Baixo a presidencia da Concelleira de Cultura, Tamara Rodriguez e actuando como Secretaria a Técnico de Cultura, Sonia García Paredes, o xurado integrado pola escritora vilalbesa Cecilia Fernández Santomé; Darío Villanueva, membro da Real Academia Española; Ramón Villares, catedrático de Historia, Xulio Xiz, xornalista; e Fidel Fernán, director do grupo de Radio Principal.
ACTA DO XURADO
Andrea Fdez. Maneiro, nada en Carril-Vilagarcía de Arousa (10/2/64) é locutora de radio “de vocación e profesión”. Traballou na Cadena Ser, na Radio Galega e en varias emisoras municipais, mais agora só exerce moi de cando en vez e padece do mono das ondas de xeito persistente, despois de máis de quince anos de deixalo.
Ela mesma chega a afirmar que o seu hábitat natural é a poesía, en letra e imaxe; aínda que ás veces déixase levar pola atracción narrativa do microrrelato.
OBRA
É autora dunha variada obra literaria entre a que podemos destacar títulos como:
Migratoria, Medulia Editorial (2020), Edénicas (Editorial Caldeirón), Contra-Tempos (Editorial Tristam), Voto de silencio (Medulia Editorial), Tango de xiro e traspé, poema incuído no libro colectivo Oroza 100, Asociación Cultural Évame Oroza. Ademais de colaboracións en diversas revistas dixitais.
PREMIOS
A traxectoria literaria de Andrea Fernández Maneiro tamén se ve refrendada polos premios literarios acadados. Velaí unha relación dos mesmos:
• Finalista co poemario “Álxia” no I Certame de poesía Florencio Delgado Gurriarán, 2018.
• Finalista do premio de microrrelatos das Mulleres Progresistas de Vigo, 2019
• Finalista co poemario “Migratoria” do VIII Certame de Poesía Xosé Manuel López Ardeiro
• 2º premio de microrrelatos de Mulleres Progresistas de Vigo, 2020
• 2º premio Vilariñas, 2020
• 1º premio co libro Inventario dun adeus. Expiatoria, da IX edición do Certame de Poesía Manuel Leiras Pulpeiro, 2020.
• 1º premio, co poemario Contra-Tempos, do V Certame de Poesía Torre de Caldaloba, 2021
• 1º premio do XVI Certame de Poesía Erótica Illas Sisargas, co poemario Edénicas.
• 1º premio co libro Voto de Silencio do IV premio de poesía Eduardo Pondal
A cerimonia de entrega do premio deste 50º Certame Literario do Concello de Vilalba terá lugar o vindeiro 30 de agosto no Auditorio Municipal de Vilalba, coincidindo cos actos principais das festas patronais da vila chairega.
*Imaxes da autora: Arquivo fotoográfico da AELG, autoría Distrito Xermar, 2022
Pregúntome que fica en pé tralo publicado. Un ego absurdo, danzando nun escenario sobre o que, probablemente, ninguén repara. Queda a obra, supoño, desprazada e desprezada.
Pode que alguén a nomee de cando en vez, como quen nomea un papel engurrado tirado no chan, que con indiferenza patea. Mírao, como roda, desprovisto de todo anhelo.
Talvez agoche unha carta de amor que se desfará coa chuvia. A ninguén lle importa a quen vai dirixida nin por quen firmada. Un sentimento descabalga, rendido, exhausto, sen esperanza.
