O Instituto de Estudos Ulloáns organiza excursión botánica á Ribeira do Pambre
O Instituto de Estudos Ulloáns organiza a próxima excursión botánica do proxecto Flora da Ulloa, organizada por Xurxo Mouriño, que terá lugar o próximo domingo día 21 pola ribeira do Pambre. Baixarase pola ribeira desde a altura do balneario, até chegar ao mediodía á confluencia co Ulla no Batán e seguir á tarde até a foz do río Seco, nos confíns da Ulloa, onde se xuntan as provincias de Pontevedra, A Coruña e Lugo.
Podedes notificar a vosa asistencia a floraulloa@ieu.gal ou ao tfno. 609139498.
*Información achegada desde o Instituto de Estudos Ulloáns.