está confirmada a participación de músicos como Bieito Romero, Carlos Núñez, Belém Tajes, Xabier Díaz, a familia Seivane, Zeltia, os irmáns Carlos e Fran Barcia, Dequenvessendo, David Carril e Son da Illa. O programa completarase coas colaboracións dos actores Touriñán e Diego Freire e do poeta Enrique Gavilanes.
Ademais, durante o evento vanse presentar en exclusiva dous novos temas musicais. Por unha banda, o último single de Ugía Pedreira, que, acompañada de Pier El Gabacho, vai musicar un poema de Enrique Gavilanes. Por outra banda, será tamén a presentación oficial do novo tema do gaiteiro Alberto López, membro do grupo Sete Netos de Bos Aires.
LIGAZÓN ROMARÍA ONLINE: https://www.facebook.com/REGAUK/live/
MÁIS INFORMACIÓN: Web | Facebook | Twitter | YouTube
Enlace á información do evento.
por martinho | Feb 6, 2020 | Autores/as, Creación, Novas, Xeral
A Rede Galega no Reino
Unido celebra unha festa de entroido en Londres
· O programa inclúe un espectáculo do actor Diego Freire, o concerto debut do grupo de pandeireteiras ‘Son da illa’ e unha foliada, entre outras accións
· A festa será este sábado, 8 de febreiro,
de 14 a 20 horas, no YAA Youth Centre de Londres
A
asociación Rede Galega en UK (REGA-UK) segue a promover a cultura galega no
Reino Unido. Este vindeiro sábado, 8 de febreiro, o colectivo organiza un
evento para festexar unha das celebracións máis sobranceiras de Galicia: o
entroido. A proposta terá un marcado sabor cultural pero sen esquecer a
idiosincrasia destas festas. A actividade conta coa colaboración de Producións
Dispersas e tamén doutras organizacións socioculturais galegas da capital
británica como Galegos Morriñentos e Galego en Londres.
Como
en anteriores ocasións, REGA-UK mesturará ao longo da xornada manifestacións
culturais diversas como o teatro, a música ou a gastronomía. Desta volta o
actor Diego Freire vén convidado desde Galicia para representar o seu
espectáculo ‘Memorias dun ser humano disperso (versión 7.0)’. Ademais, esta
festa de entroido será o día do debut de ‘Son da illa’, un grupo de
pandeireteiras formado por cinco galegas da diáspora londiniense: Antía
Quintas, María Yáñez, Saleta Rivas, Sandra Baña e Natalia Cabana. O programa
completarase con foliada, concurso de disfraces, actividades para nenos e moito
máis.
A
festa vaise desenvolver en The YAA Centre [1 Chippenham Mews, Londres, W9 2AN]
de 14 a 20 horas. A entrada anticipada ten un prezo de 12 libras e de mercarse
na porta o seu custo será de 15 libras. En ambos os dous casos, o tícket inclúe
unha bebida e unha tapa. O acceso é gratuíto para os menores de 16 anos. Para a
compra anticipada é preciso realizar o ingreso na conta bancaria de REGA-UK co
número 30695760 (sort code 30-90-99) e poñer como ‘payee reference’
ENTROIDO-Apelido. A recadación destinarase integramente á organización de
actividades socioculturais no Reino Unido promovidas por REGA-UK.
Un
cabaré absurdo para celebrar o entroido
Diego
Freire é o autor e protagonista de ‘Memorias dun ser humano disperso (versión
7.0)’, unha peza cómico-musical con formato de monólogo que dirixe José
Campanari. A compañía define esta obra como “cabaré absurdo, protagonizado por
un personaxe fóra de lugar e un pouco esquizofrénico, que desexa escapar dun
mundo que non comprende e no que non é comprendido a un lugar lonxe e diferente
onde por fin poderá ser feliz”. A busca deste suposto paraíso é o eixo arredor
do que xira esta proposta, na que Freire ofrece múltiples facianas como o showman
do cabaré, o clown triste, o bufón, o perdedor, o tolo e o soñador.
Trátase
dunha nova versión do espectáculo co que Producións Dispersas botou a andar no
2010, baseando o seu traballo en tres piares: humor, pequeno formato e crítica
social, desde unha perspectiva contemporánea. Nesta década de traxectoria a
compañía levou a escena outras propostas como ‘En busca da canción perdida’,
‘Falándolle ao espello’, ‘O bosque dos prodixios’ ou ‘Tódalas marabillas do
mundo’.
MÁIS
INFORMACIÓN: Web | Facebook | Twitter | YouTube
por martinho | Oct 4, 2019 | Autores/as, Creación, Literaria, Novas, Xeral
A YouTuber e escritora coruñesa Isabel Villanueva presenta o seu libro “Palabras da miña vida” en Londres
O evento, organizado pola asociación Rede Galega en UK (REGA-UK), será este domingo no St John´s Hill Centre da capital británica
O
vindeiro domingo, día 6 de outubro, entre as 11,30 e as 13 horas, terá lugar a
presentación do primeiro libro da YouTuber Isabel Villanueva, mais
coñecida coma “Isashopaholic”, no St John´s Hill Centre de Londres [Clapham
Estate, St John’s Hill, London, SW11 1TY]. Trátase dun evento organizado pola asociación
Rede Galega en UK (REGA-UK) en colaboración coa Axencia de Representación da
escritora.
Trala
presentación o 2 de maio na Fnac da Coruña e despois de levar o seu “O galego
mola. Palabras da miña vida” ás feiras mais importantes de Galicia, “Isashopaholic”
da o salto a Londres, cidade pola que ten un agarimo especial.
A
presentación ten entrada libre ata completar aforo. Ademais, servirase café, té
e biscoito caseiro. As persoas que asistan á terán a oportunidade de falar coa
autora, mercar o libro e levalo firmado. Tamén poderán descubrir en primicia
unha pequena mostra da liña de complementos que, baixo a súa marca de
“Isashopaholic” e “O galego mola”, a autora ten previsto lanzar a finais deste
ano.
Isabel
Villanueva Mariño, nacida en Carballo, lánzase ao mundo 2.0 no 2010 cun vídeo en
YouTube. A modo de hobbie ía subindo vídeos variados, de cousas cotiás que lle
gustaba compartir. Pouco a pouco vai medrando en todas as redes sociais, pero
hai dous anos foi cando deu o salto definitivo para dedicarse profesionalmente
á xestión da súa marca persoal “Isashopaholic” e, posteriormente, crea “O
galego mola”, un lugar onde comparte cos seguidores o idioma, lembranzas,
impresións, reflexións, receitas en galego e lugares de Galicia. “O Galego
Mola. Palabras da miña vida” é o seu primeiro libro e foi editado este mesmo
ano por Hércules de Ediciones.
A autora, Isabel
Villanueva, está dispoñible para facer entrevistas.
Contacto: Laura Costoya
Santos 620 12 42 57
