A programación de Artes Escénicas de Compostela Cultura 2024 acollerá nos próximos meses os espectáculos IRIBARNE, O único que verdadeiramente quixen toda a vida é ser delgada e Rapadas
IRIBARNE, a revisión da figura de Fraga en clave de humor coproducida por ButacaZero co Centro Dramático Nacional (CDN) e a Mostra Internacional de Teatro de Ribadavia, chegará ao Auditorio de Galicia o 20 de xaneiro
As entradas para as tres pezas do ‘Foco Esther F. Carrodeguas’ están xa á venda tanto na web compostelacultura.gal como na Zona C Punto de Información Cultural
A programación de Artes Escénicas de Compostela Cultura do primeiro semestre do 2024 incluirá un ‘Foco Esther F. Carrodeguas’ con tres dos máis recentes traballos que a dramaturga e actriz galega desenvolveu coa compañía ButacaZero. Trátase das pezas IRIBARNE, O único que verdadeiramente quixen toda a vida é ser delgada e Rapadas que se van representar os días 20 de xaneiro, 24 e 25 de maio, respectivamente.
De feito, IRIBARNE vai ser o espectáculo responsable de inaugurar a programación de Artes Escénicas de Compostela Cultura o 20 de xaneiro no Auditorio de Galicia. Esta revisión da figura de Fraga en clave de humor é unha coprodución de ButacaZero co Centro Dramático Nacional (CDN) e a Mostra Internacional de Teatro de Ribadavia. IRIBARNE é o sétimo proxecto do tándem creativo formado por Esther F. Carrodeguas e Xavier Castiñeira, ambos os dous fundadores da compañía ButacaZero, e segue o ronsel das súas anteriores propostas escénicas, fundamentadas na investigación e na reflexión para dialogar co presente dende unha ollada crítica e irónica. Conta cun texto de Carrodeguas, coa dirección de Xavier Castiñeira e cun elenco conformado Mónica García, Xurxo Cortázar, Anxo Outumuro, Lidia Veiga, Jorge de Arcos e a propia Carrodeguas.
A seguinte cita do foco vai ser o espectáculo unipersoal O único que verdadeiramente quixen toda a vida é ser delgada o 24 de maio no Teatro Principal. Cunha sinceridade crúa e o seu clásico humor irónico, Carrodeguas aborda neste texto de auto[non]ficción a relación co seu corpo, marcada pola gordofobia que se respira en calquera recuncho da nosa sociedade obsesionada coa fermosura.
O ciclo pecharase coa representación de Rapadas o 25 de maio na Igrexa da Universidade. Esta obra nace da necesidade de compartir co público a documentación recadada por Carrodeguas sobre as mulleres rapadas na posguerra civil, no seu intento por escribir unha obra de teatro. A partir destes feitos, a autora investiga arredor do concepto histórico de “rapada”: de Xoana de Arcos ás Femmes tondues (colaboracionistas), de Britney Spears a Jada Pinkett, de blogueiras descoñecidas a modelos internacionais.
Neste camiño, Carrodeguas chega ata as mulleres que no 2022 se rapan a si mesmas en Ucraína tentando non resultar atractivas a posibles violadores durante a invasión. O elenco de Rapadas está integrado por Esther F. Carrodeguas, Juanma Lodo e Sabela Domínguez.
Alén dos espectáculos, grazas ás actividades #posfunción e #conversando, o público vai ter a oportunidade de dialogar con Carrodeguas e o resto do equipo dos espectáculos e coñecer o proceso de traballo que posibilita a realización das obras. Así, o venres 19 de xaneiro, ás 19 horas, está previsto un #conversando co equipo de Iribarne no Auditorio de Galicia, e ao remate da función d’O único que verdadeiramente quixen toda a vida é ser delgada, o 24 de maio no Teatro Principal, está programada unha #posfunción.
