“Contos e Outras Andrómenas”, de Pedro Brandariz, para crianzas de 4 a 11 anos, na Casa-Museo Manuel María

por | Dic 8, 2020 | Autores/as, Creación, Literaria, Novas, Xeral

CONTOS E OUTRAS ANDRÓMENAS de PEDRO BRANDARIZ, este sábado, día 12, ás 17 hrs, na Casa-Museo Manuel María.

Sesión de contos do cómico e actor Pedro Brandariz e protagonizado pola “Pantasma Cataplasma” e polas súas venturas e desventuras, que veñen sendo do máis divertidas. 

Dirixada para as crianzas de 4 a 11 anos e as súas familias. Imprescindíbel facer reserva en contacto@casamuseomanuelmaria.gal ou no whatsapp 698177621. Billete 2 euros.

Presentación dos libros HORA DE PENUMBRA e DE CASA QUEIMADA, obras gañadoras do II Certame de Poesía Torre de Caldaloba, no Museo das Aves de Cospeito

por | Dic 8, 2020 | Autores/as, Creación, Literaria, Novas, Xeral

O vindeiro sábado 12 de decembro, a partir das 17 horas no Museo das Aves de Cospeito, celebrarase a presentación das obras gañadoras no II Certame de Poesía Torre de Caldaloba, que organiza o Concello de Cospeito e a Asociación Cultural de San Martiño de Pino, en colaboración con Culturalia GZ. Trátase das obras HORA DE PENUMBRA, de Xurxo Alonso, gañadora do primeiro premio, e DE CASA QUEIMADA, cuxa autora é Iria Collazo López, que acadou o segundo premio no devandito certame.

Está prevista a asistencia ao acto de presentación, ademais dos autores citados, do alcalde de Cospeito, Armando Castosa, Inés Lozano, en representación da Asociación Cultural de Pino, Martiño Maseda, administrador de Culturalia GZ, e Henrique Alvarellos, director de Alvarellos Editora, a editorial encargada da publicación das obras que acadan premio neste certame poético nos eidos da Chaira.

Dada a situación pandémica provocada pola COVID-19 manteranse as medidas de seguridade sanitaria pertinentes.

Nesa mesma xornada tamén se realizará a xuntanza do xurado para deliberar o fallo da 3ª edición do Certame de Poesía Torre de Caldaloba.