Viñetas desde o Atlántico chega ao seu fin esta fin de semana con firmas, unha visita ás exposiciónsdos Premios Castelao de BD e o día grande do Festival de Autoedición Autobán, entre outras actividades
Este sábado 17, ás 10.00h, a actividade de Viñetas comeza na Sala Salvador de Madariaga coa visita guiada polas mostras dos Premios Castelao de Banda Deseñada 2023 da Deputación da Coruña: Paula Mayor, na modalidade xeral, pola súa obra Rosalía Oculta, na que aborda a versión máis humana da poeta; e Cristian F. Caruncho, merecedor do galardón na súa modalidade para público infantil e xuvenil, polo seu western O día de San Martiño
A praza de San Andrés acollerá este sábado 17, de 12.00 a 21.00h, o mercado de fanzines de Autobán, ademais dos obradoiros para todas as idades Creando personaxes máxicos!, con Paula Cheshire (12.30h), e Fai a túa Fake Riso, con Pilar Marcó (17.30h), e un concerto de Conxita Herrero e Corazón; mentres que, ás 23.30h, no Bar 13, terá lugar o Festón Post Autobán
A Rúa da BD —que permanecerá aberta de 11.00 a 14.00 e de 17.00 a 21.00h para que o público poida facerse coas novidades e os grandes clásicos do universo da BD— acollerá presentacións de libros, faladoiros e unha sesión de videoxogos da man de Alita Cómics
No Kiosco Alfonso, o sábado 17, ás 12.00h, os autores convidados de Viñetas desde o Atlántico 2024 Yeyei Gómez, Marc Torices, Kundo Krunch, Marcello Quintanilha e Manuel L. Poy firmarán exemplares dos seus libros, mentres quena Rúa da BD, nos stands das diferentes editoriais, durante toda a fin de semana sucederanse máis de medio centenar de sinaturas de figuras como Emma Ríos ou Iván Sarnago, entre outras
A xornada do domingo 18 propón, tamén, un concerto infantil de Chuches A Mil, ás 12.00h, no Palco da Música dos Xardíns de Méndez Núñez, e un encontro profesional de editores e libreiros especializados no Circo de Artesáns
A 27ª edición de Viñetas desde o Atlántico chega ao seu fin esta fin de semana con firmas, unha visita guiada ás exposicións dos Premios Castelao de BD e o día grande do Festival de Autoedición Autobán, entre outras actividades.
Este sábado 17, ás 10.00h, a actividade de Viñetas comeza na Sala Salvador de Madariaga coa visita guiada polas mostras dos Premios Castelao de Banda Deseñada 2023 da Deputación da Coruña: Paula Mayor (A Coruña, 1975), na modalidade xeral, pola súa obra Rosalía Oculta, na que aborda a versión máis humana da poeta; e Cristian F. Caruncho (Bidueiros, Couzadoiro, Ortigueira, 1997), merecedor do galardón na súa modalidade para público infantil e xuvenil, polo seu western dos porcos bravos O día de San Martiño.
Nestas dúas mostras dos Premios Castelao de BD 2023 -abertas ata o 30 de setembro-, o público terá a oportunidade de descubrir o proceso de creación, así como orixinais e bosquexos das creacións gañadoras, nacidas da man de dúas das novas figuras a seguir da BD emerxente galega.
A praza de San Andrés acollerá este sábado 17, de 12.00 a 21.00h, o mercado de fanzines autoeditados de Autobán, ademais dos obradoiros para todas as idades Creando personaxes máxicos!, con Paula Cheshire (12.30h), e Fai a túa Fake Riso, con Pilar Marcó (17.30h), e un concerto de Conxita Herrero e Corazón; mentres que, ás 23.30h, no Bar 13, terá lugar o Festón Post Autobán.
A Rúa da BD —que permanecerá aberta este sábado e domingo de 11.00 a 14.00 e de 17.00 a 21.00h para que o público poida facerse coas novidades e os grandes clásicos do universo da BD— acollerá presentacións de libros, faladoiros e unha sesión de videoxogos da man de Alita Cómics (o sábado, ás 17.00h, no Kiosco Alfonso).
No Kiosco Alfonso, o sábado 17, ás 12.00h, os autores convidados de Viñetas desde o Atlántico 2024 Yeyei Gómez, Marc Torices, Kundo Krunch, Marcello Quintanilha e Manuel L. Poy firmarán exemplares dos seus libros, mentres que na Rúa da BD, nos stands das diferentes editoriais, durante toda a fin de semana sucederanse máis de medio centenar de sinaturas de figuras como Emma Ríos ou Iván Sarnago, entre moitas outras.
A xornada do domingo 18 propón, tamén, un concerto infantil de Chuches A Mil, ás 12.00h, no Palco da Música dos Xardíns de Méndez Núñez, e un encontro profesional de editores e libreiros especializados no Circo de Artesáns.
Na páxina web oficial do festival, www.vinetasdesdeoatlantico.com, é posible consultar a axenda de actividades, os horarios e a información completa desta 27ª edición do festival.