SOBRE ESTHER F. CARRODEGUAS Esther F. Carrodeguas é actriz, directora, perfomer e, sobre todo, escritora. Rianxeira de pura raza, asenta o seu currículo vital entre as letras, o audiovisual e o teatro. O seu estilo cabalga sobre as lindes que separan os xéneros. Graduada en Dirección e Dramaturxia pola ESAD de Galicia e licenciada en Xornalismo entre Santiago de Compostela e Turín, os seus proxectos teatrais beben da súa faceta periodística. Cunha decena de obras teatrais publicadas, os seus textos foron estreados ben na súa propia plataforma profesional (ButacaZero) ben noutras compañías privadas (De Ste Xeito, Outubro Producións) ou públicas (Centro Dramático Galego, Teatro Español ou Centro Dramático Nacional). Precisamente no 2021 foi escollida para desenvolver unha das residencias dramáticas que outorga o CDN, onde escribiu o texto Supernormales, co que foi finalista nos Premios MAX 2023 na categoría de Mellor Autoría e que foi, sen dúbida ningunha, un dos grandes éxitos da pasada tempada tanto para o público como para a crítica.
Con texto de Esther Carrodeguas e dirección de Xavier Castiñeira, IRIBARNE radiografa en clave de humor a figura de Fraga e o seu papel na recente historia de España a partir dunha intensiva investigación que percorre dende o franquismo ata a democracia
A obra propón un trepidante xogo escénico a cargo dos seus intérpretes: Xurxo Cortázar, Jorge de Arcos, Mónica García, Anxo Outumuro, Lidia Veiga e a propia Carrodeguas
Coproducida polo Centro Dramático Nacional, ButacaZero e a Mostra Internacional de Teatro de Ribadavia, IRIBARNE estará un mes en cartel no Teatro Valle-Inclán
ButacaZeroestrea a súa nova proposta escénica, IRIBARNE, este xoves, 12 de outubro, noTeatro Valle-Inclán de Madrid. A peza, unha revisión da figura de Fraga en clave de humor, é unha coprodución de ButacaZero co Centro Dramático Nacional (CDN) e a Mostra Internacional de Teatro de Ribadavia e estará en cartel na Sala Francisco Nieva ata o 12 de novembro.
IRIBARNE é o sétimo proxecto do tándem creativo formado por Esther F. Carrodeguas e Xavier Castiñeira, ambos os dous fundadores da compañía ButacaZero, e segue o ronsel das súas anteriores propostas escénicas, fundamentadas na investigación e na reflexión para dialogar co presente dende unha ollada crítica e irónica. A obra está escrita por Carrodeguas, que a presenta como “un intento (irreverente) por comprender como chegamos ata aquí camiñando da man dun deses personaxes secundarios, pero incriblemente imprescindibles da nosa historia”. Segundo ela, é “o traballo máis difícil que escribín ata agora” e engade que “foi complexo atopar o punto de equilibrio do humor, do estilo, así como o lugar dende o que se situar”. Pola súa banda, para Castiñeira, responsable da dirección de IRIBARNE, “este personaxe é inabarcable” e “entendo o que fixo, pero non dende onde o fixo e por que o fixo”, e salienta as contradicións que foron atopando durante o proceso de investigación, tanto da súa biografía persoal como da súa traxectoria política.
Ambos os dous sinalan que pertencen a unha xeración, a da transición, que medrou rodeada dun “silencio tácito arredor da historia política recente”, e embarcarse neste proxecto axudounos a entender de onde vimos. “Paréceme moi interesante que a obra, que se sustenta sobre o silencio, abra portas ao diálogo, aínda que sexa para provocar controversia”, apunta Carrodeguas.
POSTA EN ESCENA
A montaxe está formulada en tres episodios, que reflicten a evolución política do noso país, dende o franquismo, a transición e a democracia, para culminar co período de hexemonía de Fraga en Galicia. “Pareceunos que un político que ocupara cargos de alta responsabilidade e que se mantivo no poder ao longo dun período tan dilatado podería ser un personaxe interesante para falar sobre a identidade de España”, sinala a dramaturga, que, preguntada polo seu balance logo de investigar a figura do político, o cualifica como “un gran creador de contidos, que era quen de xerar o discurso que a el lle conviña en cada momento”.
