por Adolfina Mesa | Jul 22, 2018 | Autores/as, Novas, Xeral
O pasado sábado, 14 de xullo, celebrouse no Pazo de Sabadelle (Chantada), administrado por Xosé Figueroa Lorenzana, o seu dono e un activo promotor de diversas propostas multidisciplinares (artísticas, poéticas, musicais). Figueroa tivo un pretexto sensible para o deleite dos sentidos, onde as imaxes tanxibles, a poesía recitada e a música a través da festa deron paso á unión de todos os mundos posibles e imposibles nun espazo rodeado de natureza, como é o Pazo de Sabadelle.
No seguinte enlace atoparemos unha crónica gráfica que reproduce distintos instantes vividos nesta VI Folidada das Artes.
*As imaxes que compoñen a galería fotográfica foron achegadas por Xosé Figueroa Lorenzana.
por Adolfina Mesa | Abr 24, 2018 | Autores/as, Novas, Xeral
Unha primeira mostra do próximo Proxecto Expositivo.
Obra: Oito de Marzo
Técnica: Acuarela / Mixta
Estilo: Abstracto
Autor: Adolfina Mesa
por Adolfina Mesa | Feb 25, 2018 | Autores/as, Fluír Do Pensamento, Literaria, Xeral
A NOSA AMADA ROSALÍA.
Trobadora da nosa patria.
Labrega da nosa fala.
Es ríos, regatos e montes
Es árbores e montañas.
Es o ar nos verdes vales
Es a estrela que brilla,
Es o vento que zoa.
No laio fúnebre das badaladas
No fondo pesar das entrañas.
Quixeron borrar e esquecer a túa labranza
E enterrar o teu labor pola lingua.
Tamén esqueceron o dano que fixeron
¡Aos teus fillos!… ¡teus anxos!… que tanto querías,
morreron todos, coa fame que tiñan.
Se o pobo canta, es ti que cantas,
se o pobo chora, es ti que choras.
No útero do chan quedan sementadas a fala e a lingua…
E nos corazóns dos galegos cos teus cantares e poesías.
Non morre o sol nin morre o día
Se a loita que non se esgota persevera,
E ata a noite a converte en día.
¡E cantar, cantarei!… sementando o teu recordo…
NAI da Matria, lingua e a fala
Nunca morres nin morrerás a nosa amada Rosalía.
©Adolfina Mesa – 2018
Obra: ROSALÍA DE CASTRO.
AUTOR: Adolfina Mesa
TÉCNICA: ARTE DIXITAL.
Nota:
As persoas interesadas nunha reprodución impresa da miña obra Rosalía de Castro, contactar comigo polo privado para a súa adquisición asinada en orixinal polo autor (A miña persoa) custos da obra e envío. Os prezos varían segundo formato de impresión… Grazas polo voso interese na adquisición da mesma.
Contacto:
adolfina.mesa@gmail.com
info@culturaliagz.com
por Adolfina Mesa | Feb 13, 2018 | Autores/as, Fluír Do Pensamento, Literaria, Outras Voces, Xeral
A NOSA LINGUAXE
Teño sílabas…
desexando que sexan desarticuladas pola túa lingua,
palabras mudas pola sintaxe da túa presenza.
Hai moitas letras que describen lendas
na páxina da túa pel,
con sons que non son escoitados pola intimidade.
Os espazos…
son reservados na nosa derme,
en monosílabos ardentes,
diptongos feitos de fogueiras,
nunha linguaxe máxica,
no silencio das miradas.
A paixón é o códice
que pon un reto aos nosos sentidos.
As silabas destrozan incoherencias
que estructuran unha nova linguaxe.
O idioma do vértigo,
os latexos cóncavos da paixón,
coma única lingua…
a exclusiva e inclusiva linguaxe da nosa existencia.
© ADOLFINA MESA 2018
IMAXEN: OBRA ORIXINAL DO AUTOR. “POSESIÓN”.