AXENDA DE VIÑETAS DESDE O ATLÁNTICO 2024
Sábado 17 de agosto
Programa oficial Viñetas 2024
10.00h Sala Municipal de Exposicións Salvador de Madariaga: Visita guiada pola mostra dos Premios Castelao de BD, Paula Mayor e Cristian F. Caruncho
12.00h Kiosco Alfonso: sinaturas de Yeyei Gómez, Marc Torices, Kundo Krunch, Marcello Quintanilha e Manuel L. Poy
21.30h Circo de Artesáns: Encontro sectorial
Autobán, Festival de Autoedición
Praza de San Andrés
12.00 – 21.00h Mercado de fanzines
12.30h Obradoiro Creando personaxes máxicos!
14.30h Concerto de Conxita Herrero e Corazón
17.30h Obradoiro Fai a túa Fake Riso
23.30h Festón Post Autobán (Bar 13)
Rúa da BD: Actividades
11.00 – 14.00 e 17.00 – 21.00h
Zonas de xogo infantil ‘Piratix’ e ‘Superthings’
Xogo Canto sabes de cómic e préstamo de exemplares – Stand Bibliotecas Municipais da Coruña
13.30h Kiosco Alfonso: Presentación Maia e a troita perlada, con Lucía Cid (Demo Editorial)
17.00h Kiosco Alfonso: Xogos Sesión de videoxogos (Alita Cómics)
19.00h Kiosco Alfonso: Obradoiro Elixe (ou non) a túa propia aventura, con Diego Burdío (GP Ediciones)
Rúa da BD: Sinaturas
11.00 – 14.00 e 17.00 – 21.00h
Doc Pastor – Unrated Cómics e Juanfer Briones – GP Ediciones
11.00h Emma Ríos – Astiberri Ediciones e Iván Sarnago – Unrated Comics
12.00h César Verdúguez – Cartem, David Braña – Unrated Comics, Iria Aldegunde – Alita Cómics, Iván Gil – Metrópolis Cómics, Jordi Bayarri – Anillo de Sirio, José Ángel Ares – A Gata Tola, Manuel Veiga – Cósmica Editorial e Weronika Hańczyc – Cascaborra Ediciones
12.30h David Graña e Pablo Prado ‘Fuco’ – Libraría Paz e Martín Romero – Astiberri Ediciones
13.00h Emma Ríos – Alita Cómics e María Jiménez – Fandogamia Editorial
17.00h Álvaro Ortiz – Astiberri Ediciones, Diego Burdío – GP Ediciones, Pablo Prado ‘Fuco’ – Cósmica Editorial, Paula Cheshire – Fandogamia Editorial e Paula Esteban – GP Ediciones
18.00h Alicia Jaraba – Nuevo Nueve, Andrés Garrido – Cartem, David Braña – Unrated Comics, Elena Andrés – Libraría Paz, Iván Gil – Metrópolis Cómics, Lucía Cid – Demo Editorial, María Jiménez – Fandogamia Editorial, Víctor L. Pinel – Nuevo Nueve e Weronika Hańczyc – Cascaborra Ediciones
18.30h Abel Álvarez – Cósmica Editorial e Manuel Veiga – Cósmica Editorial
19.00h David Braña – Grafito Editorial, David Rubín – Astiberri Ediciones, Fran Jaraba – Alita Cómics, Iván Sarnago – Unrated Comics, Jordi Bayarri – Anillo de Sirio, Lorena Varea – Dolmen Editorial, Kundo Krunch e Manuel L. Poy – Demo Editorial
20.00h Alicia Martín Santos – Alita Cómics e Lucas Varela – Ediciones La Cúpula
Domingo 18 de agosto
Programa oficial Viñetas 2024
12.00h Palco da Música dos Xardíns de Méndez Núñez: Concerto infantil de Chuches Amil
14.30h Circo de Artesáns: Encontro profesional de editores e libreiros especializados
Rúa da BD: Actividades
11.00 – 14.00 e 17.00 – 21.00h
Zonas de xogo infantil ‘Piratix’ e ‘Superthings’
Xogo Canto sabes de cómic e préstamo de exemplares – Stand Bibliotecas Municipais da Coruña
17.00h Kiosco Alfonso: Faladoiro A nova revolución sexual. Percorrido do BL e o yuri en España, con Alberto Carceller (Eldritch Gate)
18.00h Kiosco Alfonso: Xogos Manga máis aló das páxinas (Astora Cómics e Eldritch Gate)
Rúa da BD: Sinaturas
11.00 – 14.00 e 17.00 – 21.00h
Doc Pastor – Unrated Cómics e Juanfer Briones – GP Ediciones