A posta en escena de IRIBARNE ofrece, con ritmo frenético, un xogo coral no que todo o elenco -integrado por Xurxo Cortázar, Jorge de Arcos, Esther F. Carrodeguas, Mónica García, Anxo Outumuro e Lidia Veiga- se vai dando o relevo para interpretar a Fraga. Trátase dunha “peza extremadamente divertida, moi tola, moi teatral de ver”, afirma o seu director. Nela caben todas as iconas pop das diferentes épocas, dende Palomares ata Salomé, Massiel, Serrat… pasando por episodios máis tráxicos, como Grimau, os asasinatos de ETA ou a morte de Franco. “Percorremos dende a infancia ata a morte de Fraga, e iso é toda a historia recente do país”, afirma Castiñeira. “Pero non estamos a intentar facer Historia nin un biopic, senón darlle unha volta moi cómica e contemporánea, mirando dende aquí e agora, sen acritude, o pasado”, conclúe o director.
Completan o equipo artístico Diego Valeiras, que asina o espazo escénico xunto ao propio Xavier Castiñeira e mais o vestiario, Diego Vilar, a cargo da iluminación, Pablo Fontenla, responsable da parte audiovisual, a coreógrafa Sabela Domínguez e o produtor musical Berto, que creou unha banda sonora orixinal da obra que inclúe o single WHO THE F*CK IS IRIBARNE? e que será editada por Subterfuge Records.
SOBRE A COMPAÑÍA
ButacaZero é a plataforma creativa posta en marcha por Esther F. Carrodeguas e Xavier Castiñeira. Con propostas como Voaxa e Carmín, #camiños, Despois das ondas, 32m2, Pagagena ou O único que verdadeiramente quixen toda a vida é ser delgada, a compañía sitúase como un referente do teatro contemporáneo no panorama escénico galego. As súas creacións concrétanse en dramaturxias feitas á medida, nas que a tradición teatral se mestura coas linguaxes contemporáneas.
Esther F. Carrodeguas é actriz, directora, perfomer e, sobre todo, escritora. Rianxeira de pura raza, asenta o seu currículo vital entre as letras, o audiovisual e o teatro. O seu estilo cabalga sobre as lindes que separan os xéneros. Graduada en Dirección e Dramaturxia pola ESAD de Galicia e licenciada en Xornalismo entre Santiago de Compostela e Turín, os seus proxectos teatrais beben da súa faceta periodística. Cunha decena de obras teatrais publicadas, os seus textos foron estreados ben na súa propia plataforma profesional (ButacaZero) ben noutras compañías privadas (De Ste Xeito, Outubro Producións) ou públicas (Centro Dramático Galego, Teatro Español ou Centro Dramático Nacional). Precisamente no 2021 foi escollida para desenvolver unha das residencias dramáticas que outorga o CDN, onde escribiu o texto Supernormales, co que foi finalista nos Premios MAX 2023 na categoría de Mellor Autoría e que foi, sen dúbida ningunha, un dos grandes éxitos da pasada tempada tanto para o público como para a crítica.
Xavier Castiñeira é licenciado en Dirección de Escena pola RESAD de Madrid e posúe un mestrado en Teatro e Artes Escénicas pola Universidade de Vigo. Tamén realizou estudos de Filoloxía Hispánica pola USC. Actualmente cursa o doutorado na UCM, investigando aspectos neurobiolóxicos nos procesos de recepción escénicos. Desde os seus comezos no mundo do teatro compaxinou o seu labor creativo co docente, impartindo desde 1988 aulas en diversos grupos afeccionados e en obradoiros regulares de interpretación, dirección ou investigación escénica. No ano 2011 incorpórase ao corpo de profesorado da ESAD de Galicia. Dirixiu unha vintena de obras de teatro, entre elas, case todas as de ButacaZero, pero tamén para compañías como Goliardos, Mairiztz, La Escuela de Música Creativa, Outumuro Producións ou De Ste Xeito.
