Ditame do xurado no VIII Certame de Microrrelatos de Vilalba
Patricia Torrado Queiruga, Darío Pita Rodríguez e Leah Ferreiro García gañadores nas súas respectivas categorías do VIII Certame de Microrrelatos de Vilalba
O VIII Certame de Microrrelatos de Vilalba, convocado pola área de Cultura do Concello de Vilalba, coa colaboración de Culturalia GZ, xa ten obras premiadas.
O xurado de dito certame, formado por Mercedes Queixas Zas, Atenea Ruibal e Pilar Otero, tivo que deliberar sobre un total de sesenta obras presentadas nas tres categorías (Infantil, Xuvenil e Adulta), e decidiu a seguinte relación de premios: (Velaquí a acta do xurado)
Ademais dos premios materiais, as persoas galardoadas verán como as súas obras van aparecer publicadas nun volume colectivo editado por Alvarellos Editora xunta os microrrelatos que tamén recibiron galardón na edición de 2025 deste mesmo certame literario.
A entrega de premios terá lugar o 5 de setembro na Casa da Cultura de Vilalba.