11.00h Diego Burdío – GP Ediciones e Paula Esteban – GP Ediciones
12.00h Alicia Jaraba – Nuevo Nueve, Bea Gregores – Metrópolis Cómics, César Verdúguez – Cartem, Jordi Bayarri – Anillo de Sirio e Víctor L. Pinel – Nuevo Nueve
13.00h Xulia Pisón – Alita Cómics
18.00h Alex Martos – AGPI e Manel Cráneo – Demo Editor
Non cabe dúbida de que cada persoa é un mundo. Hai quen non fai máis que viaxar de aquí para acolá, percorrendo lugares e cidades dos cinco continentes, mentres outros apenas saen do seu lugar de nacemento. Este último é o caso dun parente meu, que só fixo tres viaxes: a primeira de lúa de mel a Lugo, a segunda a A Coruña, obrigado a cumprir o servizo militar, e a terceira para visitarme en A Veiga.
Outros amósanse fachendosos, alardeando de coñecer moito mundo, como Eduardín de Matos, “que en padestea”. As dúas viaxes máis longas que fixo foron a Mansilla de las Mulas no camión de Rosendo a por palla para o gando e a Pontevedra para pasar dous anos servindo á patria. Viaxes que se encargaba de narrar unha e outra vez.
E facía ben en presumir delas, porque eu, que aínda me movo algo polo mundo, non coñezo Mansilla de las Mulas, o cal —xa o contei algunhavez— é algo que me fai perder o sono. Casualmente, haberá un mes estiven moi preto, en Villabúrbula, a aldea dun amigo filósofo (dos filósofos e dos mosquitos de verán, cóidate, nalgún momento hanche amargar o día). Falamos de ir comer a Mansilla, pero ao final a maioría dos presentes optou por ir a León. Meu gozo nun pozo!
Por certo, este amigo meu, á parte de facerse preguntas unha e outra vez, é un crack. Cando foi da pandemia, perdeu, por desgraza, ao seu pai. Como cura contra o acontecido e como non podía saír, decidiu reconstruír a casa vella paterna, sen coller nunca na súa vida un pico e unha pala. E púxose mans á obra. Ao principio aproveitando o encerro e despois, fins de semana e vacacións. Agora xa a ten case rematada, tanto por dentro como por fóra. E todo el soíño, menos o tellado, que encargou a un experto.
Cando entras na súa casa, o primeiro que che chama a atención é o cheiro a madeira acabada de cortar, mesturado co aroma de flores. Cada recuncho da casa conta unha historia, pois moitos dos mobles están feitos a base de material reciclado, que outrora cumprira outra función e cada sensación é un recordo vivo do esforzo e a dedicación do meu amigo. Ao percorrer os seus cuartos e corredores, é como se estiveses viaxando ao pasado; sensación reforzada por as diferentes fotografías que vas atopando penduradas das paredes. Cada obxecto, cada moble, cada imaxe… contan unha historia, unha parte da vida que se desvaneceu co tempo.
Eduardín de Matos, o home que percorreu medio mundo, desde Pontevedra a Mansilla, atoparíase feliz na compaña do amigo filósofo, xa que era moi aquelado. Non só coidaba do seu gando, senón que tamén boa parte da súa casa foi arranxada coas súas habilidosas mans.
O meu parente, Eduardín, o amigo filósofo, tres xeitos diferentes de viaxar. E logo estou eu, que nunca fun a Mansilla de las Mulas. Ben, minto, pasei unha vez, por unha confusión (para os que me coñecen, algo moi habitual en min). Pero foi como se non fose, porque non parei. Tiña que estar ao mediodía en Saldaña, que me agardaba unha comida familiar,amenizada coa música duns gaiteiros, que malia ser palentinos, tocaban de vicio a gaita galega.