A obra, escrita por Esther F. Carrodeguas e dirixida por Xavier Castiñeira, é unha investigación escénica sobre a figura do político galego coproducida por ButacaZero co CDN e a Mostra Internacional de Teatro de Ribadavia, na que a plataforma creativa traballa desde 2022
Mónica García, Xurxo Cortázar, Anxo Outumuro, Lidia Veiga, Jorge Arcos e a propia Carrodeguas conforman o elenco dunha peza cuxo espazo sonoro e “temazos” musicais serán de Berto e na que Sabela Domínguez asina a coreografía
Diferentes voces do panorama social e político participaron na investigación do espectáculo a través de entrevistas nas que abordaron o papel do político e o seu legado
IRIBARNE, la nueva creación escénica de Esther F. Carrodeguas y Xavier Castiñeira, directores de la plataforma ButacaZero, ya tiene fecha y lugar de estreno. El Centro Dramático Nacional (CDN) acogerá el jueves 12 de octubre el estreno absoluto de la pieza, que se mantendrá en el cartel del Teatro María Guerrero hasta el 12 de noviembre, para iniciar en enero de 2024 su gira por la geografía gallega y el resto de España.
IRIBARNE, una coproducción de ButacaZero, CDN y MIT de Ribadavia, nació como un proyecto de investigación escénica alrededor de la vida y del recorrido político de Manuel Fraga Iribarne con la intención de entender no solo su figura, si no descubrir las implicaciones que tuvo -y sigue teniendo en nuestro presente- uno de los nombres más controvertidos y populares de nuestra historia reciente. “No es exactamente un biopic, pues no cabría en una sola obra”, advierten Carrodeguas y Castiñeira, pero si que es un “paseo por la Transición caminando junto a un personaje secundario, pero absolutamente imprescindible, de la misma. IRIBARNE es un intento irreverente por comprender cómo llegamos hasta aquí de la mano de un político que, en sus propias palabras, decía las verdades sin condón”, apuntan los creadores.
La investigación comenzó en enero de 2022, año en el que se celebró el centenario del nacimiento y los diez años del fallecimiento de Fraga Iribarne, a través del contacto con personas que le trataban, además de la grabación de entrevistas a diferentes figuras do ámbito político y social. “Abordar un personaje tan popular como Manuel Fraga, que dejó su sello personal en casi todos los eventos y celebraciones de Galicia, se tenía que hacer con la colaboración de quien albergaba memoria directa sobre él”, exponen los directores de la plataforma creativa gallega. Así, desde ButacaZero, iniciaron un proceso de investigación y recopilación de información, que derivó en una residencia creativa en el Pazo de Mariñán (donde Fraga empezó a diseñar su retirada política), además de su paso por el itinerario Cruzamentos del proyecto Camiño Escena Norte y por otra residencia creativa en la Sala Beckett de Barcelona.
El próximo 12 de octubre se podrá ver IRIBARNE, por primera vez, sobre las tablas de la Sala Francisco Nieva del Teatro Valle Inclán del Centro Dramático Nacional. Será en el marco de la temporada escénica 2023-2024 de la institución, presentada esta misma mañana. La pieza, que permanecerá en cartel hasta el 12 de noviembre en el teatro madrileño, contará con un elenco conformado por Mónica García, Xurxo Cortázar, Anxo Outumuro, Lidia Veiga, Jorge Arcos y la propia Esther F. Carrodeguas.En el equipo artístico figuran también Sabela Domínguez como coreógrafa y ayudante de dirección; Diego Valeiras -ganador del Premio María Casares 2022 al mejor maquillaje por Papagena– como responsable de vestuario -y de la escenografía junto a Xavier Castiñeira-; Diego Vilar como iluminador y el músico y productor Berto como responsable del espacio sonoro y de los “temazos” musicales que acompañarán a la obra.
