por martinho | Ago 2, 2019 | Autores/as, Creación, Novas, Xeral
O Instituto de Estudos Ulloáns (IEU) organiza este domingo 4 de agosto a 13ª excursión botánica, dentro do proxecto FLORA DA ULLOA, pola Ribeira do Ulla (Casa de Naia, Monterroso. Bidouredo, Dorra, Vilapoupre, Pedraza…), Antas de Ulla e Monterroso.
*Información achegada desde o IEU
por martinho | Ago 1, 2019 | Autores/as, Creación, Novas, Xeral
O sábado 3 de agosto ás 12:00 h. inaugurarase na sala 2 do Castelo de Pambre a exposición “Penélopes” da pintora e poeta Adolfina Mesa. Dita exposición está organizada polo Instituto de Estudos Ulloáns (IEU). Presentarán o acto Braulio Vilariño, comisario da exposición, e Francisco Pardo Teijeiro, presidente do IEU, ademais de contar de coa presenza da propia autora da exposición, Adolfina Mesa.
Velaquí un acceso onde se pode consultar o curriculum e as obras de Adolfina Mesa http://ieu.gal/exposicions/
A exposición PENÉLOPES permanecerá aberta ao público desde o 3 de agosto ata o 27 de setembro de 2019.
*Información achegada polo Instituto de Estudos Ulloáns
por martinho | Jul 19, 2019 | Autores/as, Novas, Xeral
O Instituto de Estudos Ulloáns organiza a próxima excursión botánica do proxecto Flora da Ulloa, organizada por Xurxo Mouriño, que terá lugar o próximo domingo día 21 pola ribeira do Pambre. Baixarase pola ribeira desde a altura do balneario, até chegar ao mediodía á confluencia co Ulla no Batán e seguir á tarde até a foz do río Seco, nos confíns da Ulloa, onde se xuntan as provincias de Pontevedra, A Coruña e Lugo.
Podedes notificar a vosa asistencia a floraulloa@ieu.gal ou ao tfno. 609139498.
*Información achegada desde o Instituto de Estudos Ulloáns.
por martinho | Jul 18, 2019 | Autores/as, Novas, Xeral
O Instituto de Estudos Ulloáns, en colaboración co Concello de Palas de Rei, inaugura o vindeiro sábado, 20 de xullo ás 12 horas na sala de exposicións do Castelo de Pambre, a exposición CHOUSAS E BOSQUEXOS, de José Manuel Méndez.
*Información facilitada polo IEU.
por martinho | Jun 3, 2019 | Autores/as, Novas, Xeral
O vindeiro domingo 9 de xuño, a partir das 19:30 horas na Aula de Cultura do Concello de Antas de Ulla celebrarase unha conferencia de Sandra Goded, baixo o título de MI VIAJE A ÁFRICA. Una lección de vida, onde a autora falará da súa experiencia nesa viaxe por terras africanas.
Colaboran na organización desta actividade o Instituto de Estudos Ulloáns (IEU), Quercus Sonora e o Concello de Antas de Ulla.
*Información facilitada polo IEU.