A cidade herculina mostra desde esta mañá os emblemáticos personaxes do festival en lugares como os Xardíns de Méndez Núñez, a Praza de María Pita, o Obelisco ou o Kiosco Alfonso
Entre estes personaxes de historieta non faltan nomes míticos do cómic universal como Mortadelo e Filemón, Batman, Pitufina, Capitán Trueno, Torpedo, Joker, Spider-Man, Corto Maltés, Súper López, Tintín, entre moitos outros
Como novidade nesta 27ª edición do Salón Internacional do Cómic da Coruña, este martes, 13 de agosto, ás 13.00h, na Rúa da BD, terá lugar a inauguración dunha nova figura aínda non instalada: Gaspariño de Xaquín Marín, que presidirá as sesións do ‘Viñetas Late Night’ no Teatro Colón
Deste xeito, por primeira vez, un personaxe de cómic dun autor galego súmase á colección de figuras que visten a cidade da Coruña durante a celebración do Viñetas; unha colección que neste 2024 recupera, tamén, a figura de Groucho, de Ventura & Nieto, tras o pasamento de Enrique Ventura, un dos grandes clásicos da revista El Jueves
A inauguración da 27ª edición de Viñetas desde o Atlántico terá lugar este luns, 12 de agosto, ás 18.00h, no Kiosco Alfonso: no acto estarán presentes a alcaldesa da Coruña, Inés Rey; o concelleiro de Cultura e Turismo do Concello da Coruña, Gonzalo Castro; e o director do festival, Manel Cráneo, que estarán arroupados polos autores e autoras convidados desta nova edición de Viñetas, ademais de outros artistas participantes e entidades colaboradoras, expositores e diferentes profesionais do sector da BD galega
As tradicionais figuras de cómic a tamaño real de Viñetas desde o Atlántico poden verse xa por toda A Coruña. A cidade herculina mostra desde este venres 9 de agosto os emblemáticos personaxes do festival en lugares como os Xardíns de Méndez Núñez, a Praza de María Pita, o Obelisco ou o Kiosco Alfonso.
Entre estes personaxes de historieta non faltan nomes míticos do cómic universal como Mortadelo e Filemón, Batman, Pitufina, Capitán Trueno, Torpedo, Joker, Spider-Man, Corto Maltés, Súper López ou Tintín, entre moitos outros.
Como novidade nesta 27ª edición do Salón Internacional do Cómic da Coruña, este martes, 13 de agosto, ás 13.00h, na Rúa da BD, terá lugar a inauguración dunha nova figura aínda non instalada: Gaspariño de Xaquín Marín, que presidirá as sesións do ‘Viñetas Late Night’ no Teatro Colón. Deste xeito, por primeira vez, un personaxe de cómic dun autor galego súmase á colección de figuras que visten a cidade da Coruña durante a celebración do Viñetas; unha colección que neste 2024 recupera, tamén, a figura de Groucho, de Ventura & Nieto, tras o pasamento de Enrique Ventura, un dos clásicos da revista El Jueves.
LOCALIZACIÓNS DAS FIGIRAS DE CÓMIC DE VIÑETAS DESDE O ATLÁNTICO NA CORUÑA
📍 Batman – Cantón Pequeno
📍 Spiderman – Obelisco
📍 Mortadelo e Filemón – Zona Obelisco
📍 Tintín – Palexco
📍 Pitufina – Casa Museo Picasso
📍 Carpanta – Kiosco Alfoso
📍 Los Simpson – Fonte Kiosco Alfonso
📍 Esther – Entrada do Kiosco Alfonso
📍 Lucky Luke – Palco da Música dos Xardíns de Méndez Núñez
📍 Blacksad – Rúa da BD (Xardíns de Méndez Núñez)
📍 Roco Vargas – Rúa da BD (Xardíns de Méndez Núñez)
📍 Súper López – Rúa da BD (Xardíns de Méndez Núñez)
📍 Corto Maltés – Teatro Colón
📍 Gaspariño – Teatro Colón
📍 Corto Maltés II – Escenario Teatro Colón
📍 Groucho – Escenario Teatro Colón
📍 Torpedo – Rúa Durán Loriga
📍 O Príncipe Valente – Praza de María Pita
📍 Astérix e Obélix – Palacio Municipal (Praza de María Pita)
📍 Capitán Trueno – Castelo de Santo Antón
📍 Joker – Fórum Metropolitano
📍 Hellboy– Hall Centro Ágora
📍 Superman – Paso elevado de Alfonso Molina
ACTO DE INAUGURACIÓN DE VIÑETAS DESDE O ATLÁNTICO 2024
A inauguración da 27ª edición de Viñetas desde o Atlántico terá lugar este luns, 12 de agosto, ás 18.00h, no Kiosco Alfonso: no acto estarán presentes a alcaldesa da Coruña, Inés Rey; o concelleiro de Cultura e Turismo do Concello da Coruña, Gonzalo Castro; e o director do festival, Manel Cráneo, que estarán arroupados polos autores e autoras convidados desta nova edición de Viñetas, ademais de outros artistas participantes e entidades colaboradoras, expositores e diferentes profesionais do sector da BD galega.
