CAXOTO presenta ‘Grandes Éxitos’ na Casa-Museo Manuel María, este sábado 9 de marzo

por | Mar 5, 2024 | Autores/as, Creación, Novas, Outras Artes, Xeral

ESPECTÁCULO DE NARRACIÓN ORAL E MUSICAL PARA CRIANZAS ENTRE 4 E 10 ANOS, ESTE SÁBADO, DÍA 9, ÁS 17 HORAS,  CON CAXOTO E OS SEUS GRANDES ÉXITOS

Neste ano 2024 Caxoto fai 20 anos enriba dos escenarios contando contos. En todo este tempo o conto foi o principal ingrediente do seu traballo… mais non o único! Se os contos foron o sal, a música foi a pementa.
A través das cantigas tradicionais, dos xogos musicados, dos instrumentos peculiares,… , Caxoto foi xuntando todo un amplo repertorio musical que vai desde o jazz chairego de Manuel María, á bossa nova mariñeira, pasando pola nosa rica tradición musical e as cantigas infantís de toda a vida. E todo co mellor acompañamento musical posíbel: gaita, pandeireta, ukelele, whistle, acordeón, birimbao, xilófono,…
Para celebrar na Casa-Museo Manuel María as dúas décadas vivindo do conto, Caxoto fai unha selección de todas estas cancións, contos e xogos neste “Grandes éxitos 2004-2024”.
Para asistir ao espectáculo é necesario reservar (billete 2 euros) no enderezo electrónico contacto@casamuseomanuelmaria.gal ou no whatsapp 698177621

CONTO PARA ESCOITAR MENTRES BAILAMOS UN VALSE, de Caxoto, este sábado na Casa-Museo Manuel María

por | Feb 5, 2020 | Autores/as, Creación, Literaria, Novas, Xeral

Este sábado, 8 de febreiro, ás 18 hrs, o narrador oral Caxoto vai contar ás crianzas que se acheguen á Casa-Museo Manuel María un CONTO PARA ESCOITAR MENTRES BAILAMOS UN VALSE. A través do manexo dos máis insólitos intrumentos musicais, descubriranos a orixe da paixón pola música dunha nena chamada Sabela.

A actividade vai dirixida para nenas entre 4 e 7 anos. O billete ten un prezo de 2 euros e pode reservarse en contacto@casamuseomanuelmaria.gal

*Información na Casa-Museo Manuel María.