O sábado 13 de setembro de 2025, ás 20:00 h. no Auditorio Municipal de Vilalba, terá lugar lugar o segundo evento programado polo IESCHA, coa colaboración da Área de Cultura-Vicepresidencia da Deputación de Lugo, dentro dos ACTOS DA CULTURA CHAIREGA EN HOMENAXE A MANUEL MARÍA NO SEU XXI CABODANO: O CONCERTO DE CRIS ROMÁN.
Cris Román
“A compositora e cantante Cris Román, comezou a súa andaina musical co grupo de Rock Areavasta. En 2014 decide comezar a súa aventura en solitario e en abril de 2016 siu á luz o disco autoproducido A Cuentagotas.
Profesora da USC, Cris Román, reparte o seu tempo entre a investigación e a docencia e a súa paixón pola música. Unha autora comprometida, con alma de roqueira baixo un antifaz de pop aterciopelado. Acompañada dunha banda de grandes músicos como Alexandre Fontán aos teclados; Fran Alonso ao contrabaixo; Alexis Iglesias na guitarra; e Javier Romo na percusión. Entre as súas cancións pódese atopar un amplo abano de estilos dende blues, swing, country, e música de autor, con cancións en inglés, castelán e galego”.
Entrada de balde. Haberá que facer a correspondente reserva ben na páxina web do Concello, ben na Casa da Cultura de Vilalba
#IESCHA https://deputacionlugo.gal/…/a-dep…/areasgoberno/cultura