O mesmo luns, a partir das 18.00h, abrirán tanto a tradicional Rúa da BD de Viñetas como as diferentes exposicións do festival. E, contra ás 21.30h, a sección Viñetas Show botará a andar no Teatro Colón co concerto ilustrado de Sangre de Muérdago, Xulia Vicente e Sekone.
VIÑETAS DESDE O ATLÁNTICO, 27 ANOS DUNHA CITA INTERNACIONAL DE REFERENCIA
Viñetas desde o Atlántico é o festival internacional da banda deseñada da cidade da Coruña. Organizado polo Concello da Coruña, cada mes de agosto reúne unha coidada selección de exposicións, artistas invitados, charlas, talleres, visitas guiadas, firmas e actividades paralelas, e unha feira cos expositores profesionais máis relevantes do sector, que converten A Coruña nun fervedoiro de creatividade e nun punto de encontro para amantes da banda deseñada en todas as súas acepcións e singularidades.
Con máis dun cuarto de século ás súas costas, Viñetas desde o Atlántico é unha cita de referencia a nivel internacional para o público e os profesionais, que este 2024 celebrará a súa 27ª edición do 12 ao 18 de agosto baixo a dirección do autor coruñés Manel Cráneo. Co empeño de ofrecer unha visión o máis ampla posible do mundo da banda deseñada galega, nacional e internacional, Viñetas desde o Atlántico regresa á Coruña como un proxecto de cidade, arroupado polo sector profesional e cunha vocación de apertura a novas linguaxes, referentes e miradas. Porque A Coruña é, sen lugar a dúbidas, unha cidade de cómic.
Como novidade, o programa de Viñetas desde o Atlántico 2024 presenta unha nova estrutura, en torno a seccións especializadas orientadas aos seus diferentes públicos: Viñetas Expo, Viñetas Show, Viñetas Rúa BD, Viñetas Mini, Viñetas Ñam!, Viñetas Pro, Viñetas Inclusivas e Viñetas na Escola. As temáticas sociais, a internacionalización e a aposta pola banda deseñada independente e experimental son as claves de Viñetas Expo, que dedicará exposicións monográficas a Genie Espinosa, Lucas Varela, Marcello Quintanilha, Kundo Krunch, Susanna Martín, Marc Torices, Yeyei Gómez e Jorge Campos, ademais de acoller as mostras das firmas gañadoras do Premio Castelao de Banda Deseñada 2023, Paula Mayor e Cristian F. Caruncho, e a mostra dos fanzines presentados ao I Premio Autobán ao Mellor Fanzine Galego, convocado este 2024.
Pola súa banda, ‘Toriyama en Galicia’ é o título da exposición colectiva que lle rende homenaxe ao autor de personaxes xa míticos do noso imaxinario como Son Goku ou Arale, da man dunha coidada selección de autoras e autores galegos como Paula Cheshire, José Domingo, Miguel Robledo ou Xulia Pisón, entre moitos outros, con ilustracións debuxadas especialmente para a mostra, ademais dunha escolma de páxinas do fanzine Onda Vital!! e outros obxectos e publicacións relacionados coa obra de Akira Toriyama.