El single ‘WHO THE F*CK IS IRIBARNE?’ se estrenará este jueves 22 de junio
WHO THE F*CK IS IRIBARNE? Es el primero de los “temazos” creados por el productor musical Berto (Verto, Fillas de Cassandra, Mondra, Nia twee, Ash Diz y cantante y guitarrista en su propio grupo, llamado Berto) que conformarán la banda sonora de IRIBARNE. El sencillo se estrenará en las principales plataformas digitales a las 00.00 horas de este mismo jueves, 22 de junio.
Sobre la compañía
ButacaZero es la plataforma creativa puesta en marcha por Esther F. Carrodeguas y Xavier Castiñeira. Con propuestas como Voaxa e Carmín, #camiños, Despois das ondas,32m2, Pagagena o O único que verdadeiramente quixen toda a vida é ser delgada, el tándem se sitúa como referente del teatro contemporáneo en el panorama escénico gallego, gracias a su capacidad a la hora de dialogar con el mundo actual. La investigación y la reflexión desde una mirada crítica e irónica son las claves que definen sus creaciones, que se concretan en dramaturgias hechas a medida, en las que la tradición teatral se mezcla con los lenguajes contemporáneos.
Esther F. Carrodeguas (Rianxo, 1979) es actriz, directora, perfomer y, sobre todo, escritora. Rianxeira de pura cepa, asienta su currículum vital entre las letras, el audiovisual y el teatro. Su estilo se mueve en los límites que separan los géneros. Graduada en Dirección y Dramaturgia por la ESAD de Galicia y Licenciada en Periodismo entre Santiago de Compostela y Turín, sus proyectos teatrales beben de su faceta periodística. Con una decena de obras teatrales publicadas, sus textos han sido estrenados tanto en su propia plataforma profesional (ButacaZero) coma en otras compañías privadas (De Ste Xeito, Outubro Producións) o públicas (Centro Dramático Galego, Teatro Español o Centro Dramático Nacional). Precisamente en 2021 fue seleccionada para desarrollar una de las residencias dramáticas que otorga el CDN, donde escribió el texto Supernormales, con el que fue finalista en los Premios MAX 2023 en la categoría de mejor autoría y que ha sido uno de los grandes éxitos teatrales recientes tanto para el público como para la crítica.
Xavier Castiñeira es licenciado en Dirección de Escena por la RESAD de Madrid y posee un Máster Universitario en Teatro y Artes Escénicas por la Universidad de Vigo. También ha cursado estudios de Filología Hispánica por la USC. Actualmente cursa el Doctorado en la UCM, investigando los procesos neurobiológicos en los procesos de recepción escénicos. Desde sus inicios en el mundo del teatro compaginó su labor creativa con la docente, impartiendo desde 1988 aulas en diversos grupos amateurs y en talleres regulares de interpretación, dirección o investigación escénica. En el año 2011 se incorpora al cuerpo de profesorado de la ESAD de Galicia. Ha dirigido una veintena de obras de teatro, entre ellas, casi todas las de ButacaZero, pero también para compañías como Goliardos, Mairiztz, La Escuela de Música Creativa, Outumuro Producións o De Ste Xeito.
Foz acolle a última función da xira de inverno da ópera electrónica ‘Papagena’ coincidindo co 25N
Papagena, inspirada nas persoas-paxaro d’A frauta máxica de Mozart, é un espectáculo con perspectiva de xénero que narra a historia dunha parella engaiolada nunha relación tóxica
Papagena pretende rachar tamén cos clixés asociados ao mundo da lírica: a lingua, os espazos de representación, o público ou o formato
A función do venres na Casa da Cultura de Foz vai ser a única oportunidade de ver na provincia de Lugo esta ópera electrónica en galego
Papagena, á última creación da compañía ButacaZero, dirixida por Xavier Castiñeira e Esther F. Carrodeguas, vai pechar a súa xira de inverno en Foz este venres 25 de novembro, coincidindo co Día Internacional da Eliminación da Violencia contra a Muller. Logo de itinerar por unha ducia de vilas galegas ao longo deste trimestre, Papagena vai brindar a súa única función na provincia de Lugo este 25N na Casa da Cultura de Foz. O espectáculo comezará ás 20.30 horas e terá entrada gratuíta ata completar o aforo.
