HENKO. A mirada de Miguel Díaz
Título: FORMIGÓN
![](http://culturaliagz.com/wp-content/uploads/2022/02/36A9ADB1-01D0-470A-93C8-BA672BE615BB-576x1024.jpeg)
Confundimos euforia e felicidade, corrompemos o amor co veleno da impaciencia. Deturpamos a entrega co atropelo da comparación. Invalidamos o esforzo namentres facemos do abismo un lugar habitable, mentres extraemos da lembranza armas anuladoras.
Trementes na velocidade, aniquilados entre as liñas que traza, cremos progresar entre o ruído. Na consistencia indiferente do formigón, cre avanzar a nosa fraxilidade. E, na urxencia da carreira, afoga todo canto somos.