Por primeira vez, un personaxe de cómic dun autor galego —Gaspariño de Xaquín Marín— súmase á colección de figuras que visten a cidade da Coruña durante a celebración do Viñetas; unha colección que neste 2024 recupera, tamén, a figura de Groucho, de Ventura & Nieto, tras o pasamento de Enrique Ventura, un dos grandes clásicos da revista El Jueves. Como outro dos fitos destacados, cabe mencionar, tamén, que Fermin Muguruza presentará no marco de Viñetas Show, no Teatro Colón, o seu filme Black is Beltza II: Ainhoa, secuela do éxito Black is Beltza, primeira incursión do artista no cinema de animación, que se presenta de novo acompañada da versión en banda deseñada da historia, debuxada por Susanna Martín.
Viñetas Ñam! é unha nova iniciativa no marco da celebración da 27ª edición do Salón Internacional do Cómic da Coruña: un minifestival gastronómico que se desenvolverá do 12 ao 18 de agosto en diferentes locais da cidade, con propostas gastronómicas que farán as delicias dos fans da BD que buscan unha experiencia completa durante o festival
A Cervezoteca Malte preparará dúas receitas para a ocasión, inspiradas no ‘Corto Maltés’, todo un mito literario do século XX creado polo historietista italiano Hugo Pratt: ‘Pastizzi’, un dos pratos máis típicos da gastronomía de Malta, en Malte Atochas; e ‘Kokoda’, polo primeiro título da serie, Balada do mar salgado, en Malte Galera
Mentres, na praza de España, a Pulpeira de Melide ofrecerá as ‘Irmás Gilda’: unha banderilla de vieira mariñada e encurtidos, aderezada cunha vinagreta de algas, en recordo das populares Leovigilda e Hermenegilda, do autor español Vázquez
‘13, Rue del Percebe’ será a historieta na que se inspirará La Marina by María para idear a súa primeira proposta gastronómica, un orixinal paté de percebe, en honor a Francisco Ibáñez; como segunda opción, o local da ruela da Estacada homenaxeará a Marvel para propoñer o seu particular ‘Doutor Octopus’, que a propia María presenta así: “Spider-Man vence ao seu antagonista e déixao feito un auténtico paté de mar”
Pola súa banda, a tradicional Rúa da BD de Viñetas desde o Atlántico, situada nos Xardíns de Méndez Núñez da cidade herculina, contará cun stand gastronómico, LOBO, no que o público poderá degustar diferentes bocadillos inspirados en afamadas historietas e unha selección de hamburguesas gourmet dedicadas a personaxes do cómic americano (entre elas, unha en homenaxe a Lobo, o antiheroe creado por Roger Slifer e Keith Giffen para DC Cómics), ademais de cafés e bebidas, en horario de 11.00 a 21.30 horas
A hostalería coruñesa preparará pratos en homenaxe ao mundo do cómic durante a celebración de Viñetas desde o Atlántico 2024. Viñetas Ñam! é unha nova —e innovadora— iniciativa no marco da celebración da 27ª edición deste Salón Internacional do Cómic da Coruña: un minifestival gastronómico que se desenvolverá do 12 ao 18 de agosto en diferentes locais da cidade, con propostas gastronómicas que farán as delicias dos fans da BD que buscan unha experiencia completa durante o festival.
A Cervezoteca Malte preparará dúas receitas para a ocasión, inspiradas no ‘Corto Maltés’, todo un mito literario do século XX creado polo historietista italiano Hugo Pratt: ‘Pastizzi’, un dos pratos máis típicos da gastronomía de Malta, en Malte Atochas; e ‘Kokoda’, polo primeiro título da serie, Balada do mar salgado, en Malte Galera.
Mentres, na praza de España, a Pulpeira de Melide ofrecerá as ‘Irmás Gilda’: unha banderilla de vieira mariñada e encurtidos, aderezada cunha vinagreta de algas, en recordo das populares Leovigilda e Hermenegilda, do autor español Vázquez. Finalmente, ‘13, Rue del Percebe’ será a historieta na que se inspirará La Marina by María para idear a súa primeira proposta gastronómica, un orixinal paté de percebe, en honor a Francisco Ibáñez; como segunda opción, o local da ruela da Estacada homenaxeará a Marvel para propoñer o seu particular ‘Doutor Octopus’, que a propia María presenta así: “Spider-Man vence ao seu antagonista e déixao feito un auténtico paté de mar”.