Esta ópera electrónica en galego con perspectiva de xénero narra a historia dunha parella engaiolada nunha relación tóxica que está inspirada na persoas-paxaro da célebre A frauta máxica de Mozart. O elenco está formado pola soprano Esperanza Mara e o barítono Jacobo Rubianes que actúan acompañados no escenario por Iago Hermo, compositor da ópera e do libreto e tamén director musical da peza.
A peza, na que Castiñeira e Carrodeguas asumen por primeira vez a dirección escénica dunha ópera, nace da vontade de afondar nos clixés de xénero presentes no eido da creación operística, mais tamén pretende rachar con outras percepcións habitualmente asociadas ao mundo da lírica: a lingua, os espazos de representación, o público destinatario ou mesmo o formato. Para conseguilo, Iago Hermo deseñou unha ópera electrónica, baseada nas súas investigacións arredor do espectralismo minimalista. O resultado, coa colaboración de Ana Arteaga na escenografía e de Diego Valeiras no vestiario, é un espectáculo musicalmente inmersivo e visualmente contemporáneo que está a levar a ópera a vilas onde non adoita chegar este estilo musical.
Concibido para público adulto e adolescente, a trama de Papagena expón unha relación marcada polos celos e o control e narra o proceso que leva ao personaxe interpretado por Esperanza Mara a se liberar da súa cárcere vital. Un dos maiores avances político-social dos últimos tempos, a loita contra o sexismo, é a base para analizar e reescribir a Papagena mozartiana e darlle as ás que lle permitan voar e escapar da gaiola. Hai tamén na ópera de ButacaZero unha mensaxe clara que nas redes sociais da compañía condénsase no cancelo #nonsexaspapageno.
APOSTA POLA CREACIÓN EMERXENTE E O TERRITORIO
Con esta nova produción, unha ópera galega e en galego, ButacaZero mantén a súa aposta polo risco escénico, pola creación emerxente a través da colaboración con artistas de Galicia e pola creación vinculada á temática social e cunha fonda implicación no territorio. Neste sentido, un dos principais obxectivos da compañía viguesa é construír país arredor da cultura. Para iso, adaptouse a ópera contemporánea á realidade social galega, levándoa, ao longo deste trimestre, a espazos non convencionais para a súa representación. Ademais, a entrada foi de balde en case todas as funcións para favorecer, deste xeito, o achegamento á ópera tanto do público adolescente coma adulto.
Coincidindo co centenario do nacemento de Manuel Fraga, ButacaZero comparte co público o arranque do proceso de creación do seu novo espectáculo IRIBARNE
Iribarne é o título da nova peza de teatro político que Esther F. Carrodeguas e Xavier Castiñeira están a preparar con estrea prevista no 2023
Esta semana, no Teatro Principal de Santiago, terán lugar tres xornadas de traballo creativo e improvisación teatral os días 22, 23 e 24 de novembro
A iniciativa está enmarcada dentro do proxecto ‘Cruces’ de Camino Escena Norte, grazas ao cal a compañía galega acollerá á compañía vasca Hika Teatroa, cuxa directora, Agurtzane Intxaurraga, aportará a súa experiencia escénica ao proxecto ampliando as ferramentas dos creadores galegos
O martes 22 e o mércores 23, coincidindo co centenario do nacemento do político galego, as portas do teatro estarán abertas a aquelas persoas interesadas en coñecer o proceso de creación ou aportar o seu gran de area
A cita será ás 17h, as prazas son limitadas e é preciso inscribirse no e-mail iribarne@butacazero.net
ButacaZero arranca esta semana unha nova fase dentro da creación da súa nova proposta escénica, Iribarne, unha peza de teatro político que a compañía dirixida por Esther F. Carrodeguas e Xavier Castiñeira estreará no 2023.
