O acto comezou co saúdo de Inés Lozano Carral, presidenta da Asociación Cultural de Pino.
A continuación, Martiño Maseda realizou a lectura do Manifesto da AELG polo Día de Rosalía, cuxa autoría nesta edición correspondeu ao escritor Carlos Callón.
Deseguido tivo lugar a entrega de premios ás autoras galardoadas no III Certame de Caligramas CONSTANZA DE CASTRO:
Laura Sánchez Castro, gañadora do segundo premio pola obra Engrañaxes, non puido asistir ao acto, mais si achegou un vídeo onde, ademais de ofrecer a súa gratitude polo premio, contou brevemente o seu caligrama.
A que si estivo presente en Pino para recoller o galardón foi Patricia Torrado Queiruga, gañadora do primeiro premio pola obra súa Última noite en Caldaloba, quen tamén ofreceu unha breve explicación do seu caligrama, ao tempo que salientaba a súa gratitude porque Pino, e a Terra Chá, xa formaba para da súa memoria do corpo (emulando palabras do escritor de nacenza chairega, Xesús Rábade Paredes).
Rematada a cerimonia de entrega de premios, varias mulleres presentes participaron na actividade Enmarcando a Rosalía, na que realizaron a lectura de textos rosalianos e deixándoos adheridos nun cadro coa imaxe de Rosalía de Castro.
En varios momentos do evento contouse coa interpretación de pezas musicais a cargo de Avelino Roca acompañado polo grupo de música de nenas e nenos de Pino.
GALERÍA VIDEOGRÁFICA
*Autoría das imaxes: José Manuel Pena Regueiroe Martiño Maseda
Este venres, día 23 de febreiro, é o día en que se conmemora o nacemento de ROSALÍA DE CASTRO e a Casa-Museo Manuel María quere festexar esta efeméride o sábado, día 24, cunha actividade que renda homenaxe a Rosalía e a súa obra.Comezaremos, ás 19 horas. A entrada é libre e consistirá no seguinte:
-Lectura pública da propia obra de Rosalía (aquelas persoas que se queiran animar a ler un pequeno texto da obra de Rosalía deben de comunicalo ao correo da Casa-Museo, contacto@casamuseomanuelmaria.gal, ou a través do whatsapp, 698117621, dicindo, ao mesmo tempo, o título do poema ou anaco de poema que queren ler. O momento para esta lectura pública durará non máis de 20 minutos).
-Proxección de A ROSA INCANDESCENTE. Curtametraxe de 27 minutos, dirixida por David Vázquez, con guión de Anxos García Fonte e protagonizada por Alba López. Este filme vainos achegar unha Rosalía de Castro cercana e directa que nos conta ela mesma algúns dos aspectos fundamentais da súa obra. Rosalía é a mesma rosa incandescente de intelixencia, sensibilidade e paixón polo que fai.
-Coloquio final coa guionista do filme, Anxos García Fonte.Para asistir á actividade é necesario reservar en contacto@casamuseomanuelmaria.gal ou no whatsapp 698177621
O domingo 23 de febreiro, ás 12 h. na Praza da Constitución de Vilalba, celebrarase o Día de Rosalía mediante a lectura pública de textos rosalianos. Un acto está organizado polo Concello de Vilalba, a Asociación Cultural CALDALOBA e Culturalia GZ.
As persoas que desexen participar deberán anotarse no seguinte enderezo electrónico info@culturaliagz.com, indicando os seguintes datos: o seu nome completo e o poema que desexen ler, ben sexa da autora homenaxeada, de autoría propia ou doutra autoría, pero que teñan como referencia a Rosalía de Castro.
A data límite para inscribirse remata o venres 21 de febreiro ás 23:59 horas.