Pola súa banda, a tradicional Rúa da BD de Viñetas desde o Atlántico, situada nos Xardíns de Méndez Núñez da cidade herculina, contará cun stand gastronómico, LOBO, no que o público poderá degustar diferentes bocadillos inspirados en afamadas historietas e unha selección de hamburguesas gourmet dedicadas a personaxes do cómic americano (entre elas, unha en homenaxe a Lobo, o antiheroe creado por Roger Slifer e Keith Giffen para DC Cómics), ademais de cafés e bebidas, en horario de 11.00 a 21.30 horas.
VIÑETAS DESDE O ATLÁNTICO, 27 ANOS DUNHA CITA INTERNACIONAL DE REFERENCIA
Viñetas desde o Atlántico é o festival internacional da banda deseñada da cidade da Coruña. Organizado polo Concello da Coruña, cada mes de agosto reúne unha coidada selección de exposicións, artistas invitados, charlas, talleres, visitas guiadas, firmas e actividades paralelas, e unha feira cos expositores profesionais máis relevantes do sector, que converten A Coruña nun fervedoiro de creatividade e nun punto de encontro para amantes da banda deseñada en todas as súas acepcións e singularidades.
Con máis dun cuarto de século ás súas costas, Viñetas desde o Atlántico é unha cita de referencia a nivel internacional para o público e os profesionais, que este 2024 celebrará a súa 27ª edición do 12 ao 18 de agosto baixo a dirección do autor coruñés Manel Cráneo. Co empeño de ofrecer unha visión o máis ampla posible do mundo da banda deseñada galega, nacional e internacional, Viñetas desde o Atlántico regresa á Coruña como un proxecto de cidade, arroupado polo sector profesional e cunha vocación de apertura a novas linguaxes, referentes e miradas. Porque A Coruña é, sen lugar a dúbidas, unha cidade de cómic.
Como novidade, o programa de Viñetas desde o Atlántico 2024 presenta unha nova estrutura, en torno a seccións especializadas orientadas aos seus diferentes públicos: Viñetas Expo, Viñetas Show, Viñetas Rúa BD, Viñetas Mini, Viñetas Ñam!, Viñetas Pro, Viñetas Inclusivas e Viñetas na Escola. As temáticas sociais, a internacionalización e a aposta pola banda deseñada independente e experimental son as claves de Viñetas Expo, que dedicará exposicións monográficas a Genie Espinosa, Lucas Varela, Marcello Quintanilha, Kundo Krunch, Susanna Martín, Marc Torices, Yeyei Gómez e Jorge Campos, ademais de acoller as mostras das firmas gañadoras do Premio Castelao de Banda Deseñada 2023, Paula Mayor e Cristian F. Caruncho, e a mostra dos fanzines presentados ao I Premio Autobán ao Mellor Fanzine Galego, convocado este 2024.
Pola súa banda, ‘Toriyama en Galicia’ é o título da exposición colectiva que lle rende homenaxe ao autor de personaxes xa míticos do noso imaxinario como Son Goku ou Arale, da man dunha coidada selección de autoras e autores galegos como Paula Cheshire, José Domingo, Miguel Robledo ou Xulia Pisón, entre moitos outros, con ilustracións debuxadas especialmente para a mostra, ademais dunha escolma de páxinas do fanzine Onda Vital!! e outros obxectos e publicacións relacionados coa obra de Akira Toriyama.
Por primeira vez, un personaxe de cómic dun autor galego —Gaspariño de Xaquín Marín— súmase á colección de figuras que visten a cidade da Coruña durante a celebración do Viñetas; unha colección que neste 2024 recupera, tamén, a figura de Groucho, de Ventura & Nieto, tras o pasamento de Enrique Ventura, un dos grandes clásicos da revista El Jueves. Como outro dos fitos destacados, cabe mencionar, tamén, que Fermin Muguruza presentará no marco de Viñetas Show, no Teatro Colón, o seu filme Black is Beltza II: Ainhoa, secuela do éxito Black is Beltza, primeira incursión do artista no cinema de animación, que se presenta de novo acompañada da versión en banda deseñada da historia, debuxada por Susanna Martín.