Iribarne, que está en proceso de creación na actualidade, afondará na figura de Fraga Iribarne tentando comprender o seu impacto no noso presente e tamén na nosa identidade.
Os días 22, 23 e 24 de novembro, con motivo do centenario do nacemento do popularísimo político, ButacaZero deseñará tres xornadas de creación con cinco intérpretes en escena e a colaboración da directora Agurtzane Intxaurraga, da compañía vasca Hika Teatroa. A cita será no Teatro Principal de Santiago de Compostela.
O intercambio terá lugar grazas ao programa ‘Cruces’, de Camino Escena Norte, que ten por obxectivo favorecer que compañías de diferentes comunidades autónomas do norte de España poidan coñecerse creativamente e trazar lazos de unión.
O público está tamén convidado a formar parte deste proceso. O martes 22 e o mércores 23 de novembro (día do centenario do nacemento de Manuel Fraga) as portas do Teatro Principal de Santiago de Compostela estarán abertas para que cincuenta persoas poidan coñecer o proceso de creación e participar del. As persoas interesadas poden apuntarse no correo iribarne@butacazero.net, indicando cal dos dous días queren participar. A selección establecerase por rigorosa orde de chegada.
Así mesmo, ButacaZero convida ás persoas que o desexen a enviar informacións que consideren relevantes para o proxecto, dende anécdotas persoais a noticias, imaxes, vídeos ou anacos de xornais. A canle para facelo é o mesmo correo electrónico: iribarne@butacazero.net.
SOBRE O PROXECTO ESCÉNICO
Iribarne non será un biopic sobre a vida de Manuel Fraga Iribarne. O espectáculo parte dunha investigación sobre a súa vida e o seu percorrido político para chegar a entender non só a figura do político, senón, principalmente, a afectación que tivo -e segue a ter- nas nosas vidas. A obra está prevista cunha enerxía desbordante, un espírito irreverente e moita ironía -marca da compañía-, con referentes como Ubú rey, de Alfred Harry, ou La imaginación del futuro, do colectivo teatral chileno La Re-sentida.
Iribarne nace da necesidade de descubrir que implicacións ten no noso presente un dos políticos máis populares e interesantes da nosa pre-Transición. A piques de celebrar o centenario do seu nacemento, Esther F. Carrodeguas e Xavier Castiñeira queren facer balance dunha personalidade “particularísima e popularísima” que, en palabras do tándem artístico, “puido ter sucedido a outro galego, Francisco Franco, pero tivo que se conformar con ser o ‘grandísimo presidente dos e das galegas’. Porén, temos a impresión de que polo camiño deseñou non só o que agora é Galicia, senón mesmo o que é España: esa España do turismo, a do destape a dos paradores… Ou o mesmísimo PP”.
No seu anhelo de achegarse ao público dun xeito diferente, ButacaZero porá en pé con Iribarne un proxecto de investigación teatral compartido co público para tratar de interpretar a unha das personaxes referentes da política galega e española, que serán compartidas a través das redes sociais da compañía, convidando ao público a participar no proceso de creación colectiva do espectáculo. Nos vindeiros meses terán lugar numerosos eventos, entre eles entrevistas e novas sesións creativas multidisciplinares ou de improvisacións dramatúrxicas das cales nacerá, ao final do proceso, a peza teatral que se estreará no 2023.
SOBRE A COMPAÑÍA
ButacaZero é a plataforma creativa posta en marcha por Esther F. Carrodeguas e Xavier Castiñeira. Con propostas como Voaxa e Carmín, #camiños, Despois das ondas ou 32m2, o tándem sitúase como referente do teatro contemporáneo no panorama escénico galego, grazas á súa capacidade á hora de dialogar co mundo actual. A investigación e a reflexión desde unha mirada crítica e irónica son as claves que definen as súas creacións, que se concretan en dramaturxias feitas a medida, nas que a tradición teatral se mestura coas linguaxes contemporáneas.
