CINZA, Miguel Díaz
CINZA
Miguel Díaz
Queimemos os libros,
apaguemos as historias,
desprecemos calquera son
que nos achegue á poesía…
Reduzamos a cinza
cada carta de amor,
afastemos a mirada
que nos embelece.
Declaremos a guerra
ós corazóns que aman…
Sintamos o orgullo
de ser caladas ovellas
dun rabaño desprezable…
Anulemos a nosa esencia
e vivamos na superficie
dunha lagoa noxenta…
E deste xeito tamén
conseguirán gañar eles.